ബെംഗളൂരു: നിയമസഭാ തെരഞ്ഞെടുപ്പിൽ ബിജെപിയെ വിജയിപ്പിക്കാൻ തന്റെ രാഷ്ട്രീയ മൂലധനത്തിന്റെ വൻ നിക്ഷേപവുമായി പ്രധാനമന്ത്രി നരേന്ദ്ര മോദി മെയ് 6 ന് ബെംഗളൂരുവിൽ 36.6 കിലോമീറ്റർ ദൈർഘ്യമുള്ള റോഡ് ഷോ നടത്തും.
‘ നമ്മ കർണാടക ‘ റോഡ് ഷോ ബെംഗളൂരുവിലെ 17 നിയമസഭാ മണ്ഡലങ്ങളെ ഉൾക്കൊള്ളും. സംസ്ഥാന തലസ്ഥാന മേഖലയിൽ 28 അസംബ്ലി മണ്ഡലങ്ങളാണുള്ളത്, അതിൽ ബിജെപി 15, കോൺഗ്രസിന് 12, ജെഡി (എസ്) ഒന്ന് എന്നിങ്ങനെയാണ് മണ്ഡലങ്ങളുടെ കണക്ക്. മെയ് 6 ന്, മോദിയുടെ റോഡ് ഷോ രണ്ട് ഘട്ടങ്ങളായാണ് നടക്കുന്നത്: രാവിലെ 11 മുതൽ ഉച്ചയ്ക്ക് 10.1 കിലോമീറ്റർ വരെയും വൈകിട്ട് 4 മുതൽ രാത്രി 10 വരെ 26.5 കി.മീ. വീതവും റോഡ് ഷോ നടത്തും.
റോഡ് ഷോയിൽ പങ്കെടുക്കാൻ 10 ലക്ഷത്തിലധികം ആളുകളെ അണിനിരക്കുമെന്നാണ് ബിജെപി പ്രതീക്ഷിക്കുന്നത്. രാവിലെ സുരഞ്ജൻദാസ് റോഡിൽ നിന്ന് ആരംഭിക്കുന്ന മോദിയുടെ റോഡ് ഷോ മഹാദേവപുര, കെആർ പുരം, സിവി രാമൻ നഗർ, ശാന്തിനഗർ, ശിവാജിനഗർ എന്നീ മണ്ഡലങ്ങൾ ഉൾക്കൊള്ളും. പിന്നീട് ബാംഗ്ലൂർ സൗത്ത്, ബൊമ്മനഹള്ളി, ജയനഗർ, പദ്മനാഭനഗർ, ബസവനഗുഡി, ചിക്ക്പേട്ട്, ചാമരാജ്പേട്ട്, ഗാന്ധിനഗർ, വിജയനഗർ, ഗോവിന്ദരാജ് നഗർ, രാജാജിനഗർ, മഹാലക്ഷ്മി ലേഔട്ട്, മല്ലേശ്വരം സെഗ്മെന്റുകൾ മോദി സന്ദർശിക്കും.
പൗരന്മാർക്ക് അസൗകര്യമുണ്ടാകാതിരിക്കാൻ പോലീസുമായി ചർച്ച നടത്തിയിട്ടുണ്ട്. മുൻകരുതൽ നടപടികൾ സ്വീകരിച്ചിട്ടുണ്ട്, എന്നും” ബാംഗ്ലൂർ സെൻട്രൽ എംപി പി സി മോഹൻ പറഞ്ഞു. ബെംഗളൂരുവിനെ ബിജെപിയുടെ ശക്തികേന്ദ്രമെന്ന് വിശേഷിപ്പിച്ച ബംഗളൂരു സൗത്ത് എംപി തേജസ്വി സൂര്യ, പ്രധാനമന്ത്രി മോദിയുടെ റോഡ് ഷോ ബംഗളൂരുക്കാർക്ക് സന്തോഷകരമായ ഉത്സവം പോലെയായിരിക്കുമെന്ന് പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
