ബെംഗളൂരു: ബിബിഎംപി നടത്തുന്ന വിദ്യാഭ്യാസ സ്ഥാപനങ്ങളിൽ വിദ്യാർത്ഥികളെ പഠിപ്പിക്കാൻ മതിയായ യോഗ്യതയില്ലാത്ത 44 അധ്യാപകരെ ബൃഹത് ബെംഗളൂരു മഹാനഗര പാലകെ (ബിബിഎംപി) പിരിച്ചുവിട്ടു. B.Ed, NET, SLET, UGC, M.Phil എന്നിവ പൂർത്തിയാക്കാത്തവരോ റിക്രൂട്ട്‌മെന്റ് പ്രക്രിയയിൽ പ്രൊഫഷണൽ മാനദണ്ഡങ്ങൾ പാലിക്കുന്നതിൽ പരാജയപ്പെട്ടവരോ ആയ അധ്യാപകരെ മാറ്റിയതായി ബിബിഎംപി സ്പെഷ്യൽ കമ്മീഷണർ (വെൽഫെയർ) രാം പ്രസാത് മനോഹർ മാധ്യമങ്ങളോട് പറഞ്ഞു.
ബിബിഎംപിയിലേക്ക് അധ്യാപകരെ നിയമിക്കുന്ന ഏജൻസിയോട് സംസ്ഥാന സർക്കാർ നിർദേശപ്രകാരം ബിബിഎംപി ആഗ്രഹിക്കുന്ന മാറ്റങ്ങളെക്കുറിച്ച് രണ്ട് മാസം മുമ്പ് പറഞ്ഞിരുന്നതായും അത് തിരിച്ചറിഞ്ഞതോടെ കരാറിലുള്ള അധ്യാപകരെ മാറ്റിസ്ഥാപിച്ചതായും ഔദ്യോഗിക വൃത്തങ്ങൾ അറിയിച്ചു. ഈ അധ്യാപകർ മറ്റ് മാനദണ്ഡങ്ങൾ പാലിക്കുകയും ഏജൻസി അവരുടെ പേരുകൾ വീണ്ടും ശുപാർശ ചെയ്യുകയും ചെയ്താൽ, അവരെ നിയമിക്കുന്ന കാര്യം ബിബിഎംപി പരിഗണിക്കുമെന്ന് ഉദ്യോഗസ്ഥർ പറഞ്ഞു. ബിബിഎംപിക്ക് കരാർ അടിസ്ഥാനത്തിൽ അധ്യാപകരെ നിയമിക്കുന്ന ഏജൻസിയായ ക്രിസ്റ്റൽ ഇൻഫോസിസ്റ്റം പ്രൈവറ്റ് ലിമിറ്റഡിന് ചീഫ് കമ്മീഷണറുടെ നിർദ്ദേശപ്രകാരം 21/07/2022-നകം വിവിധ പാലികെ സ്ഥാപനങ്ങളിൽ പഠിപ്പിക്കുന്ന 44 അധ്യാപകരെ മാറ്റണമെന്ന് ബിബിഎംപി ഇതിനോടകം നോട്ടീസ് നൽകി
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
