Day: 17 May 2024

ബെംഗളൂരു∙ മാലിന്യത്തിൽ നിന്ന് വൈദ്യുതി ഉൽപാദിപ്പിക്കുന്ന സംസ്ഥാനത്തെ ആദ്യ പ്ലാന്റിന്റെ നിർമാണം നഗരാതിർത്തിയായ ബിഡദിയിൽ പൂർത്തിയായി. പരീക്ഷണാടിസ്ഥാനത്തിൽ പ്ലാന്റിന്റെ പ്രവർത്തനം ഈ മാസം ആരംഭിച്ചേക്കും.കർണാടക പവർ കോർപറേഷനും ബിബിഎംപിയും സംയുക്തമായാണ് 11.5 മെഗാവാട്ട് വൈദ്യുതി ഉൽപാദന ശേഷിയുള്ള പ്ലാന്റ് സ്ഥാപിച്ചത്. കർണാടക വ്യവസായ വികസന കോർപറേഷന്റെ നിയന്ത്രണത്തിലുള്ള 10 ഏക്കർ ഭൂമിയിൽ 260 കോടിരൂപ ചെലവഴിച്ച് നിർമിച്ച പ്ലാന്റിലേക്ക് മാലിന്യം എത്തിക്കുന്നതിനുള്ള ചുമതല ബിബിഎംപിക്കാണ്. പ്രതിദിനം 600 മെട്രിക് ടൺ ഖരമാലിന്യം പ്ലാന്റിൽ സംസ്കരിക്കാം. 2020ലാണ് പ്ലാന്റിന്റെ നിർമാണം ആരംഭിച്ചത്. ഇവിടെ ഉൽപാദിപ്പിക്കുന്ന വൈദ്യുതി…

ബെംഗളൂരു: എസ്എംടിവി ബെംഗളൂരു–കൊച്ചുവേളി (06084) പ്രതിവാര സ്പെഷൽ ട്രെയിൻ സർവീസ് ജൂലൈ 3 വരെ നീട്ടിയതായി ദക്ഷിണ പശ്ചിമ റെയിൽവേ അറിയിച്ചു. കൊച്ചുവേളി– എസ്എംവിടി ബെംഗളൂരു (06083) സർവീസ് ജൂലൈ 2 വരെയും നീട്ടി. നേരത്തേ മേയ് 28 വരെയായിരുന്നു സർവീസ് പ്രഖ്യാപിച്ചിരുന്നത്. ബുധനാഴ്ചകളിൽ ഉച്ചയ്ക്ക് 12.45ന് ബയ്യപ്പനഹള്ളി ടെർമിനലിൽ നിന്ന് പുറപ്പെടുന്ന ട്രെയിൻ പിറ്റേദിവസം രാവിലെ 6.45നു കൊച്ചുവേളിയിലെത്തും. ചൊവ്വാഴ്ചകളിൽ വൈകിട്ട് 6.05ന് കൊച്ചുവേളിയിൽ നിന്ന് പുറപ്പെടുന്ന ട്രെയിൻ പിറ്റേദിവസം രാവിലെ 10.55ന് ബെംഗളൂരുവിലെത്തും.

ബെംഗളൂരു : ബെംഗളൂരു കെംപെഗൗഡ രാജ്യാന്തര വിമാനത്താവളം റോഡിൽ നാലുദിവസത്തിനിടെ ഒരു അപകടമരണം സംഭവിക്കുന്നതായി കണക്കുകൾ സൂചിപ്പിക്കുന്നു. ഈ വർഷം ജനുവരിമുതൽ ഏപ്രിൽവരെ 30 പേരാണ് മരിച്ചത്. 111 പേർക്ക് പരിക്കേറ്റിട്ടുണ്ട്. നഗരത്തിലെ വാഹനാപകടങ്ങളുടെ ഒൻപതുശതമാനവും സംഭവിക്കുന്നത് വിമാനത്താവളം റോഡിലാണ്. രാത്രി ഒൻപതിനും പുലർച്ചെ മൂന്നിനുമിടയിലാണ് കൂടുതൽ അപകടങ്ങളും സംഭവിക്കുന്നതെന്ന് ട്രാഫിക് പോലീസ് ജോയിന്റ് കമ്മിഷണർ എം.എൻ. അനുചേത് പറഞ്ഞു. അപകടങ്ങൾ വർധിക്കുന്നതിനാൽ വിമാനത്താവളം റോഡിൽ ട്രാഫിക് പോലീസ് ക്യാമറകൾ സ്ഥാപിച്ചിട്ടുണ്ട്.

ബെംഗളുരു: മെട്രോ സ്റ്റേഷനുകളിൽ അധികസമയം ചെലവഴിക്കുന്നവരാണോ നിങ്ങൾ? ബെംഗളുരു മെട്രോയിൽ യാത്ര ചെയ്യുമ്പോൾ ഈ ശീലം ഒഴിവാക്കുന്നതായിരിക്കും ബുദ്ധി. മെട്രോ സ്റ്റേഷനുകളിൽ അനുവദിച്ചിരിക്കുന്ന 20 മിനുട്ടിലുമധികം സമയം ചെലവഴിക്കുന്നവരിൽ നിന്ന് 50 രൂപ പിഴയാണ് ബിഎംആർസിഎൽ ചുമത്തുന്നത്. നേരത്തെയുള്ള നിയമം തന്നെയാണെങ്കിലും അടുത്തിടെ ഒരു യാത്രക്കാരന് പിഴ ലഭിച്ചതോടെയാണ് ഇത് വീണ്ടും ചർച്ചയായത്. അധികം യാത്രക്കാർക്കും ഇങ്ങനെയൊരു നിയമം ഉള്ളതായി അറിവില്ലെന്നതാണ് യാഥാർത്ഥ്യം. മെട്രോയിലെ തിരക്ക് ഒഴിവാക്കുന്നതിന് വേണ്ടിയാണ് ഈ നിയമം കർശനമായി നടപ്പാക്കുന്നത്. അരുൺ കെ എന്ന യാത്രക്കാരനാണ് 5 മിനുട്ട് അധികം…