Day: 18 February 2024

ബെംഗളൂരു : മലയാളം മിഷൻ കർണാടക ചാപ്റ്റർ മൈസൂരു മേഖലയിലെ അധ്യാപക പരിശീലനം നഞ്ചൻഗുഡ് ഇൻഫന്റ് ജീസസ് കത്തീഡ്രൽ പാരിഷ് ഹാളിൽ വച്ച് ഇന്ന് നടക്കും. ഫാദർ അന്തപ്പ പരിശീലന ക്ലാസുകൾ ഉദ്ഘാടനം ചെയ്തു. മലയാളം മിഷൻ വിദഗ്ദ അധ്യാപകരായ ശ്രീമതി ത്രേസ്യാമ്മ, ടോമി ആലുങ്കൽ, ഗീത ശശികുമാർ, പ്രദീപ്കുമാർ മാരിയിൽ, ജിസോ ജോസ് എന്നിവരാണ് ക്ലാസുകൾ നയിക്കുന്നത്. കർണാടക ചാപ്റ്റർ വൈസ് പ്രസിഡൻറ്ശ്രീ സുരേഷ് ബാബു, ദേവി പ്രദീപ്, അജിത ശശി എന്നിവരുടെ നേതൃത്വത്തിലാണ് പരിശീലന ക്ലാസ് സംഘടിപ്പിക്കുന്നത്.

ബെംഗളൂരു : എട്ടാം ക്ലാസ് വിദ്യാർഥിനിയായ 14-കാരിയുടെ വിവാഹം നടത്തിയതിന് മുത്തശ്ശിയുൾപ്പെടെ ഒമ്പതാളുകളുടെ പേരിൽ പോലീസ് കേസെടുത്തു. ബെംഗളൂരുവിലെ സർജാപുര സ്വദേശിനിയുടെ വിവാഹമാണ് നടത്തിയത്. ചിക്കബല്ലാപുര സ്വദേശിയായ 24-കാരനാണ് കുട്ടിയെ വിവാഹം കഴിച്ചത്. ചിക്കബല്ലാപുരയിലെ ഒരു ക്ഷേത്രത്തിലായിരുന്നു വിവാഹം. സ്‌കൂൾ അവധിയായിരുന്നതിനാൽ പെൺകുട്ടി മുത്തശ്ശിയായ രാജമ്മയുടെ വീട്ടിലായിരുന്നെന്ന് സർജാപുര പോലീസ് പറഞ്ഞു. കുട്ടിയുടെ മാതാപിതാക്കളെ അറിയിക്കാതെയാണ് വിവാഹം നടത്തിയത്. പിന്നീട് വിവരമറിഞ്ഞ അമ്മയാണ് പരാതി നൽകിയത്.

ബെംഗളൂരു : മധ്യവേനലവധിയോടനുബന്ധിച്ച് ബെംഗളൂരുവിൽനിന്ന് കേരളത്തിലേക്കുള്ള തീവണ്ടികളിൽ ടിക്കറ്റ് തീർന്നതിനാൽ ഇത്തവണയും യാത്ര കടുക്കും. മാർച്ച് അവസാനത്തോടെ ബെംഗളൂരുവിലെ സ്കൂളുകൾ അടയ്ക്കുന്നതിനാൽ ഒട്ടേറെ ആളുകളാണ് കുടുംബത്തോടെ നാട്ടിൽ പോകാനിരിക്കുന്നത്. ഈസ്റ്റർ അവധികൂടിയായതിനാൽ ജോലിയാവശ്യത്തിന് നഗരത്തിലുള്ളവരും നാട്ടിൽ പോകും. മാർച്ച് 27 മുതൽ 30 വരെയാണ് കൂടുതൽ തിരക്ക് അനുഭവപ്പെടുന്നത്. ഈ ദിവസങ്ങളിൽ തെക്കൻ കേരളത്തിലേക്കുള്ള തീവണ്ടികളിലൊന്നിലും ടിക്കറ്റില്ല. യാത്രക്കാർ കൂടുതലായി ആശ്രയിക്കുന്ന കൊച്ചുവേളി എക്സ്‌പ്രസ് (16315), കന്യാകുമാരി എക്സ്‌പ്രസ് (16526) എന്നിവയിലെല്ലാം വെയ്റ്റിങ് ലിസ്റ്റിലാണ്. എറണാകുളം എക്സ്‌പ്രസിൽ (12677) സീറ്റുകളുണ്ടെങ്കിലും രാവിലെ പുറപ്പെടുന്നതായതിനാൽ പലരും…