ബെംഗളൂരു: പഴയ മദ്രാസ് റോഡ് മീറ്റിലെ 500 മീറ്ററിൽ ബ്രുഹത് ബെംഗളൂരു മഹാനഗര പാലകെ (ബിബിഎംപി) ഏറ്റെടുത്ത ‘ദ്രുത റോഡ്’ പ്രവൃത്തികൾ പൂർത്തിയാക്കി ഡിസംബർ 8 ന് പൊതു ഉപയോഗത്തിനായി തുറന്നുകൊടുക്കും.
വൈറ്റ് ടോപ്പിംഗ് രീതിയിൽ 500 മീറ്റർ റോഡ് സ്ഥാപിക്കാൻ ഏകദേശം മൂന്നോ നാലോ ദിവസമെടുക്കുമെന്നാണ് ആദ്യം പ്രതീക്ഷിച്ചിരുന്നത്. എന്നിരുന്നാലും, നവംബർ 23 ന് പ്രവൃത്തി പ്രഖ്യാപിച്ച് രണ്ടാഴ്ചയ്ക്ക് ശേഷം റോഡ് ഇപ്പോൾ ഗതാഗതത്തിനായി തുറക്കുമെന്നാണ് പ്രമുഖ മാധ്യമങ്ങൾ റിപ്പോർട്ട് ചെയ്യുന്നത്.
പൈലറ്റ് പ്രോജക്ട് പ്രഖ്യാപിച്ചപ്പോൾ, വൈറ്റ്-ടോപ്പിംഗ് റോഡുകൾ ഏകദേശം 30 ദിവസമെടുക്കുമ്പോൾ, പുതിയ രീതി ഉപയോഗിച്ച്, ഒരു ദിവസം കൊണ്ട് 150 മീറ്ററോളം റോഡ് പുനർനിർമിക്കാൻ കഴിയുമെന്ന് സിവിൽ ഉദ്യോഗസ്ഥർ പറഞ്ഞിരുന്നു. 20 അടി നീളവും അഞ്ചടി വീതിയുമുള്ള കോൺക്രീറ്റ് സ്ലാബുകൾ ഫാക്ടറിയിൽ തയ്യാറാക്കി റോഡിൽ ഘടിപ്പിച്ചതാണ് റാപ്പിഡ് രീതി. റാമ്പുകളും ഫുട്പാത്തും ശരിയാക്കുന്നതും പദ്ധതിയിൽ ഉൾപ്പെടുന്നുണ്ട്. പുതിയ രീതിക്ക് വൈറ്റ് ടോപ്പിങ്ങിനെക്കാൾ 20-25% കൂടുതൽ ചിലവ് വരുമെന്ന് ബിബിഎംപി ചീഫ് കമ്മീഷണർ തുഷാർ ഗിരി നാഥ് നേരത്തെ പറഞ്ഞിരുന്നു.
നവംബർ 23-ന് ഇന്ദിരാനഗർ 100 അടി റോഡും പഴയ മദ്രാസ് റോഡും ചേരുന്ന ബിന്നമംഗല ജംഗ്ഷനിലാണ് പൈലറ്റ് പ്രോജക്ട് ആരംഭിച്ചത്. മൂന്ന് നാല് ദിവസങ്ങൾ കൊണ്ട് പൂർത്തിയാകുമെന്ന് പ്രതീക്ഷിച്ചിരുന്നെങ്കിലും കൂടുതൽ സമയമെടുത്തത് അസൗകര്യം സൃഷ്ടിച്ചു. രണ്ടാഴ്ചയോളം റോഡ് അടച്ചിട്ടിരിക്കെ വഴിമാറി സഞ്ചരിക്കേണ്ടി വന്ന വാഹനയാത്രക്കാർക്ക് അസൗകര്യം സൃഷ്ടിട്ടിച്ചിരുന്നു
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
