ബെംഗളൂരു: ഹുബ്ബള്ളിയിൽ വികസിപ്പിച്ച വടക്കൻ കർണാടക മേഖലയിലെ ആദ്യത്തെ പൊതു സൈക്കിൾ ഷെയറിംഗ് (പിബിഎസ്) സംവിധാനമായ ‘സവാരി’ അതിന്റെ ട്രയൽ റണ്ണിന്റെ ഭാഗമായി രണ്ട് മാസത്തിനുള്ളിൽ 840 സജീവ ഉപയോക്താക്കളുമായി 3,794 റൈഡുകൾ രേഖപ്പെടുത്തി.
ഏതാനും ഇലക്ട്രിക് സൈക്കിളുകൾ ഉൾപ്പെടെ ഇറക്കുമതി ചെയ്ത 340 സൈക്കിളുകളുമായി നഗരത്തിലെ വിവിധ സ്ഥലങ്ങളിലായി 34 ഡോക്കിംഗ് സ്റ്റേഷനുകളുള്ള പദ്ധതി 8.50 കോടി രൂപ ചെലവിൽ ഹുബ്ബള്ളി-ധാർവാഡ് സ്മാർട്ട് സിറ്റി ലിമിറ്റഡ് (എച്ച്‌ഡിഎസ്‌സിഎൽ) ആണ് നടപ്പിലാക്കിയത്. ഡോക്കിംഗ് സ്റ്റേഷനുകൾ പ്രധാനമായും റെസിഡൻഷ്യൽ ഏരിയകളിലാണ് സ്ഥാപിച്ചിരിക്കുന്നത്, മാർക്കറ്റ് സ്ഥലങ്ങൾ പോലുള്ള കോർ സിറ്റി ഏരിയകൾക്കുള്ളിലല്ല.
ട്രിനിറ്റി ടെക്‌നോളജീസ് ആൻഡ് സോഫ്റ്റ്‌വെയർ സൊല്യൂഷൻസ് പ്രൈവറ്റ് ലിമിറ്റഡാണ് ഓപ്പറേഷനും മെയിന്റനൻസുമായി അഞ്ച് വർഷത്തെ കരാറുമായി പദ്ധതി നടപ്പിലാക്കിയ ഓപ്പറേറ്റർ. ‘സവാരി’യുടെ ട്രയൽ റൺ സെപ്റ്റംബർ 23-നാണ് ആരംഭിച്ചത്. ഈ സൈക്കിളുകൾ ഉപയോഗിക്കാൻ രജിസ്റ്റർ ചെയ്ത 2,000-ലധികം പൗരന്മാരിൽ 840 പേർ ഇതുവരെ സജീവ ഉപയോക്താക്കളാണ്. അവർ 3,458 മണിക്കൂർ ഈ സംവിധാനം ഉപയോഗിച്ചു, ഇതുവരെ 3,794 റൈഡുകൾ നടത്തിയതായിട്ടാണ് റിപ്പോർട്ടുകൾ.
ഇതുവരെ മികച്ച പ്രതികരണമാണ് ലഭിച്ചിരിക്കുന്നത് എന്നിരുന്നാലും ഒരാഴ്‌ചയ്‌ക്കുള്ളിൽ ‘സവാരി’ ഔദ്യോഗികമായി ഉദ്ഘാടനം ചെയ്യാൻ ആണ് പദ്ധതി. ഇത് കൂടുതൽ ജനകീയമാക്കുന്നതിന് ബോധവൽക്കരണ പ്രവർത്തനങ്ങളും നടത്തും. 32 ഡോക്കിംഗ് സ്റ്റേഷനുകൾ ഇതിനകം തയ്യാറാണ്, രണ്ട് ഡോക്കിംഗ് സ്റ്റേഷനുകൾ കൂടി ഉടൻ നിർമ്മിക്കുമെന്നും എച്ച് ഡി എസ് സി എൽ മാനേജിംഗ് ഡയറക്ടർ സി ഡബ്ല്യു ഷക്കീൽ അഹമ്മദ് പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
