തുടർച്ചയായ വാടക-കുടിയാൻ-ഉടമസ്ഥ തർക്കങ്ങൾ അവസാനിപ്പിക്കുന്നതിനും വാടക
ഭവന നിർമ്മാണ മേഖലയെ പുനരുജ്ജീവിപ്പിക്കുന്നതിനുമായി കേന്ദ്ര സർക്കാരിന്റെ
മാതൃകാ വാടക നിയമം സ്വീകരിക്കുന്നതിനെക്കുറിച്ച് കർണാടക ആലോചിക്കുന്നു.
മാധ്യമപ്രവർത്തകരുമായി നടത്തിയ സംഭാഷണത്തിലാണ് സംസ്ഥാന
റവന്യൂ മന്ത്രി ആർ അശോക വ്യാഴാഴ്ച ഇക്കാര്യം അറിയിച്ചത്.
റവന്യൂ വകുപ്പ് പദ്ധതികൾ അവലോകനം ചെയ്ത ശേഷം അശോക മാധ്യമപ്രവർത്തകരോട്
പറഞ്ഞു, നിലവിലുള്ള വാടക നിയമം ലളിതമാക്കാൻ സംസ്ഥാന സർക്കാർ ആഗ്രഹിക്കുന്നു.
“ഇത് ഇപ്പോഴും ഒരു നിർദ്ദേശ ഘട്ടത്തിലാണ്, ഇത് സംസ്ഥാനത്ത് ദ്യോഗികമായി
അവതരിപ്പിക്കുന്നതിന് മുമ്പ് പൊതുജനങ്ങളിൽ നിന്ന് അഭിപ്രായ - നിർദ്ദേശങ്ങൾ
പ്രതീക്ഷിക്കുന്നു,” അദ്ദേഹം പറഞ്ഞു. നേരത്തെ വാടക നിശ്ചയിക്കുന്നതിൽ സംസ്ഥാന
സർക്കാരിന് പങ്കുണ്ടെന്നും എന്നാൽ പുതിയ നിയമത്തിലൂടെ സംസ്ഥാന സർക്കാർ ഇപ്പോൾ
ഇരു പാർട്ടികളും വാടക നിശ്ചയിക്കണമെന്ന് നിർദ്ദേശിക്കുകയാണെന്നും അദ്ദേഹം
കൂട്ടിച്ചേർത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
