Day: 24 March 2021

ബെംഗളൂരു : നഗരത്തിൽ കോവിഡ് രോഗികളുടെ എണ്ണം കൂടിവരുന്ന സാഹചര്യത്തിൽ കൂടുതൽ കോവിഡ് കെയർ കേന്ദ്രങ്ങൾ തുറക്കുന്നു. കോറമംഗല ഇൻഡോർ സ്റ്റേഡിയത്തിലും ഹജ്ഭവനിലുമാണ് കഴിഞ്ഞ ദിവസങ്ങളിൽ കോവിഡ് കെയർ കേന്ദ്രങ്ങൾ തുറന്നത്. രണ്ട് സ്ഥലങ്ങളിലും 200 കിടക്കകൾ വീതമാണ് ഒരുക്കിയിട്ടുള്ളത്. ഓരോ നൂറു കിടക്കകൾക്കു ഒരു ഡോക്ടറെ വീതമാണ് നിയോഗിക്കുക. കഴിഞ്ഞ വർഷം കോവിഡ് കൂടിയ സമയത്തും ഈ സ്ഥലങ്ങളിൽ കോവിഡ് കെയർ കേന്ദ്രങ്ങൾ ഒരുക്കിയിരുന്നു. ഓൾഡ് എയർപോർട്ട് റോഡിൽ കഴിഞ്ഞ ജൂലായിൽ എച്ച്.എ.എൽ. തയ്യാറാക്കിയ കോവിഡ് കെയർ കേന്ദ്രവും 186 കിടക്കകൾ ക്രമീകരിച്ച്…

ബെംഗളൂരു: മെട്രോ ലൈനിലെ പരിഷ്കരണ പ്രവർത്തനങ്ങളുടെ ഭാഗമായി താത്കാലികമായി നിർത്തിവെച്ച പർപ്പിൾലൈനിലെ നാടപ്രഭു കെംപെഗൗഡ (മജസ്റ്റിക്) സ്റ്റേഷനും മൈസൂരു റോഡ് സ്റ്റേഷനും ഇടയിലുള്ള നമ്മ മെട്രോ സർവീസുകൾ വെള്ളിയാഴ്ച (മാർച്ച് 26) മുതൽ പുനരാരംഭിക്കുമെന്ന് ബാംഗ്ലൂർ മെട്രോ റെയിൽ കോർപ്പറേഷൻലിമിറ്റഡ് (ബിഎംആർസിഎൽ) അറിയിച്ചു. മാർച്ച് 26 ന് രാവിലെ 7 മണി മുതൽ റൂട്ടിലെ മെട്രോ സർവീസുകൾ വീണ്ടും പ്രവർത്തനം ആരംഭിക്കുമെന്ന് ബി‌എം‌ആർ‌സി‌എൽ വ്യക്തമാക്കി. ഈ വിഭാഗത്തിലെ സിഗ്നലിംഗ്, പ്രീ–കമ്മീഷനിംഗ് ജോലികൾ മുൻ‌കൂട്ടിപൂർത്തിയാക്കിയതിനാലാണ് സർവീസ് 26 ന് പുനരാരംഭിക്കുന്നത്. മാർച്ച് 21 മുതൽ 28 വരെ ഈ റൂട്ടിൽ…

ബെംഗളൂരു: കോവിഡ് 19 രണ്ടാം തരംഗത്തിൽ ബെംഗളൂരുവിൽ റിപ്പോർട്ട് ചെയ്യപ്പെടുന്ന പുതിയ കോവിഡ് കേസുകളുടെ എണ്ണത്തിൽ തുടർച്ചയായ വർദ്ധനവുണ്ടാകുന്ന സാഹചര്യത്തിൽ , നഗരത്തിലെ കണ്ടൈൻമെന്റ് സോണുകളുടെഎണ്ണത്തിലും വർദ്ധനവുണ്ടായിട്ടുണ്ട്. ബി‌ബി‌എം‌പി ചൊവ്വാഴ്ച പുതിയതായി നാല് കണ്ടൈൻമെന്റ് സോണുകൾകൂടി നഗരത്തിൽ കണ്ടെത്തി. ദസറഹള്ളി , യെലഹങ്ക മേഖലകളിൽ രണ്ടും വീതം കണ്ടൈൻമെന്റ്സോണുകളാണ് പുതിയതായി ചേർക്കപ്പെട്ടിട്ടുള്ളത് യഥാക്രമം 10, 12 കേസുകൾ വീതമാണ് ഇവിടങ്ങളിൽ തിരിച്ചറിഞ്ഞത്. ഇതോടെ നഗരത്തിലെ ആക്റ്റീവ് കണ്ടൈൻമെന്റ്  സോണുകളുടെ എണ്ണം 23 ആയി ഉയർന്നു. ദാസറഹള്ളി  മേഖലയിലാണ് ഏറ്റവും കൂടുതൽ ആക്റ്റീവ്  കണ്ടൈൻമെന്റ്  സോണുകൾ ഉള്ളത് (8). യെലഹങ്ക സോണിൽ 6 ഉം ദക്ഷിണ മേഖലയിൽ…

ബെംഗളൂരു: ദേവനഹള്ളി പർവ്വത പുര നിവാസിയായ ശാന്തമ്മ 56, പ്രതിരോധ കുത്തിവെപ്പ് നേടിയില്ലെങ്കിലും രജിസ്റ്റർ ചെയ്തതിന്റെ പിറ്റേന്നുതന്നെ കുത്തിവെപ്പ് എടുത്തതായി വെബ്സൈറ്റിൽ റിപ്പോർട്ട് ചെയ്യപ്പെട്ടു. കഴിഞ്ഞ മാർച്ച് 19 ആം തീയതി മകളുടെ ഭർത്താവ് ഗുരു രാജ് പ്രതിരോധ കുത്തിവെപ്പിനായി ശാന്തമ്മയുടെ പേര് രജിസ്റ്റർ ചെയ്തത്. മാർച്ച് 20ന് കുത്തിവെപ്പ് എടുക്കാൻ ആയിരുന്നു പദ്ധതിയിട്ടിരുന്നത് എങ്കിലും തീയതി മാറ്റി വയ്ക്കാനായി പിറ്റേന്ന് വെബ്സൈറ്റിൽ നോക്കുമ്പോൾ, ശാന്തമ്മ 19ന് തന്നെ പ്രതിരോധ കുത്തിവെപ്പ് എടുത്തതായി റിപ്പോർട്ട് ചെയ്യപ്പെട്ടിരിന്നു. കുത്തിവെപ്പു നൽകിയ ആരോഗ്യ പ്രവർത്തകയുടെ പേരും നൽകിയിട്ടുണ്ടായിരുന്നു.…

ബെംഗളൂരു: വാണി വിലാസ് ഹോസ്പിറ്റലിൽ  ദിവസവും ചികിത്സ തേടുന്ന ഗർഭിണികളിൽ മൂന്ന് പേർക്കെങ്കിലും കോവിഡ് -19 ബാധിച്ചതായി കണ്ടെത്തി. ഈ പ്രവണത സർക്കാരിനെ വളരെയധികം ആശങ്കപ്പെടുത്തുന്നതാണ്. ആയതിനാൽ  150 കിടക്കകളുള്ള ഹാജി സർ ഇസ്മായിൽ സെയ്ത് (എച്ച് എസ് ഐഎസ്) ഗോഷ ഹോസ്പിറ്റലിനെ  കോവിഡ് 19 രോഗബാധിതരായ ഗർഭിണികൾക്കായുള്ള ഒരു പ്രത്യേക ചികിത്സ കേന്ദ്രമാക്കിമാറ്റാൻ തീരുമാനിച്ചു. പകർച്ചവ്യാധിയെത്തുടർന്ന് കോവിഡ് -19 ബാധിച്ച അഞ്ഞൂറിലധികം കുഞ്ഞുങ്ങളാണ് വാണി വിലാസ്ഹോസ്പിറ്റൽ, ഗോഷ ഹോസ്പിറ്റൽ, ബോറിംഗ് ഹോസ്പിറ്റൽ എന്നിവിടങ്ങളായി ജനിച്ചത്. കഴിഞ്ഞ വർഷം ഗോഷ ഹോസ്പിറ്റലിനെ കോവിഡ് -19 രോഗബാധയുള്ള ഗർഭിണികളുടെ ചികിത്സക്കും പ്രസവത്തിനും വേണ്ടിയുള്ള പ്രത്യേക ചികിത്സ കേന്ദ്രമാക്കി മാറ്റിയിരുന്നു.…