Month: June 2020

ബെംഗളൂരു: കോവിഡ് രോഗം സ്ഥിരീകരിച്ച ക്രിമിനൽ കേസിലെ പ്രതി വിക്ടോറിയ ആശുപത്രിയിൽനിന്ന് സെക്യൂരിറ്റി ജീവനക്കാരനെ വെട്ടിച്ച് ഓടി രക്ഷപ്പെട്ടു. ഇന്നലെ രാവിലെ 11:30 ഓടെയാണ് സംഭവം. ചൊവ്വാഴ്ച വൈകുന്നേരം വിക്ടോറിയ ആശുപത്രിയിൽ പ്രവേശിപ്പിച്ച രോഗിയാണ് സെക്യൂരിറ്റി ജീവനക്കാരന് നേരെ തുപ്പിയശേഷം ഓടിപ്പോയതെന്ന് ആശുപത്രി അധികൃതർ പറയുന്നു. ഇയാളെ കണ്ടെത്താനുള്ള ശ്രമം തുടരുകയാണെന്നും കേസെടുത്തെന്നും ബെംഗളൂരു സൗത്ത് ഡി.സി.പി. രോഹിണി സെപാത് അറിയിച്ചു. ആക്രമണ കേസിൽ ഡി.ജെ. ഹള്ളി പോലീസ് സ്റ്റേഷനിൽ 30-കാരനായ പ്രതിക്ക് എതിരെ കേസ് നിലവിൽ ഉണ്ട്.

ബെംഗളൂരു : കോവിഡ് രോഗബാധ അധികമായതിനാലും വിവിധ വ്യാപാര ആവശ്യങ്ങൾ നടക്കുന്നതിനാലും നിരത്തുകളിൽ അവശ്യം സ്ഥലമില്ലത്തതിനാൽ സാമൂഹിക അകലം പാലിക്കാൻ കഴിയാത്തതിനാലും മുഖ്യമന്ത്രിയുടെ പ്രത്യേക നിർദേശ പ്രകാരം നഗരത്തിലെ ഏതാനും സ്ഥലങ്ങൾ അടച്ചിടുകയാണെന്ന് ബി.ബി.എം.പി.അറിയിച്ചു. ടൗൺ ഹാൾ സർക്കിൾ – ജെ.സി.റോഡ് -എ.എം.റോഡ് – കലാശിപ്പാളയം റോഡ് – കെ ആർ മാർക്കറ്റ് ജംഗ്ഷൻ – സർവ്വീസ് റോഡ് – തഗരുപേട്ട റോഡ് (സെക്കൻ്റ് മെയിൻ റോഡ്) -ടിപ്പു സുൽത്താൻ പാലസ് റോഡ് -തഗരുപേട്ട റോഡ് (ഫോർത്ത് മെയിൻ) -ഭാഷ്യം റോഡ് – ശ്രീനിവാസ…

ബെംഗളൂരു : സംസ്ഥാനത്തെ 100% കമ്മ്യൂണിറ്റി ഹെൽത്ത് സെന്ററുകളും. 50% പ്രൈമറി ഹെൽത്ത് സെന്ററുകളും അർബൻ പ്രൈമറി ഹെൽത്ത് സെന്ററുകളും ഫീവർ ക്ലിനിക്കുകളാക്കുന്നു. ഇൻഫ്ലുവെൻസ പോലുള്ള അസുഖവും സിവിയർ അക്യൂട്ട് റെസ്പിറേറ്ററി ഇൻഫെക്ഷനും ബാധിച്ച രോഗികളെ പ്രതേകം പരിശോധിക്കുന്നതിനായാണ് ഫീവർ ക്ലിനിക്കുകൾ തുടങ്ങുന്നത് എന്ന് സംസ്ഥാന ആരോഗ്യ വകുപ്പ് അറിയിച്ചു . സംസ്ഥാനത്ത് ‌ ഇൻഫ്ലുവെൻസ പോലുള്ള അസുഖവും സിവിയർ അക്യൂട്ട് റെസ്പിറേറ്ററി ഇൻഫെക്ഷനും ബാധിച്ച രോഗികളിൽ പലർക്കും കോവിഡ് പോസിറ്റീവ് സ്ഥിരീകരിച്ചിട്ടുണ്ട്. ഇത്തരം കേസുകളിൽ കഴിഞ്ഞ ദിവസങ്ങളിൽ വൻ വർധനവാണ് ഉണ്ടായിരിക്കുന്നത് .