Day: 27 May 2020

ബെംഗളൂരു : രോഗവ്യാപനത്തിൻ്റെ തോത് അനുസരിച്ച് നഗരത്തിലെ വിവിധ സ്ഥലങ്ങളെ കണ്ടെയിൻമെൻ്റ് സോണുകൾ ആക്കി തിരിച്ചിട്ടുണ്ട്. ഇന്ന് ബി.ബി.എം.പി. പുറത്തിറക്കിയ വാർ റൂം ബുള്ളറ്റിൻ പ്രകാരം ആകെ കണ്ടയിൻമെൻ്റ് സോണുകൾ 24 ആണ്. ബിലേക്കഹളളി, മങ്കമ്മപ്പാളയ, ബേഗുർ, പുട്ടെനഹള്ളി, ഹൊങ്ങ സാന്ദ്ര, ഹൂഡി, ഹഗദൂർ ,വരത്തൂർ, രാമമൂർത്തി നഗർ,നാഗവാര, എച്ച്.ബി.ആർ.ലേഔട്ട്, ശിവാജി നഗർ, വമ്മാർപേട്ട്, എസ് കെ ഗാർഡൻ, ബി.ടി.എം.ലേഔട്ട്, ലക്കസാന്ദ്ര, മല്ലേശ്വരം, പാദരായണ പുര, ജഗജീവൻ നഗർ, കെ.ആർ.മാർക്കെറ്റ്, മാരപ്പന പാളയ ,താനി സാന്ദ്ര, ഹാരോ ഹള്ളി, ജ്ഞാന ഭാരതി നഗർ എന്നിവയാണ്…

ബെംഗളൂരു : മൊബൈലും ഇലക്ട്രോണിക് സാധനങ്ങളും മാത്രമല്ല മാധുര്യമേറുന്ന മാമ്പഴവും ഇനി ഫ്ലിപ്പ്കാർട്ടിൽ വാങ്ങാം. ഇതു സംബന്ധിച്ച കരാർ കർണാടക സംസ്ഥാന മാമ്പഴ വികസന കോർപറേഷനും ഫ്ലിപ്പ് കാർട്ടും ഒപ്പുവച്ചു. 45 ദിവസത്തേക്കാണ് കരാർ എന്ന് ഹോൾട്ടികൾച്ചർ മന്ത്രി നാരായണ ഗൗഡ അറിയിച്ചു. 8 ലക്ഷം ടൺ മാമ്പഴം ഈ വർഷം വിൽക്കാൻ കഴിയാതെ കർഷകരുടെ കയ്യിൽ കെട്ടിക്കിടക്കുകയാണ്. ഫ്ലിപ്പ്കാർട്ടിന് ബെംഗളൂരു അർബൻ, കോലർ, ഹാവേരി തുടങ്ങിയ 10 കർഷക കൂട്ടായ്മയുമായി സഹകരിക്കുന്നുണ്ട്. 3 കിലോ വീതുള്ള മാമ്പഴ പാക്കറ്റുകൾ ഉടൻ തന്നെ ഫ്ലിപ്പ്കാർട്ടിൽ…

ബെംഗളൂരു: സംസ്ഥാനത്തെ 22 സർക്കാർ സ്കൂളുകളിൽ ഹൈടെക്ക് ക്ലാസ് മുറികൾ ഒരുക്കാൻ പദ്ധതി. ഇതിന്റെ ആദ്യഘട്ടമായി മല്ലേശ്വരത്തെ അഞ്ച് സർക്കാർ സ്കൂളുകളിൽ ഇ- ലേണിങ്ങ് പദ്ധതി തുടങ്ങി. സന്നദ്ധ സംഘടനയായ ശിക്ഷണ ഫൗണ്ടേഷനുമായിചേർന്നാണ് പദ്ധതി നടപ്പാക്കുന്നത് എന്ന് ഉപമുഖ്യമന്ത്രി അശ്വഥ് നാരായണ അറിയിച്ചു. കംപ്യൂട്ടർ ഉൾപ്പെടെയുള്ള സാങ്കേതിക വിദ്യ ഉപയോഗിക്കുന്നതിൽ അറിവില്ലാത്തത് സർക്കാർ സ്‌കൂളിൽ പഠിക്കുന്ന വിദ്യാർഥികൾക്ക് ഉപരിപഠനം നടത്തുന്നതിന് തടസ്സമാകുന്നുണ്ട്. ഇ- ലേണിങ് പദ്ധതി നടപ്പാക്കുന്നതോടെ ഇത്തരം പ്രശ്നങ്ങൾ ഒരു പരിധിവരെ പരിഹരിക്കാൻ കഴിയുമെന്നാണ് സർക്കാരിന്റെ പ്രതീക്ഷ. ഒരോ ക്ലാസ്മുറികളിലും ഇ- ലേണിങ്…

ബെംഗളൂരു: ജൂൺ ഒന്നു മുതൽ കർണാടകയിൽ ആരാധനായലയങ്ങൾ തുറക്കാൻ സാധിക്കുമെന്നും അതിനുള്ള നടപടികളിലാണെന്നും മുഖ്യമന്ത്രി ബി.എസ്.യെദ്യൂരപ്പ. ക്ഷേത്രങ്ങൾ, മുസ്ലിം-കൃസ്ത്യൻ പള്ളികൾ തുടങ്ങിയ ആരാധാനലയങ്ങൾ കർണാടകയിൽ തുറക്കാൻ അനുമതി നൽകണമെന്നാവശ്യപ്പെട്ട് പ്രധാനമന്ത്രി നരേന്ദ്ര മോദിക്ക് കത്ത് നൽകിയിട്ടുണ്ടെന്നും യെദ്യൂരപ്പ പറഞ്ഞു. തുറക്കുന്നതിന് മുമ്പ് അനുമതി ലഭിക്കേണ്ടതുണ്ട്. അതുക്കൊണ്ട് നമുക്ക് കാത്തിരിക്കാം. അനുമതി ലഭിക്കുകയാണെങ്കിൽ ജൂൺ ഒന്നിനകം ആരാധാനാലയങ്ങൾ തുറക്കാൻ സാധിക്കും യെദ്യൂരപ്പ പറഞ്ഞു. കൊറോണവ്യാപനം തടയുന്നതിനായി പ്രഖ്യാപിച്ച ലോക്ക്ഡൗൺ നിയന്ത്രണങ്ങളുടെ ഭാഗമായി മാർച്ച് അവസാനം മുതൽ രാജ്യത്തെ ആരാധനാലയങ്ങൾ അടച്ചിട്ടിരിക്കുകയാണ്. ലോക്ക്ഡൗൺ നിയന്ത്രണങ്ങളിൽ ഘട്ടം ഘട്ടമായി…

ബെംഗളൂരു: ലോക്ഡൗൺകാരണം റദ്ദാക്കിയ തീവണ്ടികളിലെ ടിക്കറ്റ് റീഫണ്ട് ആരംഭിച്ച് റെയിൽവേ. ദക്ഷിണ പശ്ചിമ റെയിൽവേ ബെംഗളൂരു ഡിവിഷനിലെ കെ.എസ്.ആർ. ബെംഗളൂരു സിറ്റി, യശ്വന്ത് പുര, ഹൊസൂർ,കന്റോൺമെന്റ്,യെലഹങ്ക, കൃഷ്ണരാജപുരം, കെങ്കേരി, മാണ്ഡ്യ, തുമകൂരു എന്നീ സ്റ്റേഷനുകളിലെ റിസർവേഷൻ കൗണ്ടറുകളിൽനിന്ന് ടിക്കറ്റുകൾ റീഫണ്ടു ചെയ്യാം. എല്ലാ പ്രവൃത്തിദിനങ്ങളിലും ഉച്ചയ്ക്ക് 12 മുതൽ വൈകീട്ട് 6 മണിവരെയും ഞായറാഴ്ചകളിലും പൊതു അവധിദിവസങ്ങളിലും രാവിലെ 11 മുതൽ ഉച്ചയ്ക്ക് 2 മണിവരെയുമാകും കൗണ്ടറുകളിൽ നിന്ന് ടിക്കറ്റ് റീഫണ്ടുചെയ്ത്‌ ലഭിക്കുക. അടുത്ത ദിവസങ്ങളിൽ കൂടുതൽ കൗണ്ടറുകൾ റിസർവേഷനുവേണ്ടിയും ടിക്കറ്റ് റീഫണ്ടിനായും തുറക്കും…