Day: 9 March 2020

  ബെംഗളൂരു : മലപ്പുറം പുത്തൂർ പളളിക്കൽ സ്വദേശി അബ്ദുൾ ലത്തീഫ് (51) ബെംഗളൂരുവിലേക്കുള്ള യാത്രയ്ക്കിടെ ബസ്സിൽവെച്ച് മരണപെട്ടു. ഇന്നലെ രാത്രി കോഴിക്കോട്നിന്നും ബെംഗളൂരുവിലേക്ക് വരുന്ന ഒരു സ്വകാര്യ ബസ്സിൽവെച്ചാണ് മരണം സംഭവിച്ചത്. ഹൃദയാഘാതമാണ് മരണകാരണം എന്നാണ് പ്രാഥമിക നിഗമനം. സ്ലീപ്പർകോച്ച് ബസിൻ്റെ ബർത്തിലായിരുന്നതിനാൽ മരണവിവരം മറ്റുളള യാത്രക്കാർ അറിയാൻ വൈകുകയായിരുന്നു. കാലത്ത് ഇദ്ധേഹം ഉണരാത്തത് ശ്രദ്ധയിൽപെട്ട ബസ്സ് ജീവനക്കാർ മരണവിവരം ബെംഗളൂരു കെ എം സി സിയെ അറിയിക്കുകയായിരുന്നു. പ്രവർത്തകർ സ്ഥലത്തെത്തി ആവശ്യമായ കാര്യങ്ങൾ ചെയ്തുവരുന്നുണ്ട് മൃതദേഹം ഇപ്പോൾ വിക്ടോറിയ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.…

ബെംഗളുരു : പീനിയയിൽ ജനവാസ മേഖലയിലൂടെ പുള്ളിപ്പുലി ചുറ്റിയടിക്കുന്നതിന്റെ സിസിടിവി ദൃശ്യങ്ങൾ പുറത്തു വന്നതോടെ പ്രദേശവാസികളുടെ ഭീതിയകറ്റാൻ നടപടിയുമായി വനംവകുപ്പ്. തിഗളറപാളയ മെയിൻ റോഡിലൂടെ പുള്ളിപ്പുലി നടന്നു പോകുന്ന ദ്യശ്യം കഴിഞ്ഞദിവസമാണ് സിസി ക്യാമറയിൽ പതിഞ്ഞത്. ഇതിനും ദിവസങ്ങൾക്കു മുൻപു പുലിയുടേതെന്നു കരുതുന്ന കാലടയാളം വനം വകുപ്പ് അധികൃതരുടെ ശ്രദ്ധയിൽപ്പെട്ടിരുന്നു. ഇതേ തുടർന്നു പുലിയുടെ സാന്നിധ്യമുണ്ടായ സ്ഥലങ്ങൾ കേന്ദ്രീകരിച്ച് സിസിടിവി സ്ഥാപിച്ച വനംവകുപ്പ്, ജനങ്ങളുടെ സുരക്ഷയ്ക്കായി രാത്രിയും രാവിലെയുമായി 7 സുരക്ഷാ ഉദ്യോഗസ്ഥരെ ഈ മേഖലയിൽ പട്രോളിങ്ങിന് നിയോഗിച്ചിട്ടുണ്ട്. പുലിയുടെ ചിത്രം വ്യക്തമായശേഷം തുടർനടപടികൾ…