Day: 4 December 2019

ബെംഗളൂരു : മുൻ പ്രധാനമന്ത്രിയും ജെ.ഡി എസ് ദേശീയ അദ്ധ്യക്ഷനുമായ എച്ച്.ഡി. ദേവഗൗഡയുടെ മകന്റെ മകനായ സൂരജ് രേവണ്ണക്കും മറ്റ് 150 പേർക്കുമെതിരെ വധശ്രമത്തിന് കേസ്. മുൻ സംസ്ഥാന മന്ത്രിയായ രേവണ്ണയുടെ മകനാണ് സൂരജ്. നമ്പി ഹള്ളി വില്ലേജിൽ ചൊവാഴ്ച നടന്ന സംഭവത്തിൽ ബി ജെ പി കോർപ്പറേറ്റർ അടക്കമുള്ളവരെ സൂരജ് ആക്രമിക്കുകയായിരുന്നു എന്നാണ് കേസ്. ചന്നരായ പട്ടണ റൂറൽ പോലീസ് സ്റ്റേഷനിൽ 307 ,327 ,147 വകുപ്പുകൾ ചേർത്ത് കേസെടുത്തു. കേസ് രാഷ്ട്രീയ പ്രേരിതമാണെന്ന് പിതാവ് രേവണ്ണ പറഞ്ഞു.

ബെംഗളൂരു: സംസ്ഥാനത്ത്  15 നിയമസഭ സീറ്റുകളിലേക്ക് നാളെയാണ് വോട്ടെടുപ്പ്. ഇതിനിടെ ബിജെപി വീണ്ടും മറ്റൊരു ഓപ്പറേഷന് ശ്രമിക്കുന്നതായി സംസ്ഥാന കോൺഗ്രസ് അധ്യക്ഷൻ ദിനേശ് ഗുണ്ടറാവു ആരോപിച്ചു. എന്നാൽ ഇത് വോട്ടർമാർ അംഗീകരിക്കില്ലെന്നും അദ്ദേഹം പറഞ്ഞു. ഉപതിരഞ്ഞെടുപ്പിൽ പരാജയപ്പെടുമെന്ന ഭീതിയിലാണ് ബിജെപി ഈ നീക്കം നടത്തുന്നത്. അവർ നടത്തിയ സർവേയിൽ ഭൂരിപക്ഷത്തിന് വേണ്ട സീറ്റുകൾ ലഭിക്കില്ലെന്ന് ഉറപ്പായിട്ടുണ്ട്. സർവേ റിപ്പോർട്ടിന്റെ അടിസ്ഥാനത്തിൽ മറ്റൊരു അട്ടിമറി ശ്രമം നടത്തുകയാണ് ബിജെപി. എന്നാൽ ജനം ഇത് അംഗീകരിക്കില്ല. അവരിൽ നിന്ന് വലിയ പ്രതികരണം ഉണ്ടാകും. അപ്പോൾ സംസ്ഥാനത്ത് കാര്യങ്ങൾ…

ബെംഗളൂരു: കുപ്പികളിൽ പെട്രോൾ നൽകരുതെന്ന് പമ്പുടമകൾക്ക് പോലീസ് നിർദേശം നൽകി. ഹൈദരാബാദ് സംഭവത്തിന്റെ പശ്ചാത്തലത്തിലാണ് പോലീസ് കർശന നിർദ്ദേശം നൽകിയത്. നഗരത്തിലെ എല്ലാ പമ്പുകൾക്കും ഇതുസംബന്ധിച്ച നോട്ടീസ് നൽകിയിട്ടുണ്ട്. ഇതേത്തുടർന്ന് ചില പെട്രോൾ പമ്പുകൾ കുപ്പിയിൽ പെട്രോളും ഡീസലും നൽകില്ലെന്ന് അറിയിപ്പുബോർഡ് സ്ഥാപിച്ചു. നിർദേശം ലംഘിക്കുന്ന പമ്പുകൾക്കെതിരേ കർശന നടപടിയെടുക്കുമെന്ന് പോലീസിന്റെ നോട്ടീസിൽ വ്യക്തമാക്കിയിട്ടുണ്ട്. ഹൈദരാബാദിൽ വെറ്ററിനറി ഡോക്ടറെ കൊന്നശേഷം കുപ്പികളിൽ വാങ്ങിയ പെട്രോൾ ഒഴിച്ച് കത്തിക്കുകയായിരുന്നുവെന്ന കാര്യവും നോട്ടീസിൽ സൂചിപ്പിച്ചിട്ടുണ്ട്.

ബെംഗളൂരു: നഗരത്തിലെ ചിലഭാഗങ്ങളിൽ മൂന്നു ദിവസത്തേക്ക് മദ്യവിൽപ്പന നിരോധിച്ചു. ഉപതിരഞ്ഞെടുപ്പു നടക്കുന്ന മണ്ഡലങ്ങളുടെ പരിധിയിൽ മാത്രമേ മദ്യനിരോധനമുണ്ടാകൂ. ബെംഗളൂരുവിൽ കെ.ആർ. പുരം, ശിവാജിനഗർ, യശ്വന്തപുര, മഹാലക്ഷ്മിലേഔട്ട് എന്നീ മണ്ഡലങ്ങളിലാണ് ഉപതിരഞ്ഞെടുപ്പുള്ളത്. ഡിസംബർ ആറു വരെ ഇവിടെ നിരോധനാജ്ഞയും പ്രഖ്യാപിച്ചിട്ടുണ്ട്. നവംബർ 11-ന് പെരുമാറ്റച്ചട്ടം നിലവിൽ വന്നതിനുശേഷം തിരഞ്ഞെടുപ്പു കമ്മിഷൻ പൊതുസ്ഥലങ്ങളിൽ നിന്ന് 1527 ഭിത്തിഎഴുത്തുകളും 7963 പോസ്റ്ററുകളും 2359 ബാനറുകളും നീക്കിയിട്ടുണ്ട്.

ബെംഗളൂരു : കോളേജ് കെട്ടിടത്തിൽ നിന്നും ചാടി മരിച്ച ഹർഷ (22) മരിക്കും മുൻപ് കോളേജിലെ അച്ചടക്കസമിതി യുമായി സംസാരിക്കുന്നതിന്റെ സിസിടിവി ദൃശ്യങ്ങൾ ലഭിച്ചതായി പോലീസ്. http://bangalorevartha.in/archives/40685 ആന്ധ്രാ സ്വദേശിയും അമൃത സ്കൂൾ ഓഫ് എൻജിനീയറിങ് വിദ്യാർത്ഥിയുമായ ഹർഷ ഒക്ടോബർ 21 നാണ് മരിച്ചത്. http://bangalorevartha.in/archives/40399 കോളേജ് ഹോസ്റ്റലിലെ ഭക്ഷണവും വെള്ളവും മോശമാണെന്ന് ആരോപിച്ച് വിദ്യാർത്ഥികൾ പലവട്ടം പരാതി നൽകിയിരുന്നു ഇതിനുപിന്നാലെ കോളേജിലെ ജനാലകളും ബസ്സിലെ ചില്ലുകളും നശിപ്പിച്ചു. ഇതുമായി ബന്ധപ്പെട്ട ഹർഷ ഉൾപ്പെടെ അമ്പതോളം വിദ്യാർത്ഥികളെ അച്ചടക്കസമിതി സസ്പെൻഡ് ചെയ്തു. http://bangalorevartha.in/archives/40527 ഹർഷയെ…