Day: 12 September 2019

ബെംഗളൂരു : മുംബൈ – ബെംഗളുരു ദേശീയ പാതയിൽ എസ്.ആർ.എസ് സ്വകാര്യ ബസ് നിർത്തിയിട്ടിരുന്ന ട്രക്കിലിടിച്ച് ഡ്രൈവർ അടക്കം 6 പേർ മരിച്ചു.15 പേർക്ക് പരിക്കേറ്റു. ഇന്ന് രാവിലെ 5 മണിയോടെ മഹാരാഷ്ട്രയിലെ സത്താറക്ക് സമീപമാണ് അപകടം നടന്നത്. ബെൽഗാമിൽ നിന്ന് മുംബൈയിലേക്ക് പോകുകയായിരുന്നു സ്വകാര്യ ബസ്.

ബെംഗളൂരു : ഗുജറാത്ത് സർക്കാറിന് പിന്നാലെ ഗതാഗത ലംഘനത്തിന്റെ ഉയർത്തിയ പിഴ കുറക്കാൻ കർണാടകയും തയ്യാറെടുക്കുന്നു. മുഖ്യമന്ത്രി യെദിയൂരപ്പ ഇന്നലെ മാധ്യമങ്ങളെ അറിയിച്ചതാണ് ഇക്കാര്യം.പിഴത്തുക ഗുജറാത്ത് സർക്കാർ കുറച്ചതായി പത്രവാർത്തകളിലൂടെ അറിയാൻ കഴിഞ്ഞു, അതിന്റെ കൂടുതൽ വിവരങ്ങൾ അറിഞ്ഞ തിന് ശേഷം അതേ രീതിയിൽ പിഴത്തുക കുറക്കാനാണ് തന്റെ സർക്കാർ ആലോചിക്കുന്നത് എന്ന് യെദിയൂരപ്പ വ്യക്തമാക്കി.

ബെംഗളൂരു : സർക്കാർ ആശുപത്രികളുടെ സേവന സൗകര്യങ്ങൾ നേരിൽ കണ്ടു ബോധ്യപ്പെടുന്നതിനായി ഇവിടങ്ങളിൽ രാത്രി തങ്ങാൻ തീരുമാനിച്ച് ആരോഗ്യമന്ത്രി ശ്രീരാമുലു. രോഗികളെ നേരിൽക്കണ്ട് അവരുടെ അഭിപ്രായങ്ങൾ സ്വരൂപിക്കുന്നതിന് കൂടിയാണ് ഇത്. ആരോഗ്യ സേവനരംഗത്ത് സംസ്ഥാന സർക്കാർ ഒട്ടേറെ പദ്ധതികൾ ആവിഷ്കരിച്ചിട്ടുണ്ട് എങ്കിലും സേവനം പൊതുജനത്തിന് കിട്ടുന്നില്ല. നിരവധി പരാതികളാണ് നിലവിലുള്ളത് ഇത് പരിഹരിക്കാനാണ് ആശുപത്രിയിൽ രാത്രി തങ്ങാൻ തീരുമാനിച്ചതെന്ന് ശ്രീരാമലു അറിയിച്ചു.

ബെംഗളൂരു: മോശം റോഡുകൾ കാരണം അപകടം സംഭവിക്കുന്നില്ലെന്നും, എന്നാൽ മികച്ചതും സുരക്ഷിതവുമായ റോഡുകൾ കാരണമാണ് അപകടങ്ങൾ സംഭവിക്കുന്നതെന്നും കർണാടക ഉപമുഖ്യമന്ത്രി ഗോവിന്ദ് കജ്റോൾ. കർണാടകയിലെ ചിത്രദുർഗയിൽ മാധ്യമപ്രവർത്തകരോട് സംസാരിക്കുകയായിരുന്നു ഉപമുഖ്യമന്ത്രി. റോഡുകൾ മികച്ച നിലവാരത്തിലായതാണ് അപകടനിരക്ക് വർധിക്കാൻ കാരണം. നമ്മുടെ റോഡുകളിൽ ഇപ്പോൾ മണിക്കൂറിൽ നൂറു കിലോമീറ്ററിലേറെ വേഗതയിൽ വാഹനമോടിക്കാൻ കഴിയും. അതുകൊണ്ടുതന്നെയാണ് അപകടങ്ങളുടെ എണ്ണവും കൂടുന്നത്- അദ്ദേഹം വിശദീകരിച്ചു. അതേസമയം, മോട്ടോർ വാഹന നിയമത്തിലെ പിഴത്തുക കുറയ്ക്കുന്ന കാര്യത്തിൽ രണ്ടുദിവസത്തിനകം തീരുമാനമെടുക്കുമെന്ന് കർണാടക ഗതാഗത മന്ത്രി ലക്ഷ്മൺ സാവഡി പറഞ്ഞു. മോട്ടോർ വാഹന…