Month: February 2019

ബെംഗളൂരു: പുൽവാമയിൽ ഭീകരാക്രമണത്തിൽ കൊല്ലപ്പെട്ട സൈനികർക്ക് ആദരാഞ്ജലിയർപ്പിച്ച് നടത്തിയ പ്രകടനത്തിനിടെ പാകിസ്ഥാന് അനുകൂലമായി മുദ്രാവാക്യം വിളിച്ച യുവാവ് പോലീസ് പിടിയിലായി. കെട്ടിട നിർമ്മാണ തൊഴിലാളിയായി ജോലിനോക്കുന്ന അസം സ്വദേശി സാദിഖാണ് (32) മണ്ഡ്യയിൽ പിടിയിലായത്. സൈനികർക്ക് ആദരാഞ്ജലിയർപ്പിച്ച് നടത്തിയ പ്രകടനത്തിനിടെയാണ് സാദിഖ് പാകിസ്ഥാന് അനുകൂലമായി മുദ്രാവാക്യം വിളിച്ചെത്തിയത്. പ്രദേശവസികൾ നൽകിയ പരാതിയെ തുടർന്ന് രാജ്യദ്രോഹ കുറ്റത്തിന് പോലീസ് കേസെടുത്തു.

മൈസൂരു: ചാമുണ്ഡി മേഖലയിലും തീപ്പിടിത്തം. തിങ്കളാഴ്ച രാത്രി ചാമുണ്ഡിഹില്ലിന് സമീപത്തുള്ള ഉട്ടാഹള്ളി ജങ്ഷനിലാണ് ആദ്യം തീ പിടിച്ചത്. പിന്നീടിത് സരസ്വതിപുരം പ്രദേശത്തേക്ക് വ്യാപിക്കുകയായിരുന്നു. മൈസൂരു – നഞ്ചൻകോട് റോഡിന്റെ സമീപത്താണ് ഈ പ്രദേശം. ഉണങ്ങിയ പുല്ലുകളിൽ പിടിച്ച തീ പിന്നീട് പടരുകയായിരുന്നു. പ്രദേശവാസികളും അഗ്നിരക്ഷാസേനയും വിദ്യാർഥികളും ചേർന്ന് തീ അണച്ചതിനാൽ വലിയ അപകടം ഒഴിവായി. ജില്ലാവനംവകുപ്പ് ഉദ്യോഗസ്ഥൻ കെ.പി. ഗുരുരാജ്, സ്റ്റേഷൻ ഓഫീസർമാരായ ശിവസ്വാമി, നാഗരാജ്, തുടങ്ങിയവരുടെ നേതൃത്വത്തിൽ മണിക്കൂറുകൾ നീണ്ട ശ്രമഫലമായി തീയണക്കാനായി. തിങ്കളാഴ്ച മൈസൂരുവിലെ ഹുൻസൂർ, കെ. ആർ. നഗർ, പെരിയപട്ടണ, എച്ച്.…

മൈസൂരു: നിലവിൽ ബന്ദിപ്പുരിലെ അവസ്ഥ നിയന്ത്രണവിധേയമാണെന്ന് വനംവകുപ്പ് പ്രിൻസിപ്പൽ ചീഫ് കൺസർവേറ്റർ ശ്രീധർ പുനാട്ടി പറഞ്ഞു. ഉൾക്കാടുകളിലേക്കു വ്യാപിച്ച തീ വ്യോമസേനയുടെ ഹെലികോപ്റ്ററുകളുടെ സഹായത്തോടെ അണച്ചു. തീ നിയന്ത്രണവിധേയമായതിനാൽ ഒരു ഹെലികോപ്റ്റർ മടക്കി അയച്ചു. കാട്ടുതീയിലുണ്ടായ നഷ്ടം സംബന്ധിച്ച കണക്കുകൾ നൽകാൻ വനംവകുപ്പിന് മുഖ്യമന്ത്രി എച്ച്.ഡി. കുമാരസ്വാമി നിർദേശം നൽകി. ഗോപാലസ്വാമി ബെട്ട മേഖലയിലാണ് കാട്ടുതീ കൂടുതൽ നാശം വിതച്ചത്. തീയണയ്ക്കുന്നതിനായി ചൊവ്വാഴ്ചമാത്രം 19,000 ലിറ്റർ വെള്ളം ഹെലികോപ്റ്ററിൽ കൊണ്ടുവന്ന് ഉപയോഗിച്ചു. തിങ്കളാഴ്ച രണ്ടു ഹെലികോപ്റ്ററുകളിലായി 30,000 ലിറ്റർ വെള്ളം ഉപയോഗിച്ചിരുന്നു. നുഗു അണക്കെട്ടിൽനിന്നുള്ള…

ബെംഗളൂരു : ഇന്ന് നടക്കുന്ന ഇന്ത്യ ഓസ്ട്രേലിയ ട്വൻറി 20 മൽസരത്തിന് ശേഷം തിരിച്ചു പോകാൻ ആരാധകർക്ക് സ്പെഷൽ സർവ്വീസുകൾ ഒരുക്കി ബി എം ടി സി.സ്റ്റേറ്റേഡിയത്തിന്റെ സമീപത്തുനിന്നാണ് രാത്രി സർവ്വീസ് ആരംഭിക്കുക. കഡുഗാഡി, സർജപുര, ഇലക്ട്രോണിക് സിറ്റി, ബെന്നാർ ഘട്ട നാഷണൽ പാർക്ക് ,കെംഗേരി, കെ എച്ച്ബി ക്വാർട്ടേഴ്സ്, ജനപ്രിയ ടൗൺഷിപ്പ് ,നെല മംഗല, യെലഹങ്ക 5 ഫേസ് ,യലഹങ്ക, ബാഗളൂർ എന്നിവിടങ്ങളിലേക്ക് സ്പെഷൽ സർവീസകൾ ഉണ്ടാകും. ബയപ്പന ഹളളി, യെലച്ചന ഹള്ളി, നാഗസാന്ദ്ര ,മൈസൂരു റോഡ് എന്നീ സ്റ്റേഷനുകളിൽ നിന്ന് നമ്മ…