Month: August 2018

ബെംഗളൂരു : ഹാവേരിയിൽ വിദ്യാർഥിനിയെ മാനഭംഗം ചെയ്തു കൊലപ്പെടുത്തിയതിനെ തുടർന്നു വിദ്യാർഥികളുടെ വൻ പ്രക്ഷോഭം. ഈ മാസം ആറിനു കാണാതായ ഇരുപത്തൊന്നുകാരിയുടെ മൃതദേഹമാണ് പാതികത്തിയ നിലയിൽ ദേശീയപാതയിൽ വരദ നദിക്കു സമീപം കണ്ടെത്തിയത്. പ്രതിഷേധവുമായി രംഗത്തെത്തിയ വിദ്യാർഥികൾ ഹാവേരി ടൗണിൽ മനുഷ്യച്ചങ്ങല തീർത്തു. വിദ്യാർഥിനിക്കു ലഹരിപാനീയം നൽകി ബോധം കെടുത്തുകയും ഒന്നിലധികം പേർ ചേർന്നു മാനഭംഗപ്പെടുത്തുകയും ചെയ്തതായാണ് പൊലീസ് നിഗമനം. ദുർഗന്ധം വമിച്ചതിനെ തുടർന്നു നടത്തിയ പരിശോധനയിലാണ് പാലത്തിനു താഴെ മൃതദേഹം കണ്ടെത്തിയത്. സംഭവത്തിൽ ഇതുവരെ ആരുടെയും അറസ്റ്റ് രേഖപ്പെടുത്തിയിട്ടില്ലെന്നു ഹാവേരി എസ്പി പരശുറാം പറഞ്ഞു.

ബെംഗളൂരു: കബനി അണക്കെട്ടിന്റെ ഷട്ടർ തുറന്നതോടെ സമീപപ്രദേശങ്ങൾ വെള്ളപ്പൊക്ക ഭീഷണിയിൽ. കേന്ദ്ര ജല കമ്മിഷൻ കബനി അണക്കെട്ടിന്‌ സമീപത്തും കാവേരി നദിയുടെ തീരപ്രദേശങ്ങളിലും വെള്ളപ്പൊക്കമുന്നറിയിപ്പ് നൽകി. 80,000 ക്യൂസെക്സ് വെള്ളമാണ് കബനി അണക്കെട്ടിൽനിന്ന് തുറന്നുവിടുന്നത്. 1992-നുശേഷം ഇത്രയും വലിയ അളവിൽ വെള്ളം തുറന്നുവിടുന്നത് ഈ വർഷമാണെന്ന് അധികൃതർ വ്യക്തമാക്കി. വയനാട്ടിൽ പെയ്ത കനത്തമഴയാണ് കബനിഅണക്കെട്ട് നിറഞ്ഞുകവിയാൻ ഇടയാക്കിയത്. അണക്കെട്ട് തുറന്നുവിട്ടതോടെ സമീപഗ്രാമങ്ങളായ ബെല്ലത്തൂരു, ഹൊമ്മരഗള്ളി എന്നിവിടങ്ങളിലേക്കുള്ള ഗതാഗതം പൂർണമായും തടസ്സപ്പെട്ടു. നഞ്ചൻഗോഡിൽ ഒട്ടേറെപ്പേരെ സുരക്ഷിത കേന്ദ്രങ്ങളിലേക്ക് മാറ്റിത്താമസിപ്പിച്ചു. കുടക് ജില്ലയിൽ രണ്ടുദിവസമായി പെയ്യുന്ന കനത്തമഴയെത്തുടർന്ന് കെ.ആർ.എസ്…