Tag: Maratha Corporation

ബെംഗളൂരു : 2020 നവംബറിൽ സ്ഥാപിതമായ മറാഠാ വികസന കോർപ്പറേഷന്റെ ആദ്യ ചെയർപേഴ്‌സണായി കർണാടക മുഖ്യമന്ത്രി ബസവരാജ് ബൊമ്മൈ ശനിയാഴ്ച മുൻ നിയമസഭാംഗം മാരുതിറാവു മുലെയെ നിയമിച്ചു. കർണാടക മറാഠാ വെൽഫെയർ അസോസിയേഷൻ സംഘടിപ്പിച്ച ഛത്രപതി ശിവജിയുടെ 395-ാം ജന്മവാർഷികത്തിന്റെ അനുസ്മരണ പരിപാടി ഉദ്ഘാടനം ചെയ്ത ശേഷം മാരുതിറാവു മുലെയെ കോർപ്പറേഷൻ മേധാവിയായി നിയമിക്കാൻ തീരുമാനിച്ചതായി മുഖ്യമന്ത്രി മാധ്യമപ്രവർത്തകരോട് പറഞ്ഞു. വിദ്യാഭ്യാസം, തൊഴിൽ, വികസനം എന്നിവയിൽ പദ്ധതികൾ ആവിഷ്‌കരിക്കുന്നതിന് കോർപ്പറേഷന് സർക്കാർ സാമ്പത്തികവും ഭരണപരവുമായ പിന്തുണ നൽകും, എന്നും മുഖ്യമന്ത്രി കൂട്ടിച്ചേർത്തു.