Category: BENGALURU JALAKAM

ബെംഗളൂരു ∙ കെഎംഎസിസി എജ്യുക്കേഷനൽ വിങ് സംഘടിപ്പിക്കുന്ന എസ്എസ്എൽസി, പ്ലസ് ടു പരീക്ഷാ ബോധവൽക്കരണ ക്ലാസ് നാളെ ഉച്ചകഴിഞ്ഞു രണ്ടിനു മഡിവാള സേവറി ഹോട്ടൽ ഓഡിറ്റോറിയത്തിൽ നടക്കും. വളാഞ്ചേരി മർകസ് ജനറൽ സെക്രട്ടറി ആദൃശേരി ഹംസക്കുട്ടി ബാഖവി ഉദ്ഘാടനം നിർവഹിക്കും. ട്രെയിനർ റാഷിദ് ഗസാലി നേതൃത്വം നൽകുമെന്നു ജനറൽ സെക്രട്ടറി എം.കെ.നൗഷാദ് അറിയിച്ചു.

ബെംഗളൂരു: ബാംഗ്ലൂർ കേരള സമാജം സംഘടിപ്പിക്കുന്ന അമച്വർ നാടക മൽസരം 11ന് രാവിലെ പത്തിനു ബെൽ കലാക്ഷേത്ര ഓഡിറ്റോറിയത്തിൽ നടക്കും. ചാവറ കലാവേദിയുടെ ‘ഹിഗ്വിറ്റ ചിരിക്കുന്നു’, ബെൽമയുടെ ‘ക്രോസ് ബെൽറ്റ്’, ഫ്രണ്ട്സ് കലാകേന്ദ്രയുടെ ‘പദപ്രശ്നങ്ങൾക്കിടയിൽ മേരി ലോറൻസ്’, ജ്വാലയുടെ ‘പറയാത്ത വാക്കുകൾ’, തിപ്പസന്ദ്ര ഫ്രണ്ട്സ് അസോസിയേഷന്റെ ‘തൂലിക’ എന്നീ നാടകങ്ങളാണ് മൽസരത്തിനുള്ളത്. ഒന്നാംസമ്മാനം 25,000 രൂപയും റോളിങ് ട്രോഫിയും നൽകുമെന്ന് ചെയർമാൻ പി.വിക്രമൻപിള്ള അറിയിച്ചു. ഫോൺ: 9916674387.

ബെംഗളൂരു : ബെംഗളൂരു മർച്ചന്റ്സ് അസോസിയേഷൻ പ്രഥമ വാർഷിക സമ്മേളനവും ഓഫിസ് ഉദ്ഘാടനവും നാളെ ഫ്രേസർ ടൗൺ എംപയർ യോലെ ഗ്രാൻഡിൽ നടക്കും. വൈകിട്ടു 3.30ന് ആരംഭിക്കുന്ന ചടങ്ങ് മന്ത്രി കൃഷ്ണ ബൈരഗൗഡ ഉദ്ഘാടനം ചെയ്യും. നന്ദിദുർഗ റോഡിലെ പുതിയ ഓഫിസ് ഉദ്ഘാടനം മന്ത്രി ആർ. റോഷൻ ബേഗ് നിർവഹിക്കും. കോർപറേറ്റർ എം.കെ. ഗുണശേഖർ മുഖ്യപ്രഭാഷണം നടത്തും. വ്യാപാരികൾക്കായി നടത്തുന്ന മോട്ടിവേഷൻ ക്ലാസിനു ഷാഫി മുഹമ്മദ്, കെ. ഷാഹിർ എന്നിവർ നേതൃത്വം നൽകുമെന്ന് അസോസിയേഷൻ പ്രസിഡന്റ് വി.പി. അബ്ദുള്ള, ജനറൽ സെക്രട്ടറി പി.വി. അഷ്റഫ്…

ബെംഗളൂരു: കൈരളി വെൽഫെയർ അസോസിയേഷന്റെ ആവലഹള്ളി ശാഖയിൽ യോഗ ക്ലാസുകൾ ആരംഭിച്ചു. തിങ്കൾ മുതൽ വെള്ളി വരെ എല്ലാ ദിവസവും വൈകിട്ട് 7.30നാണ് ക്ലാസുകൾ ആരംഭിക്കുക. ഫോൺ: 8050790074.

ബെംഗളൂരു ∙ ശിവക്കോട്ട മുത്തപ്പൻ ചൈതന്യ മഠപ്പുരയുടെ വെള്ളാട്ട മഹോൽസവവും വാർഷികാഘോഷവും 10, 11 തീയതികളിൽ നടക്കും. തന്ത്രി കുന്നത്തില്ലം മുരളീകൃഷ്ണൻ നമ്പൂതിരി മുഖ്യകാർമികത്വം വഹിക്കും. പ്രതിഷ്ഠാദിന പൂജകൾ, കൊടിയേറ്റം, വെള്ളാട്ടം, അന്നദാനം, ഭക്തിഗാനസുധ. 11നു രാവിലെ പത്തിനു വെള്ളാട്ടം തിരുവപ്പന, അന്നദാനം, കലാപരിപാടികൾ, വൈകിട്ട് പള്ളിവേട്ട, നറുക്കെടുപ്പ്, കരിമരുന്ന് പ്രകടനം എന്നിവയോടെ സമാപിക്കുമെന്നു സെക്രട്ടറി പി.എം.സുദേവൻ അറിയിച്ചു.

ബെംഗളൂരു : ബാംഗ്ലൂർ പ്രഫഷനൽസ് മീറ്റ് നാലിന് രാവിലെ 10.30നു മഹാദേവപുരയിലെ എംഎൽആർ കൺവൻഷൻ സെന്ററിൽ ആരംഭിക്കും. ശാസ്ത്ര സാങ്കേതിക മന്ത്രി എം.ആർ.സീതാറാം ഉദ്ഘാടനം ചെയ്യും. വിവിധ സ്റ്റാർട്ടപ്പ് സംരംഭങ്ങൾക്ക് നേതൃത്വം നൽകുന്നവർ പങ്കെടുക്കുന്ന ശിൽപശാലകൾ, വിവിധ കമ്പനികളുടെ പ്രദർശനം എന്നിവ ഒരുക്കിയിട്ടുണ്ടെന്ന് കൺവീനർ ഫുആദ് പാറക്കടവൻ പറഞ്ഞു. ഫോൺ: 96866 68640

ബെംഗളൂരു : ഓർത്തഡോക്സ് സഭ ബെംഗളൂരു ഭദ്രാസനത്തിന്റെ നേതൃത്വത്തിൽ സംഘടിപ്പിക്കുന്ന 13-ാമതു മെൽത്തോ കൺവൻഷൻ ഫെബ്രുവരി രണ്ടു മുതൽ നാലുവരെ ലിംഗരാജപുരം സെന്റ് തോമസ് ടൗണിലെ ഇന്ത്യ ക്യാംപസ് ക്രൂസേഡ് ഓഡിറ്റോറിയത്തിൽ നടക്കും. രണ്ടിനു വൈകിട്ട് ആറിനു സന്ധ്യാനമസ്കാരത്തോടെ കൺവൻഷൻ ആരംഭിക്കും. ഭദ്രാസന മെത്രാപ്പൊലീത്ത ഡോ. ഏബ്രഹാം മാർ സെറാഫിം ഉദ്ഘാടനം നിർവഹിക്കും. ഫാ. ഫിലിപ് തരകൻ തേവലക്കര മുഖ്യപ്രഭാഷണം നടത്തും. മൂന്നിനു വൈകിട്ടു നാലിനു യുവജനങ്ങൾക്കായുള്ള സെമിനാർ. ആറിനു സന്ധ്യാപ്രാർഥന, വചസന്ദേശം. സമാപനദിനമായ നാലിനു രാവിലെ 7.30നു പ്രഭാതപ്രാർഥന, 8.30നു കുർബാനയ്ക്കു ഡോ.…

ബെംഗളൂരു : ജാലഹള്ളി അയ്യപ്പക്ഷേത്രത്തിലെ തൈപ്പൂയ മഹോൽസവം ഇന്ന്. രാവിലെ പൂജകൾക്കുശേഷം 12നു നട അടയ്ക്കും. ചന്ദ്രഗ്രഹണമായതിനാൽ രാത്രി ഒൻപതിനു തുറന്നു 10നു നട അടയ്ക്കുമെന്നു ക്ഷേത്രസമിതി പ്രസിഡന്റ് പി.ജി.മുരളീധരൻ അറിയിച്ചു.