Category: BENGALURU JALAKAM

ബെംഗളൂരു: യശ്വന്ത്പുര കേരളസമാജത്തിന്റെ നേതൃത്വത്തിൽ ആരംഭിച്ച വായനശാലയുടെ ഉദ്ഘാടനം പ്രസിഡന്റ് സി.വി.നായർ നിർവഹിച്ചു. സമാജം സെക്രട്ടറി കെ.നാണു, വൈസ് പ്രസിഡന്റ് വിക്രമൻ പിള്ള, ഉണ്ണിക്കൃഷ്ണൻ, സുരേഷ് ജി.നായർ, വിപിൻ നാണു, മുരളീധരൻ, പി.സി. ഷൈനി എന്നിവർ നേതൃത്വം നൽകി.

ബെംഗളൂരു: സുവർണ കർണാടക കേരള സമാജം മണ്ഡ്യ സോണിന്റെ വാർഷികാഘോഷം കർണാടക മുൻ മന്ത്രി ജെ.അലക്സാണ്ടർ ഉദ്ഘാടനം ചെയ്തു. സോൺ ചെയർമാൻ എൻ.ശങ്കരനാരായണൻ അധ്യക്ഷത വഹിച്ചു. നർത്തകി ശ്രീദേവി ഉണ്ണി, പ്രഫ.വി.എസ്.ശ്രീദേവി എന്നിവർ മുഖ്യാതിഥികളായിരുന്നു. ഡോ.അനിൽ തോമസ്, രാജൻ ജേക്കബ്, മലയാളം മിഷൻ കൺവീനർ പി.സുരേഷ് ബാബു, ടി.അനിരുദ്ധൻ, എൻ.വൽസൻ, എ.ആർ.രാജേന്ദ്രൻ, എസ്.എം.സുഹൈൽ എന്നിവർ പ്രസംഗിച്ചു.

ബെംഗളൂരു : കർണാടക നായർ സർവീസ് സൊസൈറ്റിയുടെ ‘കെഎൻഎസ്എസ് മഹിളാ കൺവെൻഷൻ–2018’ 18നു നടക്കും. മേദഹള്ളി അബിഗെരെ മെയിൻ റോഡിലെ അയ്യപ്പ എജ്യുക്കേഷൻ സെന്ററിൽ ഉച്ചകഴിഞ്ഞ് മൂന്നിനാരംഭിക്കുന്ന പരിപാടിയിൽ കേരള കുടുംബശ്രീ സ്റ്റേറ്റ് മിഷൻ പ്രോഗ്രാം മാനേജർ എം.പ്രഭാകരൻ, സമുദായാചാര്യൻ മന്നത്തു പദ്മനാഭന്റെ കൊച്ചുമകളും ജിഎൻഎസ്എസ് ഡയറക്ടറുമായ നീരദ സുരേഷ് എന്നിവർ മുഖ്യാതിഥികളായിരിക്കും. കെഎൻഎസ്എസ് ചെയർമാൻ രാമചന്ദ്രൻ പാലേരി, മനോഹര കുറുപ്പ്, ട്രഷറർ വിജയൻ, അഡ്വ. വിജയകുമാർ എന്നിവർ വിശിഷ്ടാതിഥികളായിരിക്കും. കർണാടകയിലെ എല്ലാ കരയോഗങ്ങളിലെയും മഹിളാ വിഭാഗങ്ങൾ നേതൃത്വം നൽകുന്ന കൺവെൻഷന്റെ മുഖ്യ കലാപരിപാടി…

ബെംഗളൂരു∙ സമന്വയ ദാസറഹള്ളി ഭാഗ് മാതൃസമിതിയുടേയും അക്ഷയശ്രീ യൂണിറ്റുകളുടേയും യോഗം ഇന്ന് വൈകിട്ട് നാലിനു കെജി ഹള്ളിയിലെ സമന്വയ ഓഫീസിൽ നടക്കും.

ബെംഗളൂരു∙ ശ്രീനാരായണ മാതൃദേവി അയ്യപ്പദേവസ്ഥാനത്തിൽ മീനഭരണി ഉൽസവം 15 മുതൽ 21 വരെ നടക്കും. പറയെടുപ്പ്, അന്നദാനം, വിശേഷാൽപൂജകൾ എന്നിവ ഉണ്ടായിരിക്കും. ഫോൺ: 8123364238.

ബെംഗളൂരു∙ കർണാടക മലയാളി കോൺഗ്രസ് സെൽ വിജയനഗർ, ഗോവിന്ദരാജനഗർ മണ്ഡലം കമ്മിറ്റികളുടെ യോഗം ഇന്ന് വൈകിട്ട് അഞ്ചിനു ഹംപി നഗർ ആർപിസി ലേഔട്ടിൽ നടക്കുമെന്ന് പ്രസിഡന്റ് സുനിൽ തോമസ് മണ്ണിൽ അറിയിച്ചു. ഫോൺ: 8547183197.

ബെംഗളൂരു : മൈസൂരു റോഡ് ചെലങ്കട്ട സെന്റ് വിൻസെന്റ് ഡീപോൾ പള്ളിയിലെ ഇടവകദിനാഘോഷം വികാരി ഫാ. സിബി കരികിലമറ്റത്തിൽ ഉദ്ഘാടനം ചെയ്തു. ഫാ. റാഫി വേഴാപറമ്പിൽ സമ്മാനവിതരണം നടത്തി. സന്തോഷ്, ബിന്ദു ജിനേഷ്, ടി.എം.ഫ്രാൻസിസ് എന്നിവർ നേതൃത്വം നൽകി.

ബെംഗളൂരു : കെഎൻഎസ്എസ് വിമാനപുര കരയോഗത്തിന്റെ നേതൃത്വത്തിൽ നടത്തിയ മന്നം മെമ്മോറിയൽ ട്രോഫി ബാഡ്മിന്റൻ ടൂർണമെന്റിൽ തിപ്പസന്ദ്ര കരയോഗം ജേതാക്കളായി. ഹൊറമ്മാവ്, മത്തിക്കരെ കരയോഗങ്ങൾ രണ്ടും മൂന്നും സ്ഥാനങ്ങൾ നേടി. ടൂർണമെന്റ് ഉദ്ഘാടനം ജനറൽ സെക്രട്ടറി ആർ. മനോഹരകുറുപ്പ്, എൻ.ജെ. മേനോൻ എന്നിവർ ചേർന്ന് നിർവഹിച്ചു.ചെയർമാൻ രാമചന്ദ്രൻ പാലേരി സമ്മാനവിതരണം നടത്തി.