Author: News Team

  ബെംഗളൂരു : ക്രിസ്മസ് അവധിയോടനുബന്ധിച്ച് ബെംഗളൂരുവിൽനിന്ന് കേരളത്തിലേക്കുള്ള തീവണ്ടികളിൽ ടിക്കറ്റ് കണികാണാനില്ല. ചില തീവണ്ടികളിൽ വെയ്റ്റിങ് ലിസ്റ്റ് 300 വരെയെത്തിയിട്ടുണ്ട്. ഡിസംബർ 20 മുതൽ 25 വരെയുള്ള തീവണ്ടികളിലൊന്നിലും ടിക്കറ്റില്ല. അവധിയാത്രയ്ക്ക് ഒരു മാസത്തിലേറെ ബാക്കിനിൽക്കെയാണ് തീവണ്ടികളിൽ ടിക്കറ്റ് തീർന്നത്. ബെംഗളൂരുവിൽനിന്ന് രാവിലെ എറണാകുളത്തേക്ക് പുറപ്പെടുന്ന തീവണ്ടിയിലും ഇത്തവണ ഒരു മാസംമുൻപുതന്നെ ടിക്കറ്റുകൾ തീർന്നു. സാധാരണ വർഷങ്ങളിൽ ഈ തീവണ്ടികളിൽ അവധിയോടടുക്കുമ്പോളാണ് ടിക്കറ്റ് തീരുന്നത്. യാത്രാത്തിരക്ക് കണക്കിലെടുത്ത് കേരളത്തിലേക്ക് പ്രത്യേക തീവണ്ടിസർവീസ് വേണമെന്നാണ് ബെംഗളൂരു മലയാളികളുടെ ആവശ്യം. ബെർത്ത്‌നില എറണാകുളം എക്സ്പ്രസ് (12677):…

ബെംഗളൂരു : ശ്രീരംഗപട്ടണ ജുമാ മസ്ജിദിൽ പ്രവർത്തിക്കുന്ന മദ്രസ ഒഴിപ്പിക്കാൻ മാണ്ഡ്യ ജില്ലാഭരണകൂടത്തിനും സംസ്ഥാന സർക്കാരിനും നിർദേശംനൽകണമെന്ന് കേന്ദ്രസർക്കാർ ഹൈക്കോടതിയിൽ ആവശ്യപ്പെട്ടു. മസ്ജിദിൽ അനധികൃതമായാണ് മദ്രസ പ്രവർത്തിക്കുന്നതെന്ന് ചൂണ്ടിക്കാട്ടി കനകപുര കബ്ബാളു സ്വദേശി അഭിഷേക് ഗൗഡ സമർപ്പിച്ച പൊതുതാത്‌പര്യ ഹർജി പരിഗണിക്കവേയാണ് കേന്ദ്രസർക്കാരിനുവേണ്ടി ഹാജരായ അഡീഷണൽ സോളിസിറ്റർ ജനറൽ കെ. അരവിന്ദ് കാമത്ത് ആവശ്യമുന്നയിച്ചത്. 1951-ൽ മസ്ജിദിനെ സംരക്ഷിത സ്മാരകമായി കേന്ദ്രസർക്കാർ പ്രഖ്യാപിച്ചതാണെന്നും പറഞ്ഞു. എന്നിട്ടും അനധികൃതമായി മദ്രസ പ്രവർത്തനം തുടരുന്നതായും ചൂണ്ടിക്കാട്ടി. എന്നാൽ, 1963 മുതൽ മസ്ജിദിന്റെ ഉടമസ്ഥാവകാശം വഖഫ് ബോർഡിനാണെന്നും അതിനാൽ…

മൈസൂർ രാജാവായിരുന്ന ടിപ്പു സുല്‍ത്താൻ്റെ ആയുധ ശേഖരത്തിലുണ്ടായിരുന്ന വാള്‍ ലേലത്തില്‍ വിറ്റു. കടുവയുടെ ചിഹ്നവും പിതാവ്ഹൈദരലിയെ പരാമർശിക്കുന്ന ‘ഹ’ എന്ന അറബി അക്ഷരവും വാളില്‍ കൊത്തിയിരിക്കുന്നു. ടിപ്പു സുല്‍ത്താൻ്റെ അന്ത്യം സംഭവിച്ച 1799-ലെ യുദ്ധത്തില്‍ അദ്ദേഹം ഉപയോഗിച്ചിരുന്നതെന്ന് കരുതുന്ന വാളാണിതെന്നും പറയുന്നു. ടൈംസ് ഓഫ് ഇന്ത്യയാണ് വാർത്ത റിപ്പോർട്ട് ചെയ്യുന്നത്. ശ്രീരംഗപട്ടണം യുദ്ധത്തില്‍ ടിപ്പു ഉപയോഗിച്ച തിളങ്ങുന്ന വായ്ത്തലയുള്ള വാളാണ് ലണ്ടനിലെ ബോണ്‍ഹാംസ് ഓക്ഷൻ ഹൗസില്‍ 317,900 പൗണ്ടിന് (3.4 കോടി രൂപ) ലേലത്തില്‍ വിറ്റത്. യുദ്ധ ശേഷം ബ്രിട്ടീഷുകാർ ക്യാപ്റ്റൻ ജെയിംസ് ആൻഡ്രൂ…

ബെംഗളൂരു : നഗരത്തിന്റെ തെക്കു വടക്ക് മേഖലകളെ ബന്ധിപ്പിക്കുന്ന നമ്മ മെട്രോ പിങ്ക് ലൈൻ നേരത്തേ നിശ്ചയിച്ചതിനേക്കാൾ വൈകും. 2025-ൽ പാത തുറക്കാനായിരുന്നു ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡ് (ബി.എം.ആർ.സി.എൽ.) തീരുമാനിച്ചിരുന്നത്. എന്നാൽ, 2026 ഡിസംബറോടെയെ പൂർണമായി സർവീസ് ആരംഭിക്കാനാകൂവെന്ന് അധികൃതർ അറിയിച്ചു. കലേന അഗ്രഹാര മുതൽ നാഗവാര വരെ 21.3 കിലോമീറ്ററാണ് പിങ്ക് ലൈൻ . രണ്ടു ഘട്ടമായിട്ടായിരിക്കും തുറക്കുക. കലേന അഗ്രഹാര മുതൽ താവരക്കെരെ വരെയുള്ള 7.5 കിലോമീറ്ററാകും ഒന്നാം ഘട്ടം. ഈ ഭാഗം 2025 ഡിസംബറോടെ പൂർത്തിയാകുമെന്നാണ് പ്രതീക്ഷിക്കുന്നത്.…

ബെംഗളൂരു : ഹാവേരി ജില്ലയിലെ യത്തിനഹള്ളിയിൽ പത്ത് ബാലറ്റ് പെട്ടികൾ ഉപേക്ഷിച്ച നിലയിൽ കണ്ടെത്തി. ജില്ലയിലെ ഷിഗാവ് നിയമസഭാ മണ്ഡലത്തിൽ ബുധനാഴ്ച ഉപതിരഞ്ഞെടുപ്പ് നടന്നതിന് പിന്നാലെയാണ് യത്തിനഹള്ളിയിൽ ബാലറ്റ് പെട്ടികൾ കണ്ടെത്തിയതെന്നത് ദുരൂഹതക്കിടയാക്കി. വ്യാഴാഴ്ച രാവിലെ നടക്കാനിറങ്ങിയ ഗ്രാമവാസികളാണ് റോഡരികിലെ ഓവുചാലിൽ പെട്ടികൾ കണ്ടത്. ഉദ്യോഗസ്ഥർ സ്ഥലത്തെത്തി പരിശോധന നടത്തി. ഇരുമ്പിന്റെ പഴയ ബാലറ്റ് പെട്ടികളാണിവയെന്ന് ഉദ്യോഗസ്ഥർ പറഞ്ഞു. അതിനാൽ ബുധനാഴ്ചത്തെ പോളിങ്ങുമായി ഇതിനുബന്ധമില്ലെന്നും അറിയിച്ചു. സംഭവത്തിൽ ദുരൂഹതയില്ലെന്നും പറഞ്ഞു.

ബെംഗളൂരു : മുഖ്യമന്ത്രി സിദ്ധരാമയ്യ പ്രതിയായ മൈസൂരു നഗരവികസന അതോറിറ്റി (മുഡ)ഭൂമിയിടപാടുമായി ബന്ധപ്പെട്ട കേസിൽ മുഡ മുൻ ചെയർമാൻ കെ. മാരിഗൗഡയെ എൻഫോഴ്‌സ്‌മെന്റ് ഡയറക്ടറേറ്റ് ചോദ്യം ചെയ്തു. ഇ.ഡി. അദ്ദേഹത്തിന്റെ മൊഴി രേഖപ്പെടുത്തി. വ്യാഴാഴ്ച ഇ.ഡി.യുടെ ബെംഗളൂരു ശാന്തിനഗറിലെ ഓഫീസിലാണ് മാരിഗൗഡ ഹാജരായത്. അദ്ദേഹത്തോട് ഹാജരാകാനാവശ്യപ്പെട്ട് നോട്ടീസ് നൽകിയിരുന്നു. സിദ്ധരാമയ്യയുടെ വിശ്വസ്തനായി അറിയപ്പെടുന്ന മാരിഗൗഡ കഴിഞ്ഞമാസം മുഡയുടെ ചെയർമാൻ സ്ഥാനമൊഴിഞ്ഞിരുന്നു. ആരോഗ്യപരമായ കാരണങ്ങളാൽ രാജിവെക്കുകയാണെന്നാണ് അദ്ദേഹം അറിയിച്ചത്. കേസിൽ സിദ്ധരാമയ്യക്കെതിരേ അന്വേഷണം നടക്കുന്നതിന്റെ പശ്ചാത്തലത്തിലായിരുന്നു രാജി. മുഡ കേസുമായി ബന്ധപ്പെട്ട് മുൻ മൈസൂരു ഡെപ്യൂട്ടി…

ബെംഗളൂരു : കൊപ്പാളിലെ മാരകുംഭിയിൽ 2014-ൽ ദളിദ് വിഭാഗത്തിൽ പെട്ടവർക്കുനേരെ ആക്രമണം നടത്തിയ കേസിൽ വിചാരണക്കോടതിയുടെ ശിക്ഷാവിധി ഹൈക്കോടതി താത്‌കാലികമായി തടഞ്ഞു. ഹൈക്കോടതിയുടെ ധാർവാഡ് ഡിവിഷൻ ബെഞ്ചിന്റേതാണ് നടപടി. കേസിൽ പ്രതികളായ 101 പേരെ കഴിഞ്ഞ മാസം കൊപ്പാൾ പ്രിൻസിപ്പൽ ആൻഡ് സെഷൻസ് കോടതിയാണ് ശിക്ഷിച്ചത്. 98 പേർക്ക് ജീവപര്യന്തം തടവിനും മൂന്നു പേർക്ക് അഞ്ചു വർഷം തടവിനുമായിരുന്നു ശിക്ഷ വിധിച്ചത്. ശിക്ഷാവിധിക്കെതിരേ 99 പ്രതികൾ ഹൈക്കോടതിയെ സമീപിക്കുകയായിരുന്നു. ശിക്ഷാവിധി തടഞ്ഞ കോടതി ഇവർക്ക് ജാമ്യം അനുവദിക്കുകയും ചെയ്തു. കേസിലെ ഒന്നാം പ്രതി മഞ്ജുനാഥ്…

ബെംഗളൂരു: ബെംഗളൂരുവിലെ സ്വകാര്യ ഹോട്ടലിൽ മാലിദ്വീപ് പൗരനെ മരിച്ച നിലയിൽ കണ്ടെത്തി. ആർടി നഗറിലെ ഹോട്ടൽ മുറിയിൽ ഹസൻ സോഹൈലിനെയാണ് (43) മരിച്ച നിലയിൽ കണ്ടത്. ഹൃദയാഘാതമാണ് മരണകാരണമെന്നാണ് പോലീസിന്റെ പ്രാഥമിക നിഗമനം. നവംബർ 10നാണ് സോഹൈൽ ഇന്ത്യയിൽ എത്തിയത്. ഹോട്ടൽ ബുക്ക്‌ ചെയ്തപ്പോൾ ബുധനാഴ്ച ചെക്ക് ഔട്ട് ചെയ്യുമെന്നായിരുന്നു ജീവനക്കാരെ അറിയിച്ചത്. എന്നാൽ വ്യാഴാഴ്ച വൈകീട്ട് ആയിട്ടും സോഹൈൽ ഹോട്ടൽ മുറിയിൽ നിന്ന് പുറത്തിറങ്ങാത്തതിൽ സംശയം തോന്നിയ ജീവനക്കാർ പോലീസിൽ വിവരം അറിയിക്കുകയായിരുന്നു. ഹോട്ടലിൽ എത്തിയ പോലീസ് സംഘം സ്പെയർ കീ ഉപയോഗിച്ച്…

ബെംഗളൂരു : കർണാടകത്തിൽ കുടിവെള്ള ബില്ലിൽ ഹരിതസെസ് ഏർപ്പെടുത്താൻപോകുന്നെന്ന റിപ്പോർട്ടുകൾ തള്ളി ഉപമുഖ്യമന്ത്രി ഡി.കെ. ശിവകുമാർ. അത്തരമൊരു പദ്ധതി സർക്കാരിനുമുൻപിൽ ഇല്ലെന്നും അദ്ദേഹം പറഞ്ഞു. പ്രചരിക്കുന്നത് വ്യാജവാർത്തയാണെന്നും പിന്നിൽ ബി.ജെ.പി.യാണെന്നും ശിവകുമാർ ആരോപിച്ചു. പശ്ചിമഘട്ട സംരക്ഷണത്തിനുള്ള ഫണ്ടുകണ്ടെത്താനായി സംസ്ഥാനത്തെ ടൗണുകളിലും നഗരങ്ങളിലും കുടിവെള്ള ബില്ലിൽ രണ്ടുരൂപമുതൽ മൂന്നുരൂപവരെ ഹരിതസെസ് ഏർപ്പെടുത്താൻ വനംവകുപ്പ് ആലോചിക്കുന്നതായാണ് റിപ്പോർട്ട് പുറത്തുവന്നത്. ഇതുസംബന്ധിച്ച് പദ്ധതിരേഖ സമർപ്പിക്കാൻ വനംമന്ത്രി ഈശ്വർ ഖാൻഡ്രെ ഉദ്യോഗസ്ഥർക്ക് നിർദേശംനൽകിയെന്നുള്ള വിവരവും പുറത്തുവന്നിരുന്നു. നിരക്ക് കൂട്ടുന്നത് പ്രതിഷേധം ഉണ്ടാക്കുമെന്ന് കണ്ടാണ് വ്യാഴാഴ്ച ഉപമുഖ്യന്ത്രി വിഷയം തള്ളിയതെന്നാണ് സൂചന.

ബെംഗളൂരു : സൈബർ കേസുകൾ പെരുകുന്നതിന്റെ പശ്ചാത്തലത്തിൽ കേസന്വേഷണത്തിന്റെ മേൽനോട്ടം ഡി.ജി.പി.യുടെ ചുമതലയിലാക്കാനൊരുങ്ങി കർണാടക ആഭ്യന്തരവകുപ്പ്. രാജ്യത്ത് ആദ്യമായാണ് പോലീസ് തലപ്പത്ത് ഇത്തരമൊരു നിയമനം. സൈബർ കുറ്റകൃത്യങ്ങൾ തടയുന്നതിനുള്ള നടപടികളുടെ ഭാഗമായാണിത്. ഇതിനായി ആഭ്യന്തര വകുപ്പ് തയ്യാറാക്കിയ പദ്ധതി അംഗീകാരത്തിനായി അടുത്ത ദിവസം ധനകാര്യ വകുപ്പിന് സമർപ്പിക്കും. തുടർന്ന് പുതിയ ഡി.ജി.പി. യുടെ തസ്തിക സൃഷ്ടിക്കും. ഇതോടെ കർണാടകത്തിൽ പോലീസ് മേധാവി ഉൾപ്പെടെ ഡി.ജി.പി. മാരുടെ എണ്ണം അഞ്ചാകും. നിലവിൽ സംസ്ഥാനത്ത് എല്ലാ ജില്ലകളിലും സൈബർ ക്രൈം സെല്ലുകളോ സൈബർ പോലീസ് സ്‌റ്റേഷനുകളോ പ്രവർത്തിക്കുന്നുണ്ട്.…