Author: News Team

സ്റ്റേറ്റ് ബാങ്ക് ഓഫ് ഇന്ത്യയില്‍ ബാങ്ക് അക്കൗണ്ടുകളോ എസ്ബിഐ ക്രെഡിറ്റ് കാര്‍ഡുകളോ ഉള്ള പല ഉപഭോക്താക്കളെയും പറ്റിച്ച്‌ പണം തട്ടിയെടുക്കുന്നതിന് വീണ്ടും രംഗത്തെത്തിയിരിക്കുകയാണ് തട്ടിപ്പുകാര്‍. റിവാര്‍ഡ് പോയിന്‍റുകളുടെ പേരിലാണ് തട്ടിപ്പ്. റിവാര്‍ഡ് പോയിന്‍റ് ലഭിച്ചിട്ടുണ്ടെന്നും അത് ഇന്ന് തന്നെ ഉപയോഗിക്കണം എന്നും പറഞ്ഞ് എസ്‌എംഎസ് അയച്ചാണ് തട്ടിപ്പ് നടത്തുന്നത്. ഉദാഹരണത്തിന് എസ്ബിഐ ഉപഭോക്താവായ നിങ്ങള്‍ക്ക് 9,000 രൂപയോ അതില്‍ കൂടുതലോ മൂല്യമുള്ള റിവാര്‍ഡ് പോയിന്‍റുകള്‍ ലഭിച്ചിട്ടുണ്ടെന്നും ഈ പോയിന്‍റുകളുടെ കാലാവധി ഇന്ന് തന്നെ അവസാനിക്കുമെന്നും ഇവ ഉപയോഗിക്കാന്‍ സന്ദേശത്തില്‍ നല്‍കിയിരിക്കുന്ന ലിങ്കില്‍ ക്ലിക്ക് ചെയ്ത്…

ബെംഗളൂരു : ബി.എസ്. യെദ്യൂരപ്പയെ മുഖ്യമന്ത്രിയാക്കാൻ മകനും പാർട്ടി സംസ്ഥാന അധ്യക്ഷനുമായ ബി.വൈ. വിജയേന്ദ്ര ബി.ജെ.പി. കേന്ദ്രനേതൃത്വത്തിന് 2000 കോടി രൂപ നൽകിയെന്ന് ബി.ജെ.പി. നേതാവുതന്നെ ആരോപിച്ചതായി മുഖ്യമന്ത്രി സിദ്ധരാമയ്യ. പാർട്ടിയുടെ സംസ്ഥാന അധ്യക്ഷനാകാൻ വിജയേന്ദ്ര കൂടുതൽ കോടികൾ നൽകിയെന്ന് ആ നേതാവ് ആരോപിച്ചെന്നും സിദ്ധരാമയ്യ എക്സിൽ കുറിച്ചു. സിദ്ധരാമയ്യ സർക്കാരിന്റെ ഒന്നരവർഷത്തെ ഭരണത്തിൽ സംസ്ഥാനത്ത് വികസനമുണ്ടായിട്ടില്ലെന്നും അഴിമതിമാത്രമാണ് നടന്നതെന്നും വിജയേന്ദ്ര ആരോപിച്ചിരുന്നു. സിദ്ധരാമയ്യ സർക്കാരിന്റെ വാഗ്ദാനപദ്ധതികൾ സംസ്ഥാനത്തിന്റെ സാമ്പത്തികനിലയെ ബാധിച്ചെന്നും ചൂണ്ടിക്കാട്ടി. ഇതിന് മറുപടിയായാണ് സിദ്ധരാമയ്യയുടെ ആരോപണങ്ങൾ. ‘ഇക്കാര്യങ്ങൾ ചർച്ചചെയ്യുന്നതിനുപകരം താങ്കളുടെതന്നെ പാർട്ടിയിലെ…

ബെംഗളൂരു : കർണാടകത്തിലെ ജനപ്രിയ വാഗ്ദാന പദ്ധതികളിലൊന്നായ ‘ശക്തി’യെപ്പറ്റി ഉപമുഖ്യമന്ത്രി ഡി.കെ. ശിവകുമാർ നടത്തിയ അഭിപ്രായ പ്രകടനം ദേശീയതലത്തിൽ ചർച്ചക്ക് വഴിമരുന്നിട്ടത് കോൺഗ്രസിന് കുരുക്കായി മാറി. ട്രാൻസ്പോർട്ട് ബസുകളിൽ സ്ത്രീകൾക്ക് സൗജന്യയാത്ര അനുവദിക്കുന്ന പദ്ധതിയാണ് ശക്തി. സംസ്ഥാനത്തെ സാധാരണക്കാരായ സ്ത്രീകൾ നെഞ്ചേറ്റിയ പദ്ധതി തുടരണമോയെന്ന കാര്യം പുനഃപരിശോധിക്കുമെന്നാണ് ശിവകുമാർ കെ.എസ്.ആർ.ടി.സി. യുടെ ഒരു ചടങ്ങിനിടെ പറഞ്ഞത്. പല സ്ത്രീകളും പണം കൊടുത്ത് ടിക്കറ്റെടുത്ത് യാത്ര ചെയ്യാൻ താത്‌പര്യം പ്രകടിപ്പിക്കുന്ന കാര്യം കണക്കിലെടുത്താണിതെന്നും പറഞ്ഞു. ഇതിനു പിന്നാലെ ഡി.കെ.ശിവകുമാറിനെ വിമർശിച്ച് കോൺഗ്രസ് അധ്യക്ഷൻ മല്ലികാർജുൻ ഖാർഗെ…

ബെംഗളൂരു : ദീപാവലിയോടനുബന്ധിച്ച് പടക്കംപൊട്ടിച്ച് കണ്ണിനു പരിക്കേറ്റ് ചികിത്സതേടിയത് കുട്ടികളുൾപ്പെടെ 145 ഓളം പേർ. ഒക്ടോബർ 31 മുതൽ ഞായറാഴ്ച വൈകീട്ട് അഞ്ചുവരെ നാരായണ നേത്രാലയയിൽ മാത്രം കണ്ണിനു പരിക്കേറ്റ് 73 പേരെയാണ് പ്രവേശിപ്പിച്ചത്. ഇതിൽ 38 പേർ പ്രായപൂർത്തിയായവരാണ്. പത്തുവയസ്സിന് താഴയുള്ളവർ 14 പേർ. സ്വയം പടക്കംപൊട്ടിച്ച് പരിക്കേറ്റവർ 36 പേരും സമീപത്തുനിന്ന് പരിക്കേറ്റവർ 37 പേരുമാണ്. മഹാലക്ഷ്മി ലേഔട്ടിൽ പടക്കം പൊട്ടിക്കാൻ ശ്രമിക്കുന്നതിനിടെ 12 വയസ്സുകാരിയുടെ ഇടുതുകണ്ണിന് ഗുരുതരമായി പരിക്കേറ്റു. ശസ്ത്രക്രിയക്കുശേഷം നിരീക്ഷണത്തിലാണ് കുട്ടി ഇപ്പോൾ. കണ്ണിന് പരിക്കേറ്റ് കണ്ണാശുപത്രിയിൽ പ്രവേശിപ്പിക്കുന്നവരിൽ…

ബെംഗളൂരു : ബെംഗളൂരുവിലെ ബേക്കറി ശൃംഖലയുടെ നിർമാണയൂണിറ്റിലെ മാലിന്യപ്ലാന്റ് ശുചീകരിക്കാനിറങ്ങിയ രണ്ടുതൊഴിലാളികൾ ശ്വാസംമുട്ടി മരിച്ചു. തുമകൂരു സ്വദേശി ലിംഗരാജു (26), അനന്തപുര സ്വദേശി നവീൻ (26) എന്നിവരാണ് മരിച്ചത്. സംഭവത്തിൽ ശുചീകരണം ഏറ്റെടുത്ത കമ്പനിയായ ജെ.ആർ.ആർ. അക്വ പ്രൈവറ്റ് ലിമിറ്റഡിന്റെ ഉടമയെയും ജോലിയുടെ മേൽനോട്ടം വഹിച്ച ജീവനക്കാരനെയും ബെംഗളൂരു റൂറൽ പോലീസ് അറസ്റ്റുചെയ്തു. ആശ സ്വീറ്റ് സെന്ററിന്റെ സോംപുര വ്യവസായമേഖലയിൽ പ്രവർത്തിക്കുന്ന നിർമാണയൂണിറ്റിലാണ് അപകടമുണ്ടായത്. ഇതിന്റെ ഉടമയുടെ പേരിൽ പോലീസ് കേസെടുത്തു. ശുചീകരണത്തൊഴിലാളികളെ ആൾത്തുളയിലും മാലിന്യപ്ലാന്റിലും ഇറക്കി ജോലിചെയ്യിക്കുന്നത് 2013-ൽ നിയമംവഴി നിരോധിച്ചതാണ്. ജെ.ആർ.ആർ.…

ഡല്‍ഹിയില്‍ ശ്വസിക്കാന്‍ കഴിയാത്ത വായുവെന്ന് സെൻട്രൽ പൊല്യൂഷൻ കൺട്രോൾ ബോർഡ് റിപ്പോര്‍ട്ട്. ലോകത്തെ ഏറ്റവും മോശം വായുവും ഡല്‍ഹിയിലേതാണ്. ലോകത്തെ വായു ​ഗുണനിലവാര സൂചിക (AQI)യിൽ 382-ാം സ്ഥാനത്താണ് ഡൽഹി. മലിനീകരണ തോത് കുതിച്ചുയരുമ്പോള്‍ പകച്ചുനില്‍ക്കുന്ന ജനതയായി ഡല്‍ഹിക്കാര്‍ മാറുകയാണ്. കഴിഞ്ഞ ദിവസം ഡല്‍ഹി ദ്വാരകയില്‍ നിന്നും ശേഖരിച്ച കറുത്ത നിറത്തിലുള്ള കുടിവെള്ളം ഡല്‍ഹി എഎപി എംപി സ്വാതി മാലിവാള്‍ മുഖ്യമന്ത്രി അതിഷിയുടെ ഔദ്യോഗിക വസതിക്ക് മുന്‍പില്‍ ഒഴിച്ച് പ്രതിഷേധിച്ചിരുന്നു. ഇതാണോ ഡല്‍ഹിക്കാര്‍ കുടിക്കേണ്ടതെന്ന ചോദ്യമാണ് സ്വാതി ചോദിച്ചത്. വെള്ളവും വായുവും ഒരുപോലെ മലിനമായ…

ബെംഗളൂരു: റെയിൽവേ ബാരിയറിൽ ഇടിച്ച് ബൈക്ക് യാത്രികൻ മരിച്ചു. എച്ച്എഎൽ ട്രാഫിക് സ്റ്റേഷന് കീഴിലുള്ള കാമധേനു ഹെൽത്ത് സെൻ്ററിന് സമീപം ഒക്ടോബർ 25ന് രാത്രിയാണ് സംഭവം. ബൈക്ക് യാത്രികനായ രാമമൂർത്തി നഗർ സ്വദേശി രോഹൻ ജയകൃഷ്ണൻ (21) ആണ് മരിച്ചത്. രാത്രിയിൽ കവർച്ചക്കാരുടെ ആക്രമണത്തിൽ നിന്ന് രക്ഷപ്പെടാനുള്ള ശ്രമത്തിനിടെയാണ് അപകടമുണ്ടായതെന്നാണ് റിപ്പോർട്ടുകൾ. ഒക്‌ടോബർ 25ന് പുലർച്ചെ 3.30ഓടെ സേലം പാലത്തിലേക്ക് അമിതവേഗതയിൽ ബൈക്കിൽ പോവുകയായിരുന്ന രോഹൻ റോഡിൻ്റെ അറ്റത്തുള്ള ഇരുമ്പ് ഗ്രില്ലുകൾ ഉപയോഗിച്ച് നിർമിച്ചിട്ടുള്ള റെയിൽവേ ബാരിയറിൽ ഇടിക്കുകയായിരുന്നു. ഇതേത്തുടർന്ന് രോഹൻ സംഭവസ്ഥലത്ത് തന്നെ…

ബെംഗളൂരു: ദീപാവലിയുടെ പശ്ചാത്തലത്തിൽ നഗരത്തിൽ മാലിന്യത്തിൻ്റെ അളവ് ക്രമാതീതമായി വർധിച്ചു, കഴിഞ്ഞ രണ്ട് ദിവസം കൊണ്ട് കെ.ആർ. മാർക്കറ്റ്, ഗാന്ധി ബസാർ, ദേവസാന്ദ്ര, കെആർപുര, മല്ലേശ്വരം, മഡിവാള, റസൽ മാർക്കറ്റ്, പാലെകെ ബസാർ തുടങ്ങി 12 പ്രധാന മാർക്കറ്റുകളിൽ മാലിന്യത്തിൻ്റെ അളവ് ക്രമാധീതമായി വർധിച്ചു. പടക്കമാലിന്യങ്ങളും വാഴയിലയും മത്തങ്ങയും പൂമാലയും നിറഞ്ഞതാണ് നഗരത്തിലെ ഒട്ടുമിക്ക റോഡുകളും. ഉത്സവത്തിൻ്റെ പിറ്റേന്ന് നഗരത്തിൽ മാലിന്യം നിറഞ്ഞ് ദുർഗന്ധം വമിക്കുന്ന സ്ഥിതിയിലാണ്. പലയിടത്തും ഉത്സവത്തിന് വിൽക്കാൻ കൊണ്ടുവന്ന തവിട്ട് വാഴ, മാങ്ങ, പൂവ് എന്നിവയും പൗരന്മാർ വലിച്ചെറിയുന്ന മാലിന്യങ്ങൾക്കൊപ്പം…

ബെംഗളൂരു : സംസ്ഥാനത്ത് നിർമിക്കുന്ന ഉത്‌പന്നങ്ങളുടെ ലേബലുകളിൽ കന്നഡഭാഷ നിർബന്ധമാക്കുമെന്ന് മുഖ്യമന്ത്രി സിദ്ധരാമയ്യ പറഞ്ഞു. കന്നഡഭാഷ പ്രോത്സാഹിപ്പിക്കുന്നതിന്റെ ഭാഗമായാണിത്. നിലവിൽ പല ഉത്‌പന്നങ്ങളുടെയും ലേബലിൽ ഇംഗ്ലീഷിലാണ് പേരും മറ്റു വിവരങ്ങളും എഴുതാറുള്ളത്. കന്നഡയിലും എഴുതണമെന്നത് നിർബന്ധമാക്കാനാണ് നീക്കം. സർക്കാർ സ്ഥാപനങ്ങളും സ്വകാര്യ സ്ഥാപനങ്ങളും നിർമിക്കുന്ന ഉൽപന്നങ്ങൾക്ക് ഇത് ബാധകമാകും.

മലപ്പുറം: കെഎസ്ആർടിസി ബസ് തലകീഴായി മറിഞ്ഞ് നാൽപ്പതോളം പേർക്ക് പരിക്ക്. കോഴിക്കോട് തൊട്ടില്‍പ്പാലത്തുനിന്ന് തിരുവനന്തപുരത്തേക്കു പോകുന്ന സൂപ്പര്‍ഫാസ്റ്റ് ബസാണ് നിയന്ത്രണം വിട്ട് മറിഞ്ഞത്. റോഡിൽ നിന്ന് പത്തടി താഴ്ചയിലേക്ക് ബസ് മറിയുകയായിരുന്നു. ഞായറാഴ്ച രാത്രി പതിനൊന്നോടെയായിരുന്നു അപകടം. ദേശീയപാത നിര്‍മാണം നടക്കുന്ന സ്ഥലത്താണ് അപകടമുണ്ടായത്. അറുപതോളം പേര്‍ ബസ്സിലുണ്ടായിരുന്നു. സീറ്റില്‍ ഇരിക്കുന്നവര്‍ക്ക് പുറമെ നിന്നും യാത്ര ചെയ്യുന്നവരുണ്ടായിരുന്നു. തലകീഴായി കിടന്ന ബസിൽ നിന്ന് ഏറെ ശ്രമകരമായാണ് ആളുകളെ പുറത്തെത്തിച്ചത്. പരിക്കേറ്റവരെ തിരൂരങ്ങാടിയിലെയും സമീപത്തെയും ആശുപത്രികളില്‍ പ്രവേശിപ്പിച്ചു. തിരൂരങ്ങാടി താലൂക്കാശുപത്രിയില്‍ മുപ്പതിലേറെപ്പേരെ പ്രവേശിപ്പിച്ചു. അഞ്ചുപേരെ കോഴിക്കോട്…