Author: News Team

ബെംഗളൂരു : കർണാടക ആർ.ടി.സി.യുടെ പുതിയ ഐരാവത് ക്ലബ് ക്ലാസ് 2.0 ബസുകൾ ബെംഗളൂരുവിൽ നിന്ന് കോഴിക്കോട്, കാസർകോട് എന്നിവിടങ്ങളിലേക്ക് സർവീസ് ആരംഭിച്ചു. ബെംഗളൂരുവിൽ നിന്ന് കോഴിക്കോട്ടേക്കും തിരിച്ചും പ്രതിദിനം രണ്ടു സർവീസുകളുണ്ട്. കാസർകോട്ടേയ്ക്ക് ഒരു സർവീസേ ഉള്ളൂ. ശാന്തിനഗർ ബസ് സ്റ്റാൻഡിൽ നിന്നാകും ബസ് പുറപ്പെടുക. നിലവിലുള്ള ഐരാവത് ക്ലബ് ക്ലാസ് ബസുകളുടെ പരിഷ്‌കരിച്ച പതിപ്പാണ് ഐരാവത് ക്ലബ്ബ്‌ ക്ലാസ് 2.0. പുതിയ 20 വോൾവൊ ബസ്സുകളണ് കർണാടക ആർ.ടി.സി. അടുത്തിടെ പുറത്തിറക്കിയത്. വ്യാഴാഴ്ച കോഴിക്കോട്ടേക്ക് പരീക്ഷണയോട്ടം നടത്തി വജയിച്ചതിനെ തുടർന്നാണ് റെഗുലർ…

ബെംഗളൂരു: കർണാടകയിലെ എല്ലാ ക്ഷേത്രങ്ങളിൽ നിന്നും പ്രസാദം വീട്ടുപടിക്കൽ എത്തിക്കാനുള്ള പദ്ധതി നടപ്പാക്കാൻ മുജറയ് വകുപ്പിന്റെ ആലോചന. ഇക്കാര്യം മുജുറൈ മന്ത്രിയുമായി ചർച്ച ചെയ്ത് ഉടൻ നടപ്പാക്കുമെന്ന് മുജുറൈ വകുപ്പ് കമ്മീഷണർ വെങ്കിടേഷ് മാധ്യമങ്ങളോട് അറിയിച്ചു. നിലവിൽ മുജറയ് വകുപ്പ് പുത്തൻ സാങ്കേതിക വിദ്യ ഉപയോഗിച്ച് ജനങ്ങളെ സേവിക്കുന്നതിന് നിരവധി പദ്ധതികൾ ആവിഷ്‌കരിക്കുന്നുണ്ട്. ഓൺലൈൻ സേവനവും ബുക്കിംഗും ഇതിനകം നടപ്പാക്കിയിട്ടുണ്ട്. ഇപ്പോഴിതാ മറ്റൊരു പുതിയ പദ്ധതി കൂടി നടപ്പാക്കാനാണ് ആലോചിക്കുന്നത്. ഇപ്പോൾ ഈ പുതിയ പദ്ധതിയിലൂടെ ഒരാൾക്ക് വീട്ടിലിരുന്ന് പ്രശസ്തമായ ക്ഷേത്രങ്ങളിൽ നിന്ന് പ്രസാദം…

ബെംഗളൂരു: സർക്കാർ ഓഫീസ് പരിസരത്ത് മദ്യവും പുകയിലയും കൊണ്ടുപോകരുതെന്ന് കഴിഞ്ഞ ദിവസം സംസ്ഥാന സർക്കാർ ഉത്തരവിറക്കിയിരുന്നു. ഇതിന് പിന്നാലെ ഇന്നലെ വിധാന സൗധയുടെ പടിഞ്ഞാറ് ഭാഗത്തുള്ള പൂന്തോട്ടത്തിൽ ബിയർ കുപ്പികൾ കണ്ടെത്തി . പോലീസിൻ്റെ കണ്ണുവെട്ടിച്ച് ബിയർ കുപ്പി അകത്തു കൊണ്ടുവന്നിരിക്കാൻ സാധ്യതയുണ്ടെന്നും ഇത് കുടിച്ച ശേഷം കുപ്പി തോട്ടത്തിൽ വലിച്ചെറിഞ്ഞതാകാമെന്നുമാണ് സംശയിക്കുന്നത്.

ബെംഗളൂരു : അഞ്ച് വർഷം മുമ്പ് കാണാതായ അമ്മയെ മംഗളൂരുവിൽ കണ്ടെത്തി. അസ്മ എന്ന യുവതിയെയാണ് കണ്ടെത്തിയത് .  മുംബൈ താനെയിലെ മാംബ്രിലിൽ താമസക്കാരിയായ അസ്മ കുറച്ച് വർഷങ്ങൾക്ക് മുമ്പ് ഭർത്താവിനൊപ്പം വിദേശത്തായിരുന്നു. പിന്നീട് ദമ്പതികൾ മുംബൈ താനെയിലെ മാംബ്രിലിൽ താമസിച്ചു. കുറച്ച് നാളുകൾക്ക് ശേഷം മാനസിക അസ്വാസ്ഥ്യം അനുഭവപ്പെട്ട അസ്മയെ 2019 മെയ് മാസത്തിൽ വീട്ടിൽ നിന്ന് കാണാതാവുകയായിരുന്നു. ഭർത്താവിൻ്റെ വീട്ടിൽ നിന്ന് മുംബൈയിലെ ബൈകലയിലുള്ള സ്വന്തം നാടിലേക്ക് ട്രെയിനിൽ യാത്ര ചെയ്യവെയാണ് അസ്മയെ കാണാതായത്. പിന്നീട് വഴിതെറ്റി അസ്മ മംഗലാപുരത്തെത്തുകയായിരുന്നു. മംഗലാപുരത്ത്…

ബെംഗളൂരു : ബെംഗളൂരു അന്താരാഷ്ട്ര വിമാനത്താവളത്തിൽ പശ്ചിമഘട്ട വനമേഖലയുടെ ദൃശ്യാനുഭവമൊരുക്കി ചുമർ പൂന്തോട്ടം(വെർട്ടിക്കൽ ഗാർഡൻ). ടൈഗർ വിങ്‌സ് എന്ന പേരിൽ നാലായിരം ചതുരശ്ര അടി വിസ്തൃതിയിൽ ഫ്രഞ്ച് നാഷണൽ സെന്റർ ഫോർ സയന്റിഫിക് റിസർച്ചിലെ സസ്യശാസ്ത്രജ്ഞനായ പാട്രിക് ബ്ലാങ്ക് ആണ് പൂന്തോട്ടത്തിന് രൂപം നൽകിയത്. വിമാനത്താവളത്തിന്റെ രണ്ടാം ടെർമിനലിലാണ് 160 അടി വീതിയും 30 അടി ഉയരവുള്ള പൂന്തോട്ടം തയ്യാറാക്കിയത്. 80 അടി വീതം വീതിയുള്ള രണ്ട് ഭിത്തികളാണ് പൂന്തോട്ടമായി മാറിയത്. 153 ഇനത്തിലുള്ള 15,000 ചെടികളാണ് മതിലുകളിൽ വെച്ചുപിടിപ്പിച്ചിരിക്കുന്നത്. കർണാടകത്തിൽ നിന്നും പശ്ചിമഘട്ട…

ബെംഗളൂരു: ബെംഗളൂരുവിൽ സ്വകാര്യ സ്കൂളിന് നേരെ ബോംബ് ഭീഷണി. വ്യാഴാഴ്ച ഉച്ചയോടെ സെൻ്റ് മാർക്‌സ് റോഡിലെ ബിഷപ്പ് കോട്ടൺ സ്കൂളിലാണ് ഭീഷണിയുണ്ടായത്. സ്കൂൾ പരിസരത്ത് സ്‌ഫോടകവസ്തുക്കൾ സ്ഥാപിച്ചിട്ടുണ്ടെന്നും അവ ഉടൻ പൊട്ടിത്തെറിക്കുമെന്നും ഇമെയിൽ ലഭിക്കുകയായിരുന്നു. ഇതേതുടർന്ന് മാനേജ്മെന്റ് പോലീസിൽ വിവരമറിയിച്ചു. വിദ്യാർഥികളെ ക്യാമ്പസിൽ നിന്ന് ഒഴിപ്പിക്കുകയും ചെയ്തു. പോലീസും ബോംബ് സ്‌ക്വാഡും സ്ഥലത്തെത്തി പരിശോധന നടത്തിയെങ്കിലും ബോംബ് കണ്ടെത്താനായില്ല. പിന്നീട് ഭീഷണി വ്യാജമാണെന്ന് പോലീസ് സ്ഥിരീകരിച്ചു. വെങ്കിട്ടരമണ എന്നയാളുടെ പേരിലാണ് ഇമെയിലുകൾ അയച്ചതെന്ന് പോലീസ് പറഞ്ഞു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.

ബെംഗളൂരു: കർണാടകത്തിലെയും രാജ്യത്തെയും ജനസംഖ്യയുടെ തത്സമയ കണക്കുകൾ പ്രദർശിപ്പിക്കുന്ന ബെംഗളൂരു സിറ്റിയുടെ ആദ്യത്തെ ഡിജിറ്റൽ ജനസംഖ്യാ ക്ലോക്ക് നഗരത്തിലെ ഇൻസ്റ്റിറ്റ്യൂട്ട് ഫോർ സോഷ്യൽ ആൻഡ് ഇക്കണോമിക് ചേഞ്ച് (ഐഎസ്ഇസി) ൽ വെള്ളിയാഴ്ച (നവംബർ 8) ഉദ്ഘാടനം ചെയ്യും. ബെംഗളൂരുവിൽ ആദ്യമായാണ് ഇത്തരമൊരു സംരംഭമെന്ന് ബിബിഎംപി ചീഫ് കമ്മീഷണർ തുഷാർ ഗിരിനാഥ് പറഞ്ഞു. ഐഎസ്ഇസിയും കേന്ദ്ര ആരോഗ്യ കുടുംബക്ഷേമ മന്ത്രാലയവും (MoHFW) സംയുക്തമായി ഏറ്റെടുത്ത പദ്ധതിയായ കർണാടകയിലെ ജനസംഖ്യ ഘടികാരം സംസ്ഥാനത്തെ ജനസംഖ്യ ഒരു മിനിറ്റിലും 10 സെക്കൻഡിലും, രാജ്യത്തെ ജനസംഖ്യ ഓരോ രണ്ട് മിനുട്ടിലും…

ബെംഗളൂരു: സർക്കാർ ഓഫീസുകളിലും ഓഫീസ് പരിസരങ്ങളിലും പുകവലിയും മറ്റ് പുകയില ഉൽപന്നങ്ങളും നിരോധിച്ചുകൊണ്ട് സംസ്ഥാന സർക്കാർ ഉത്തരവിറക്കി. പുകവലിയും മറ്റ് പുകയില ഉൽപന്നങ്ങളും കഴിക്കുന്നത് ആരോഗ്യത്തിന് ഹാനികരമാണെന്നും പൊതുസ്ഥലങ്ങളിൽ ഇത്തരം ഉൽപ്പന്നങ്ങൾ ഉപയോഗിക്കുന്നത് പൂർണമായും നിരോധിച്ചുകൊണ്ട് പേഴ്സണൽ ആൻഡ് അഡ്മിനിസ്ട്രേറ്റീവ് റിഫോംസ് വകുപ്പ് അണ്ടർ സെക്രട്ടറി ഗസറ്റ് വിജ്ഞാപനം പുറപ്പെടുവിച്ചു. നിയമപരമായ മുന്നറിയിപ്പ് നൽകിയിട്ടും സർക്കാർ ഓഫീസുകളിലും ഓഫീസ് പരിസരങ്ങളിലും പുകയില ഉൽപന്നങ്ങൾ ഉപയോഗിക്കുന്നത് സർക്കാരിൻ്റെ ശ്രദ്ധയിൽപ്പെട്ടിട്ടുണ്ട്. ഈ പശ്ചാത്തലത്തിൽ ജീവനക്കാരുടെ ആരോഗ്യം മുൻനിർത്തിയും പൊതുജനങ്ങളെയും സർക്കാർ ജീവനക്കാരെയും പുകയിലയിൽ നിന്ന് സംരക്ഷിക്കുക എന്ന…

ബെംഗളൂരു,: ഹലസുരു ഗേറ്റ് ട്രാഫിക് പോലീസ് സ്റ്റേഷൻ്റെ കീഴിലുള്ള ജെസി റോഡിൽ വൈറ്റ് ടോപ്പിംഗ് ജോലികൾ നടത്താൻ ബിബിഎംപി തീരുമാനിച്ചു. നാല റോഡ് ജംക്‌ഷൻ മുതൽ പുരഭവൻ ജംക്‌ഷൻ വരെ വൈറ്റ് ടാപ്പിങ് ജോലികൾ നടത്തും. ഇതുവഴിയുള്ള വാഹനഗതാഗതത്തിന് ഭാഗിക നിരോധനം ഏർപ്പെടുത്തിയിട്ടുണ്ട്. വെള്ളിയാഴ്‌ച രാവിലെ മുതൽ പണി തുടങ്ങും, പണി പൂർത്തിയാകുന്നതുവരെ ഇതുവഴിയുള്ള ഗതാഗതം മന്ദഗതിയിലാകും. പ്രവൃത്തി നടക്കുന്ന റൂട്ടിൽ ഗതാഗത നിയന്ത്രണം ഏർപ്പെടുത്തിയിട്ടുണ്ട്, പൊതുജനങ്ങൾ സഹകരിക്കണമെന്ന് ട്രാഫിക് പോലീസും ബിബിഎംപി കമ്മീഷണർ തുഷാർ ഗിരിനാഥും അഭ്യർത്ഥിച്ചു. എന്താണ് ബദൽ? വൈറ്റ് ടാപ്പിംഗ്…

ബെംഗളൂരു : ബെംഗളൂരു മാധവാരയിലേക്ക് യാത്രക്കാർ കാത്തിരുന്ന മെട്രോ തീവണ്ടിയെത്തി. വ്യാഴാഴ്ച സർവീസ് ആരംഭിച്ച നാഗസാന്ദ്ര-മാധവാര മെട്രോ പാതയിലെ മൂന്ന് സ്റ്റേഷനുകളിൽനിന്നായി വൈകീട്ട് ഏഴ് മണിവരെ 6,032 പേർ യാത്ര ചെയ്തതായി ബി.എം.ആർ.സി.എൽ. അറിയിച്ചു. മൊത്തം 5,061 പേർ മൂന്നു സ്റ്റേഷനുകളിലും ട്രെയിനിറങ്ങിയതായും അറിയിച്ചു. പുതുതായി തുറന്ന മാധവാര സ്റ്റേഷനിൽനിന്ന് ബെംഗളൂരു മെട്രോയുടെ ഗ്രീൻ ലൈനിലൂടെ (തെക്ക്-വടക്ക് ഇടനാഴി) ആദ്യതീവണ്ടി വ്യാഴാഴ്ച രാവിലെ അഞ്ചുമണിക്ക് പുറപ്പെട്ടു. നാഗസാന്ദ്രയിൽ നിന്ന് മാധവാര വരെ നിർമിച്ച പുതിയ 3.14 കിലോമീറ്റർ മെട്രോ പാതയിൽ ഇതോടെ വാണിജ്യ സർവീസിന്…