ബെംഗളൂരു : മുഖ്യമന്ത്രി പദവിയിൽ മാറ്റമുണ്ടായേക്കുമെന്ന വാർത്തകൾ തള്ളി സിദ്ധരാമയ്യ. മുഖ്യമന്ത്രി സ്ഥാനമാറ്റം സംബന്ധിച്ച് കോൺഗ്രസിൽ ചർച്ചയുണ്ടായിട്ടില്ലെന്നാണ് സിദ്ധരാമയ്യ ഡൽഹിയിൽ വ്യക്തമാക്കിയത്.
ഉപമുഖ്യമന്ത്രി സ്ഥാനത്ത് തന്നെ തുടരുമെന്ന് ഡി.കെ. ശിവകുമാർ തന്നെ വ്യക്തമാക്കിയതാണെന്നും ഹൈകമാൻഡ് എടുക്കുന്ന തീരുമാനം എന്തായാലും രണ്ടുപേരും അത് അനുസരിക്കുമെന്നും സിദ്ധരാമയ്യ മാധ്യമങ്ങളോട് സംസാരിക്കവെ നിലപാട് വ്യക്തമാക്കി.
സിദ്ധരാമയ്യയ്ക്ക് പിന്നാലെ എനിക്ക് പാര്ട്ടി എം.എൽ.എമാരുടെ ശിപാർശ വേണ്ടെന്നും പാര്ട്ടിയെ കൂടുതൽ ശക്തിപ്പെടുത്തുകയാണ് തൻ്റെ ജോലിയെന്നും പറഞ്ഞ ശിവകുമാർ വരുന്ന തദ്ദേശ തെരഞ്ഞെടുപ്പുകളും 2028 നിയമസഭ തെരഞ്ഞെടുപ്പുമാണ് ഞങ്ങളുടെ പ്രധാന ലക്ഷ്യമെന്നും കൂട്ടിച്ചേർത്തു.
അതെസമയം മുഖ്യമന്ത്രി സിദ്ധരാമയ്യയും, ഉപമുഖ്യമന്ത്രി ഡി.കെ. ശിവകുമാറും നേതാക്കളുമായുള്ള കൂടിക്കാഴ്ചക്കായി ഡൽഹിയിൽ തന്നെ തുടരുന്നു എന്നാണ് സൂചന.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
