ബെംഗളൂരു: കർണാടകയിലെ ചാമരാജനഗർ ജില്ലയിൽ, സ്വകാര്യ സ്കൂളിലെ ഒരു വിദ്യാർത്ഥി ശാസ്ത്ര പ്രദർശനത്തിനിടെ മതപരമായ പരാമർശങ്ങൾ നടത്തിയത് വ്യാപകമായ വിമർശനത്തിന് ഇടയാക്കി.
പ്രമുഖ മാധ്യമങ്ങളുടെ റിപ്പോർട്ട് അനുസരിച്ച് , വീഡിയോയിൽ വിദ്യാർത്ഥി രണ്ട് പാവകളെ പ്രദർശിപ്പിച്ചിരിക്കുന്നത് കാണിക്കുന്നു, ഒന്ന് ബുർഖ ധരിച്ചതും മറ്റൊന്ന് ചെറിയ വസ്ത്രം ധരിച്ചതുമാണ്.
ബുർഖ ധരിച്ച പാവയെ പൂക്കൾ കൊണ്ട് അലങ്കരിച്ച ഒരു ശവപ്പെട്ടിയിലാണ് വച്ചിരിക്കുന്നതെന്നും മറ്റൊന്ന് പാമ്പുകളും തേളുകളും നിറച്ച ഒരു ശവപ്പെട്ടിയിലാണെന്നും വിദ്യാർത്ഥി വിശദീകരിക്കുന്നു.
സോഷ്യൽ മീഡിയയിൽ വൈറലായ സംഭവത്തിന്റെ വീഡിയോ, സ്കൂളുകളിൽ നൽകുന്ന വിദ്യാഭ്യാസത്തിന്റെ സ്വഭാവത്തെക്കുറിച്ച് വീണ്ടും ആശങ്കകൾ ഉയർത്തുകയും, പ്രതിഷേധം ഉയർത്തുകയും ചെയ്തു.
“ബുർഖ ധരിച്ചാൽ മരണശേഷം സ്വർഗത്തിൽ പോകുമെന്നും എന്നാൽ നിങ്ങൾ ചെറിയ വസ്ത്രം ധരിച്ചാൽ നരകത്തിൽ പോകും, പാമ്പുകളും തേളുകളും നിങ്ങളുടെ ശരീരം തിന്നും” എന്നും വിഡിയോയിൽ വിദ്യാർത്ഥി പറയുന്നത് കേൾക്കാം.
അധികാരികൾ എങ്ങനെ പ്രതികരിച്ചു?
കർണാടക മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡി.കെ. ശിവകുമാർ, ഡയറക്ടർ ജനറൽ ഓഫ് പോലീസ് എന്നിവരെ ടാഗ് ചെയ്ത് നിരവധി സോഷ്യൽ മീഡിയ ഉപയോക്താക്കൾ വിഷയത്തിൽ അന്വേഷണം ആവശ്യപ്പെട്ടിരുന്നു. സംഭവത്തെക്കുറിച്ച് അന്വേഷിക്കുന്നുണ്ടെന്ന് അധികൃതർ ഉറപ്പുനൽകിയതായും റിപ്പോർട്ടിൽ പറയുന്നു.
വൈറൽ വീഡിയോ പ്രചരിച്ചതായി ചാമരാജനഗർ ഡെപ്യൂട്ടി ഡയറക്ടർ ഓഫ് പബ്ലിക് ഇൻസ്ട്രക്ഷൻ (ഡിഡിപിഐ) രാജേന്ദ്ര രാജെ ഉർസ് സമ്മതിക്കുകയും ഉദ്യോഗസ്ഥർ പ്രശ്നം പരിശോധിച്ചുവരികയാണെന്ന് സ്ഥിരീകരിക്കുകയും ചെയ്തു.
“നമ്മൾ ആദ്യം സന്ദർഭം മനസ്സിലാക്കേണ്ടതുണ്ട്. അത് വ്യക്തമായാൽ, ഇന്ന് തന്നെ നിങ്ങൾക്ക് പൂർണ്ണ വ്യക്തത നൽകുമെന്നും അദ്ദേഹം പറഞ്ഞതായി മാധ്യമങ്ങൾ റിപ്പോർട്ട് ചെയ്തു.
ഈ പരാമർശങ്ങൾ വ്യാപകമായ അപലപനത്തിന് കാരണമായിട്ടുണ്ട്, ഒരു അക്കാദമിക് പശ്ചാത്തലത്തിൽ ഇത്തരം പ്രസ്താവനകൾ എങ്ങനെയാണ് നടത്തിയതെന്ന് പലരും ചോദ്യം ചെയ്യുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
