ബെംഗളൂരു: നഗരത്തിലെ നിവാസികളെ അത്ഭുതപ്പെടുത്തി ആകാശത്ത് വിചിത്രമായ നിഴൽ പ്രത്യക്ഷപ്പെട്ടു. ട്വിറ്ററിലൂടെ ഒരു ബെംഗളൂരു നിവാസിയാണ് അജ്ഞാത നിഴലിന്റെ വീഡിയോ ട്വിറ്ററിലൂടെ പങ്കുവെച്ചത്.
നഗരത്തിലെ ഹെബ്ബാൾ മേൽപ്പാലത്തിന് സമീപം ഇന്നലെ രാത്രി ആകാശത്ത് പ്രത്യക്ഷപ്പെട്ട ഈ വിചിത്രമായ നിഴൽ പോലൊരു വസ്തു നിവാസികളെ അമ്പരപ്പിച്ചു. മറ്റാരെങ്കിലും കണ്ടോ? ഇത് എന്തായിരിക്കാം? ഒരു കെട്ടിടത്തിന്റെ നിഴൽ? അങ്ങനെയാണെങ്കിൽ, അതിന് പിന്നിലെ ശാസ്ത്രം എന്തായിരിക്കാം എന്ന് അദ്ദേഹം വീഡിയോയ്ക്ക് അടിക്കുറിപ്പ് നൽകി.
A mysterious shadow (object?) was seen in Bengaluru skies last night near Hebbal flyover. Did anyone else see? What could this possibly be? A shadow of a building? If it is, then what could possibly be the science behind it?
Credits: @SengarAditi pic.twitter.com/8YOIzvIsPv
— Waseem ವಸೀಮ್ وسیم (@WazBLR) July 23, 2023
റിപ്പോർട്ട് ചെയ്ത വീഡിയോ പകർത്തിയ ട്വിറ്റർ ഉപയോക്താവ് നിഗൂഢമായ നിഴലിന്റെ കുറച്ച് ചിത്രങ്ങളും പങ്കിട്ടു.
എന്താണ് ബ്രോക്കൺ സ്പെക്റ്റർ? ബ്രോക്കൺ സ്പെക്റ്റർ, ബ്രോക്കൺ ബോ, അല്ലെങ്കിൽ പർവത സ്പെക്റ്റർ, എന്നിങ്ങനെ വിവിധ പേരുകളിൽ അറിയപ്പെടുന്ന ഒരു പ്രതിഭാസമാണ് ഇത്. ഒരു നിരീക്ഷകന്റെ നിഴൽ വായുവിൽ ഒരു മേഘത്തിലേക്ക് വിപുലീകരിക്കുകയും ശക്തമായ പ്രകാശ സ്രോതസ്സിന് എതിർവശത്ത് പ്രതിബിംബിക്കുകയും ചെയ്യുന്ന ഒരു പ്രതിഭാസമാണ് ഇത്.
ഒരു പർവതാരോഹകൻ ഒരു പർവതത്തിൽ നിന്നോ കൊടുമുടിയിൽ നിന്നോ മൂടൽമഞ്ഞിലേക്ക് താഴേക്ക് നോക്കുമ്പോൾ സൂര്യൻ അവരുടെ പിന്നിൽ താഴ്ന്നു നിൽക്കും പോലെ തോനുമ്പോളും ഈ ആകർഷകമായ പ്രഭാസമാണ് പ്രാവർത്തികമാകുന്നുത് എന്നും പലരും അഭിപ്രായപ്പെട്ടു .
അതേസമയം, ചില ട്വിറ്റർ ഉപയോക്താക്കൾ പോസ്റ്റിൽ രസകരമായ അഭിപ്രായങ്ങളും പങ്കുവെച്ചു, അതിൽ കുറച്ചുപേർ അതിനെ ‘സ്വർഗ്ഗത്തിലേക്കുള്ള വാതിൽ’ എന്ന് വിശേഷിപ്പിച്ചു. ഒരു ട്വിറ്റർ ഉപയോക്താവ് പറഞ്ഞു, “സിൽക്ക് ബോർഡ് ജംഗ്ഷനിൽ നിന്ന് രക്ഷപ്പെടാനുള്ള രഹസ്യ വാതിലാണിത്.”
അതിനിടയിൽ മറ്റൊരാൾ എഴുതി, “ബംഗളൂരു കാലാവസ്ഥയിൽ അന്യഗ്രഹജീവികൾ തങ്ങളുടെ വസ്ത്രങ്ങൾ ഉണക്കാൻ ശ്രമിക്കുന്നുണ്ടോ?”
കുറച്ച് ദിവസങ്ങൾക്ക് മുമ്പ് ‘പൈലിയസ് ക്ലൗഡ്’ എന്ന അപൂർവ പ്രകൃതി പ്രതിഭാസം ഹൈദരാബാദ് നിവാസികളെ വിസ്മയിപ്പിച്ചു
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
