കാലാവസ്ഥയുടെ കാര്യത്തിൽ വലിയ മാറ്റങ്ങളാണ് വരും ദിവസങ്ങളിൽ ബെംഗളൂരുവിനെ കാത്തിരിക്കുന്നത്. വടക്കുകിഴക്കൻ മൺസൂൺ അവസാനിക്കുന്നതോടെ നിലവിലെ അന്തരീക്ഷത്തിന് കാര്യമായ മാറ്റമുണ്ടാകും.
തുടർന്നുള്ള ദിവസങ്ങളിൽ പകൽ സമയത്ത് താപനില 30 ഡിഗ്രി സെൽഷ്യസിലേക്കും രാത്രിയിൽ 15 ഡിഗ്രി സെൽഷ്യസിലേക്കും താഴുന്ന വിധത്തിലായിരിക്കും മാറ്റം. ഇത് കൂടാതെ ജനുവരി അവസാനത്തോടെ ബെംഗളൂരുവിൽ മഴ പെയ്തേക്കാം.
കഴിഞ്ഞ ദിവസത്തെ കണക്കനുസരിച്ച് പകൽ താപനില രാത്രിയിൽ അനുഭവപ്പെടുന്നതിനേക്കാൾ ഇരട്ടിയാണ് ബെംഗളൂരുവിൽ അനുഭവപ്പെട്ടത്.
മേഘാവൃതമായ ആകാശമുള്ളതോ മഴ പെയ്യുന്നതോ ആയ ദിവസങ്ങളില്‍ രാത്രിയും പകലും ഏകദേശം ഒരേപോലെയുള്ള അന്തരീക്ഷവും ഏറെക്കുറെ വലിയ വ്യത്യാസങ്ങളില്ലാത്ത താപനിലയും ആണ് ബെംഗളൂരുവിൽ അനുഭവപ്പെട്ടിരുന്നത്.
അതായത്, പകൽ സമയവും രാത്രി താപനിലയും തമ്മിലുള്ള അന്തരം വളരെ കുറവായിരുന്നു. രാത്രികാല താപനില പകൽ സമയത്തെ ഉയർന്നതിനേക്കാൾ ഏതാനും ഡിഗ്രി കുറവായിരിക്കും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
