Month: September 2024

ബെംഗളൂരു : അന്താരാഷ്ട്ര ജനാധിപത്യദിനത്തോടനുബന്ധിച്ച് ഭരണഘടനയുടെ ആമുഖം കൈകൊണ്ട് പ്രിന്റ് ചെയ്ത് വിദ്യാർഥികൾ. ബെംഗളൂരു വിധാൻ സൗധയ്ക്കുമുന്നിൽ നടന്ന ചടങ്ങിൽ ‘റീക്ലെയിം കോൺസ്റ്റിറ്റ്യൂഷൻ’ എന്നസംഘടനയാണ് ഇതിനുള്ള സൗകര്യമൊരുക്കിയത്. ഇത്തരത്തിൽ 4800 ആമുഖങ്ങൾ വിദ്യാർഥികൾ പ്രിന്റ് ചെയ്തു. ‘പ്രിന്റ് യുവർ ഓൺ പ്രിയാംബിൾ’ എന്നപേരിൽ സജ്ജമാക്കിയ സ്റ്റാളിൽ ഓരോരുത്തരെത്തി ആമുഖം പ്രിന്റ് ചെയ്തെടുത്തു. വിദ്യാർഥികൾക്കുപുറമേ വിവിധമേഖലകളിൽ ജോലിചെയ്യുന്നവരും പങ്കെടുത്തതായി ‘റീക്ലെയിം കോൺസ്റ്റിറ്റ്യൂഷൻ’ അംഗം വിനയ് കുമാർ പറഞ്ഞു.

ബെംഗളൂരു : സ്വാതന്ത്ര്യം ലഭിക്കുന്നതിനു മുൻപുണ്ടായിരുന്ന ഹൈദരാബാദ് സംസ്ഥാനം കർണാടകത്തിൽ ലയിച്ചതിന്റെ സ്മരണപുതുക്കി 76-ാമത് കല്യാണ കർണാടക ദിനം ആഘോഷിച്ച് കർണാടക സർക്കാർ. ഇതോടനുബന്ധിച്ച് കല്യാണ കർണാടകയുടെ ഭാഗമായ കലബുറഗിയിലാണ് ചൊവ്വാഴ്ച മന്ത്രിസഭായോഗം ചേർന്നത്. മേഖലയുടെ വികസനത്തിന് കോടികളുടെ പദ്ധതികൾ പ്രഖ്യാപിച്ചു. 1,685 കോടി രൂപ ചെലവിൽ കലബുറഗിയെ സ്മാർട്ട് സിറ്റിയായി വികസിപ്പിക്കാനുള്ള പദ്ധതിക്ക് സർക്കാർ രൂപം നൽകി വരികയാണെന്ന് ആഘോഷം ഉദ്ഘാടനംചെയ്ത മുഖ്യമന്ത്രി സിദ്ധരാമയ്യ പറഞ്ഞു. പിന്നാക്ക ജില്ലയിലെ ജീവിതനിലവാരം വർധിപ്പിക്കാനും നിക്ഷേപങ്ങൾ ആകർഷിക്കാനുമാണിതെന്നും അദ്ദേഹം കൂട്ടിച്ചേർത്തു. കലബുറഗി, ബെല്ലാരി മുനിസിപ്പൽ കോർപ്പറേഷനുകൾക്ക്…

ബെംഗളൂരു: ബെംഗളൂരുവിൽ നിന്നും എരുമേലിയിലേക്ക് പോയ സ്വകാര്യ ബസ്സില്‍ 67 ലക്ഷം രൂപയുടെ കുഴല്‍പ്പണം പിടികൂടി. കട്ടപ്പന സ്വദേശി മനോജ്‌ മണിയെ കസ്റ്റഡിയില്‍ എടുത്ത ശേഷം പാലാ പൊലീസിന് കൈമാറി. അറസ്റ്റ് രേഖപ്പെടുത്തിയ ശേഷം മനോജ് മണിയെ ജാമ്യത്തില്‍ വിട്ടു. ബെംഗളൂരുവിൽ നിന്നും എരുമേലിയിലേക്ക് എത്തുന്ന സാനിയ എന്ന സ്വകാര്യ ബസില്‍ നിന്നാണ് മനോജിനെ പിടികൂടിയത്. ബസില്‍ കുഴല്‍പ്പണം കടത്തുന്നുവെന്ന രഹസ്യ വിവരത്തെ തുടർന്നായിരുന്നു എക്‌സൈസിന്റെ പരിശോധന. ഇന്ന് രാവിലെ ബസ് ഈരാറ്റുപേട്ടയില്‍ എത്തിയപ്പോള്‍ എക്സൈസ് സംഘം തടഞ്ഞു. പിന്നീട് ബസിനകത്തുണ്ടായിരുന്ന യാത്രക്കാരെയും ജീവനക്കാരെയും…

ബെംഗളൂരു: യുവാവിനെ ക്രൂരമായി മര്‍ദിക്കുകയും നഗ്നനാക്കിയശേഷം റോഡിലൂടെ ഓടിക്കുകയുംചെയ്ത സംഭവത്തില്‍ പോലീസ് കേസെടുത്തു. ബെംഗളൂരുവില്‍ ഒട്ടേറെ ക്രിമിനല്‍കേസുകളില്‍ പ്രതിയും റൗഡിയുമായ പവന്‍ ഗൗഡ എന്ന കഡുബുവിനെതിരേയാണ് പോലീസ് കേസെടുത്തത്. ഇയാള്‍ യുവാവിനെ ആക്രമിക്കുന്ന വീഡിയോ കഴിഞ്ഞദിവസം പുറത്തുവന്നതിന് പിന്നാലെയാണ് പോലീസ് നടപടി. പ്രതിക്കായി തിരച്ചില്‍ ആരംഭിച്ചതായും പോലീസ് പറഞ്ഞു. പവന്‍ ഗൗഡ യുവാവിനെ മര്‍ദിച്ച്‌ അവശനാക്കി വിവസ്ത്രനാക്കുകയും പിന്നീട് നഗ്നനാക്കി തിരക്കേറിയ റോഡിലൂടെ ഓടിക്കുന്നതുമാണ് കഴിഞ്ഞദിവസം പുറത്തുവന്ന ദൃശ്യങ്ങളിലുണ്ടായിരുന്നത്. ദിവസങ്ങള്‍ക്ക് മുന്‍പ് കാമാക്ഷിപാളയ പോലീസ് സ്‌റ്റേഷന്‍ പരിധിയില്‍ നടന്ന സംഭവത്തിന്റെ ദൃശ്യങ്ങള്‍ തിങ്കളാഴ്ച മുതലാണ്…

ബെംഗളൂരു: ഗുണ്ടല്‍പേട്ടിലുണ്ടായ വാഹനാപകടത്തില്‍ മലയാളികളായ ദമ്പതികളും മകളും മരിച്ചു. വയനാട് പൂതാടി സ്വദേശി അഞ്ജു, ഭർത്താവ് ധനേഷ്, ഇവരുടെ എട്ട് വയസുകാരനായ മകനുമാണ് അപകടത്തില്‍ മരിച്ചത്. ഇവർ സഞ്ചരിച്ചിരുന്ന ബൈക്കില്‍ ലോറിയിടിച്ചാണ് അപകടമുണ്ടായത്. ഓണാവധി ആഘോഷിക്കാൻ ഗുണ്ടല്‍പേട്ടില്‍ പോയതായിരുന്നു കുടുംബം. ലോറി ഡ്രൈവർ മദ്യപിച്ച്‌ അലക്ഷ്യമായി വാഹനമോടിച്ചതാണ് അപകടത്തിന് ഇടയാക്കിയതെന്നാണ് വിവരം. മൃതദേഹങ്ങള്‍ ആശുപത്രിയിലേക്ക് മാറ്റിയിരിക്കുകയാണ്. നിയമപരമായ നടപടിക്രമങ്ങള്‍ പൂർത്തീകരിച്ച ശേഷം ബന്ധുക്കള്‍ക്ക് വിട്ടുകൊടുക്കും.