Month: September 2024

ബെംഗളൂരു: മൈസൂരുവില്‍ ഫ്ലാറ്റില്‍നിന്നുവീണ് തിരൂർ സ്വദേശിയായ യുവാവ് മരിച്ചു. മംഗലം വളപ്പില്‍ മേപ്പറമ്പത്ത് മുജീബ് റഹ്മാൻ-സുലൈഖ ദമ്പതികളുടെ മകൻ റബിൻ ഷാ മുസവ്വിർ (25) ആണ് മരിച്ചത്. ശനിയാഴ്ച രാത്രി 11.30ഓടെയാണ് അപകടം. ശാന്തിനഗറിലെ സുഹൃത്തിന്റെ ഫ്ലാറ്റിലെ ടെറസില്‍ സംസാരിച്ചുനില്‍ക്കവേ അബദ്ധത്തില്‍ തെന്നി താഴേക്ക് വീഴുകയായിരുന്നു. ചാര്‍ട്ടേഡ് അക്കൗണ്ടന്റും സി.എം.എ പരിശീലകനുമായ മുസവ്വിർ ബംഗളൂരുവില്‍ പരിശീലനം നല്‍കാനായാണ് സുഹൃത്തായ അഫ് ലഹിനൊപ്പം ശനിയാഴ്ച നാട്ടില്‍ നിന്ന് ബൈക്കില്‍ പുറപ്പെട്ടത്. നേരം വൈകിയതോടെ മൈസൂരുവിലെ സുഹൃത്തിന്റെ ഫ്ലാറ്റില്‍ തങ്ങാൻ തീരുമാനിച്ചു. സുഹൃത്തുക്കള്‍ക്കൊപ്പം മൂന്നാം നിലയിലെ ടെറസില്‍…

ബെംഗളൂരു : എന്തിനാണ് അച്ഛൻ്റെ മൃതദേഹം ബൈക്കിൽ കൊണ്ടുപോകുന്നതെന്ന് ചോദിച്ച് മുഖ്യമന്ത്രിയുടെ ഓഫീസ് ഉദ്യോഗസ്ഥർ കമ്മ്യൂണിറ്റി ഹെൽത്ത് ഓഫീസർ ലോകേഷിന് നോട്ടീസ് അയച്ചു. ദൽവായ് ഹള്ളി ഗ്രാമത്തിലെ ഗുഡുഗുല്ല ഹൊന്നൂരപ്പ (80) വാർദ്ധക്യ സഹജമായ അസുഖത്തെ തുടർന്ന് ബുധനാഴ്ച രോഗബാധിതനായി. ഉടൻ തന്നെ മക്കൾ 108 ആംബുലൻസിൽ ഹൊണോറപ്പയെ വൈഎൻ ഹോസ്‌കോട് പ്രാഥമികാരോഗ്യ കേന്ദ്രത്തിലേക്ക് എത്തിച്ചെങ്കിലും ഹൊന്നൂരപ്പയുടെ ജീവൻ പോയിരുന്നു. പിന്നീട് 108 ആംബുലൻസ് ജീവനക്കാർ മൃതദേഹം നാട്ടിലേക്ക് കൊണ്ടുപോകാൻ തയ്യാറായില്ല. മൃതദേഹം ആംബുലൻസിൽ കൊണ്ടുപോകാൻ കഴിയില്ലെന്നു പറഞ്ഞതായും ആരോപണമുണ്ട്. കൈയിൽ പണമില്ലാതെ വന്നതോടെയാണ്…

ബെംഗളൂരു : സാമ്പത്തിക പ്രതിസന്ധിയിൽ കുടുങ്ങിയ വിദ്യാഭ്യാസ ടെക് കമ്പനിയായ ബൈജൂസ് ഫണ്ട് കടമെടുത്ത് ജീവനക്കാർക്ക് ശമ്പളം കൊടുക്കുന്നു. കുറച്ചുഫണ്ട് കടമെടുക്കാൻ കഴിഞ്ഞിട്ടുണ്ടെന്നും വാരാന്ത്യത്തോടെ ശമ്പളത്തിന്റെ ഒരുഭാഗം നൽകാൻ സാധിക്കുമെന്നും ബൈജൂസ് സഹസ്ഥാപകൻ ബൈജു രവീന്ദ്രൻ ശനിയാഴ്ച അധ്യാപകർക്ക് അയച്ച സന്ദേശത്തിൽ അറിയിച്ചു. ശമ്പളം വൈകുന്നതുമൂലം ജീവനക്കാർക്കുണ്ടാവുന്ന ബുദ്ധിമുട്ടിന് ക്ഷമാപണവും നടത്തി. നിങ്ങൾ ഏറ്റവും മികച്ചത് നൽകി, അതിന് പ്രതിഫലം നൽകാൻ ഞങ്ങൾക്ക് കഴിഞ്ഞില്ല. അതിൽ ഖേദിക്കുന്നുവെന്ന് സന്ദേശത്തിലുണ്ട്. മാസങ്ങൾനീണ്ട അനിശ്ചിതത്വത്തിനുശേഷമാണ് ജീവനക്കാർക്ക് ആശ്വാസമായി ഇ-മെയിൽ ലഭിക്കുന്നത്. അധ്യാപകർക്കുമാത്രമേ അറിയിപ്പ് ലഭിച്ചിട്ടുള്ളൂവെന്നും മറ്റുവിഭാഗങ്ങളിൽ ജോലിചെയ്യുന്നവർക്ക്…

ബെംഗളൂരു : മൈസൂരുവിൽ ഫ്ളാറ്റിന്റെ ടെറസിൽനിന്ന് വീണ് മലയാളിയുവാവ് മരിച്ചു. മലപ്പുറം തിരൂർ മംഗലം മങ്കടവളപ്പിൽ മേപ്പറമ്പത്ത് മുജീബ് മാസ്റ്ററുടെ മകൻ റബിൻഷാ (27) ആണ് മരിച്ചത്. ശനിയാഴ്ച രാത്രി 11-ഓടെയായിരുന്നു സംഭവം. സി.എം.എ. ട്യൂട്ടറായ റബിൻഷാ ജോലിയുടെ ആവശ്യത്തിനായി ബെംഗളൂരുവിലേക്ക് വരുന്നതിനിടെ മൈസൂരുവിൽ സുഹൃത്തിന്റെ വീട്ടിൽക്കയറി. രാത്രി ഭക്ഷണത്തിനുശേഷം മൂന്നുനിലക്കെട്ടിടത്തിന്റെ ടെറസിൽ സുഹൃത്തുമായി സംസാരിച്ചിരിക്കെ അബദ്ധത്തിൽ വീഴുകയായിരുന്നു. ഉടനെ മൈസൂരുവിലെ സ്വകാര്യാശുപത്രിയിലെത്തിച്ചെങ്കിലും രക്ഷിക്കാനായില്ല. പോസ്റ്റ്‌മോർട്ടത്തിനുശേഷം മൃതദേഹം നാട്ടിലേക്കുകൊണ്ടുപോയി. മൈസൂരു കെ.എം.സി.സി. പ്രവർത്തകർ ആശുപത്രി നടപടികൾക്ക് നേതൃത്വംനൽകി. മാതാവ്: സുലേഖ. സഹോദരങ്ങൾ: റജിൻഷ, റന…