Day: 28 August 2024

ബെംഗളൂരു: കെംപഗൗഡ അന്താരാഷ്ട്ര വിമാനത്താവളത്തില്‍ യുവാവിനെ കുത്തിക്കൊന്നു. വിമാനത്താവളത്തിലെ ജീവനക്കാരനായ രാമകൃഷ്ണ (48) ആണ് കൊല്ലപ്പെട്ടത്. പ്രതിയെ എയർപോർട്ട് പോലീസ് അറസ്റ്റ് ചെയ്തു. ദേവനഹള്ളിയിലെ ടെർമിനല്‍ ഒന്നിന് സമീപത്താണ് സംഭവമുണ്ടായത്. പ്രതി രമേഷിനെ പോലീസ് അറസ്റ്റ് ചെയ്തു. ഭാര്യയുമായി അവിഹിതബന്ധം ഉണ്ടെന്ന സംശയത്തെ തുടർന്നാണ് കൊലപാതകമെന്നാണ് വിവരം. രമേഷും രാമകൃഷ്ണയും തുംകൂർ ജില്ലയിലെ മധുഗിരി താലൂക്കില്‍ നിന്നുള്ളവരാണ്. ജോലിക്കിടെ യുവാവിന് അടുത്തെത്തിയ രമേഷ് സംസാരിക്കാനുണ്ടെന്ന് പറഞ്ഞ് ടെർമിനലിന് സമീപത്തെ ശുചിമുറിക്ക് അടുത്തേക്ക് കൊണ്ടുപോകുകയായിരുന്നു. തുടർന്നാണ് ഇയാള്‍ യുവാവിനെ കുത്തിക്കൊന്നതെന്ന് പ്രാദേശിക മാധ്യമങ്ങള്‍ റിപ്പോർട്ട് ചെയ്തു.

ബെംഗളൂരു: മോട്ടോർ സൈക്കിള്‍ സ്റ്റണ്ട് റൈഡിംഗ്, ആവേശമുണർത്തുന്ന ഒരു കായിക വിനോദമാണെങ്കിലും, വേണ്ടത്ര സുരക്ഷാ സംവിധാനങ്ങളില്ലാതെ റൈഡിംഗ് നടത്തുന്നത് അത്യന്തം അപകടകരമാണ്. സ്റ്റണ്ട് റൈഡർമാർ സാധാരണയായി ഭാരം കുറഞ്ഞതും മോഡേണുമായ ബൈക്കുകളാണ് ഉപയോഗിക്കുന്നത്. എന്നാല്‍ ഇതിന് വൈദഗ്ദ്ധ്യം, ശാരീരിക ക്ഷമത, പോസിറ്റീവ് മാനസികാവസ്ഥ എന്നിവ അത്യാവശ്യമാണ്. ഒരു മോട്ടോർ സൈക്കിള്‍ സ്റ്റണ്ട് ഉള്‍പ്പെടുന്ന ഒരു വീഡിയോ ഇൻസ്റ്റാഗ്രാമില്‍ ഇപ്പോള്‍ വൈറലാണ്. ഈ വീഡിയോ 30 ദശലക്ഷത്തിലധികം കാഴ്ചകള്‍ നേടി. തിരക്കേറിയ റോഡില്‍ ഒരു റൈഡറും പിന്നിലിരിക്കുന്ന യാത്രക്കാരിയും ഉയർന്ന അപകടസാധ്യതയുള്ള വീലി ( ബൈക്കിന്റെ…

ബെംഗളൂരു: തിരക്കേറിയ ബെംഗളൂരു നഗരത്തില്‍ നിന്നുള്ള ഒരു വീഡിയോയാണ് സമൂഹമാധ്യമങ്ങളില്‍ വലിയ ചര്‍ച്ചയായിരിക്കുന്നത്. ഒരു വണ്‍വേ റോഡിലേക്ക് തെറ്റായ ദിശയില്‍ ഒരു സ്‌കൂട്ടര്‍ വരുന്നതും അത് കാരണം ഒരു കാര്‍ പെട്ടെന്ന് ബ്രേക്ക് ഇട്ട് നിര്‍ത്തേണ്ടി വരുന്നതുമാണ് വീഡിയോയില്‍ കാണുന്നത്. തനിക്ക് കടന്നു പോകുന്നതിനായി കാര്‍ അരികിലേക്ക് മാറ്റണമെന്ന് സ്‌കൂട്ടര്‍ യാത്രക്കാരന്‍ ആവശ്യപ്പെടുന്നതും വീഡിയോയില്‍ കാണാം. അപ്പോള്‍ തന്നെ അപ്പുറത്തെ റോഡിലെ വാഹനത്തിലുണ്ടായിരുന്ന ഒരു സേന ഉദ്യോഗസ്ഥന്‍ വണ്ടിയില്‍ നിന്നിറങ്ങി വരികയും നിയമം ലംഘിച്ചതിന് ഇയാളെ ശകാരിക്കുകയും ചെയ്യുന്നത് കാണാം. ശകാരത്തിനൊപ്പം സ്‌കൂട്ടര്‍ യാത്രക്കാരന്റെ…

ബെംഗളൂരു : വനിതാ ഡോക്ടർമാരുടെ സുരക്ഷസംബന്ധിച്ച ആശങ്ക നിലനിൽക്കുന്നതിനിടെ സംസ്ഥാനത്തെ എല്ലാ മെഡിക്കൽ കോളേജുകളിലും സൂപ്പർ സ്പെഷ്യാലിറ്റി ആശുപത്രികളിലും ഹോസ്റ്റലുകളിലും സുരക്ഷ വർധിപ്പിക്കാനൊരുങ്ങി സംസ്ഥാനസർക്കാർ. ഇവിടങ്ങളിൽ കൂടുതൽ സി.സി.ടി.വി. ക്യാമറകൾ, തെരുവുവിളക്കുകൾ എന്നിവ സ്ഥാപിക്കുകയും പരിശീലനംലഭിച്ച സുരക്ഷാ ഉദ്യോഗസ്ഥരെ നിയോഗിക്കുകയും ചെയ്യുമെന്ന് കർണാടക മെഡിക്കൽ വിദ്യാഭ്യാസ-നൈപുണ്യവികസന മന്ത്രി ഡോ. ശരൺ പ്രകാശ് പാട്ടീൽ അറിയിച്ചു. ബെംഗളൂരു മെഡിക്കൽ കോളേജ് ആൻഡ് റിസർച്ച് ഇൻസ്റ്റിറ്റ്യൂട്ടിൽ സുരക്ഷസംബന്ധിച്ച് ഉദ്യോഗസ്ഥരുമായി യോഗംചേർന്ന ശേഷമാണ് മന്ത്രി ഇക്കാര്യമറിയിച്ചത്. കൊൽക്കത്തയിൽ വനിതാഡോക്ടറെ ബലാത്സംഗംചെയ്ത്‌ കൊലപ്പെടുത്തിയ സംഭവത്തിന്റെ പശ്ചാത്തലത്തിൽ മെഡിക്കൽ സ്ഥാപനങ്ങളിലുടനീളം സുരക്ഷ…