ബെംഗളൂരു: ടിപ്പു സുല്ത്താന്റെ പ്രതിമയില് ചെരുപ്പ് മാലയിട്ട സംഭവത്തില് യുവാവ് അറസ്റ്റിൽ. 23കാരനായ അകാഷ് തല്വാറാണ് പിടിയിലായത്. സിസിടിവി ദൃശ്യങ്ങളുടെ അടിസ്ഥാനത്തില് നടത്തിയ അന്വേഷണത്തിലാണ് പ്രതിയെ പിടികൂടിയതെന്ന് പോലീസ് അറിയിച്ചു. സംഭവവുമായി ബന്ധപ്പെട്ട് മൂന്നുപേരെ പോലീസ് നേരത്തെ കസ്റ്റഡിയിലെടുത്തിരുന്നു. ജനുവരി 31ന് ടിപ്പുവിന്റെ പ്രതിമ അലങ്കോലമാക്കിയതില് പ്രദേശത്ത് സംഘര്ഷാവസ്ഥ നിലനിന്നിരുന്നു. സംഭവത്തെ അപലപിച്ച് നിരവധി പേര് ടിപ്പു സര്ക്കളില് പ്രതിഷേധം നടത്തിയിരുന്നു. അക്രമികളെ അറസ്റ്റ് ചെയ്യണമെന്നാവശ്യപ്പെട്ട് പ്രതിഷേധക്കാര് റോഡ് ഉപരോധിക്കുകയും ചെയ്തിരുന്നു.
Read Moreടിപ്പു സുൽത്താന്റെ പ്രതിമയിൽ ചെരുപ്പ് മാലയിട്ട യുവാവ് അറസ്റ്റിൽ
