ബെംഗളൂരു : ഹാസനിലെ ജെ.ഡി.എസ്. നേതാവായ വ്യവസായിയെ അജ്ഞാതസംഘം കൊലപ്പെടുത്തി. ഹസനിൽ ഗ്രാനൈറ്റ് ഫാക്ടറി നടത്തുന്ന കൃഷ്ണഗൗഡയാണ് (55) കൊല്ലപ്പെട്ടത്. ഫാക്ടറിക്ക് മുന്നിൽ ബുധനാഴ്ച ഉച്ചയ്ക്കായിരുന്നു സംഭവം. കാറിലെത്തിയ നാലംഗസംഘം കൈയിൽ കരുതിയ ആയുധമുപയോഗിച്ച് കൃഷ്ണഗൗഡയെ ആക്രമിക്കുകയായിരുന്നെന്ന് പോലീസ് പറഞ്ഞു. തുടർന്ന് അക്രമികൾ കാറിൽ രക്ഷപ്പെട്ടു. ജെ.ഡി.എസ്. എം.എൽ.എ.യും മുൻ മന്ത്രിയുമായ എച്ച്.ഡി. രേവണ്ണയുടെ അടുത്തസുഹൃത്താണ് കൃഷ്ണഗൗഡ. ഹാസൻ സിറ്റി മുനിസിപ്പൽ കൗൺസിലിലേക്ക് മത്സരിച്ചിട്ടുണ്ട്. ഹാസൻ എം.എൽ.എ.യും ജെ.ഡി.എസ്. നേതാവുമായ സ്വരൂപ് പ്രകാശ് സംഭവസ്ഥലത്തെത്തി. ജില്ലാ പോലീസ് മേധാവി ഹരിറാം ശങ്കർ അന്വേഷണം നടത്തി.
Read Moreവ്യവസായിയെ അജ്ഞാതസംഘം കൊലപ്പെടുത്തി
