ബെംഗളൂരു: മെയ് 10 ബുധനാഴ്ച നടക്കുന്ന നിയമസഭാ തിരഞ്ഞെടുപ്പിൽ വോട്ട് ചെയ്യാത്ത യോഗ്യരായ വോട്ടർമാർക്ക് കർണാടകയിലെ മാണ്ഡ്യ ജില്ലയിൽ വിനോദസഞ്ചാര കേന്ദ്രങ്ങളിലേക്കുള്ള പ്രവേശനം വിലക്കും. വോട്ടർമാരുടെ എണ്ണം വർധിപ്പിക്കേണ്ടതിന്റെ ആവശ്യകതയെക്കുറിച്ച് ബോധവൽക്കരണം നടത്തുന്നതിനായാണ് മണ്ഡ്യ ഡെപ്യൂട്ടി കമ്മീഷണർ എച്ച്എൻ ഗോപാലകൃഷ്ണയാണ് ഉത്തരവ് പുറപ്പെടുവിച്ചത്. മെയ് 10 പൊതു അവധി ദിവസമായതിനാൽ യോഗ്യരായ നിരവധി വോട്ടർമാർ വോട്ട് ചെയ്യുന്നതിനുപകരം വിനോദസഞ്ചാര കേന്ദ്രങ്ങൾ സന്ദർശിക്കാൻ തീരുമാനിച്ചേക്കാം എന്നതിനാലാണ് ജില്ല ഈ സവിശേഷ സമീപനം കൊണ്ടുവന്നത്.
കെആർഎസ് അണക്കെട്ട്, ബൃന്ദാവൻ ഗാർഡൻസ്, രംഗനത്തിട്ട് പക്ഷി സങ്കേതം എന്നിവയുൾപ്പെടെ നിരവധി ജനപ്രിയ സ്ഥലങ്ങളിൽ മെയ് 10 ന് രാവിലെ 6 മുതൽ വൈകുന്നേരം 6 വരെ നിരോധനം നടപ്പാക്കും. വോട്ടിംഗിന്റെ പ്രാധാന്യത്തെക്കുറിച്ച് അവബോധം സൃഷ്ടിക്കുന്നതിനും വോട്ടർമാരെ അവരുടെ ജനാധിപത്യ അവകാശങ്ങൾ വിനിയോഗിക്കാൻ പ്രോത്സാഹിപ്പിക്കുന്നതിനുമാണ് ഈ നീക്കം.
കർണാടക സംസ്ഥാന ടൂറിസം ഡെവലപ്‌മെന്റ് കോർപ്പറേഷൻ വോട്ടർമാരെ പ്രോത്സാഹിപ്പിക്കുന്നതിനായി സംസ്ഥാനത്തുടനീളമുള്ള കോർപ്പറേഷന്റെ ഉടമസ്ഥതയിലുള്ള മയൂര ഹോട്ടലുകളിൽ താമസിക്കുന്നതിന് 50% പ്രത്യേക കിഴിവും വാഗ്ദാനം ചെയ്യുന്നു. ഈ ഓഫർ പ്രയോജനപ്പെടുത്തുന്നതിന് യോഗ്യരായ വോട്ടർമാർ വരാനിരിക്കുന്ന അസംബ്ലി പൊതുതെരഞ്ഞെടുപ്പിൽ വോട്ട് ചെയ്യണം പ്രസ്താവനയിൽ പറയുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
