Month: August 2022

തിരുവനന്തപുരം: കണ്ണൂർ സർവകലാശാലയിൽ അസോസിയേറ്റ് പ്രൊഫസർ തസ്തികയിൽ പ്രിയ വര്‍ഗ്ഗീസിന് ഒന്നാം റാങ്ക് നൽകിയതിനെതിരായ പരാതിയിൽ ഗവർണർ ഇന്ന് തീരുമാനമെടുക്കും. യു.ജി.സി മാനദണ്ഡപ്രകാരമുള്ള യോഗ്യതയില്ലെന്ന ആരോപണത്തെ തുടർന്ന് പ്രിയ വർഗീസിന് ഒന്നാം റാങ്ക് നൽകിയതിൽ വൈസ് ചാൻസലർ വിശദീകരണം നൽകിയിരുന്നു. സേവ് യൂണിവേഴ്സിറ്റി ഫോറം നൽകിയ പരാതി പരിഗണിച്ചാണ് മുഖ്യമന്ത്രിയുടെ പ്രൈവറ്റ് സെക്രട്ടറി കെ കെ രാഗേഷിന്‍റെ ഭാര്യ പ്രിയ വർഗീസിന്‍റെ നിയമനത്തിൽ ഗവർണർ ഇടപെട്ടത്. അസോസിയേറ്റ് പ്രൊഫസർ നിയമനത്തിനുള്ള അഭിമുഖത്തിൻ്റെ റാങ്ക് ലിസ്റ്റ് പ്രസിദ്ധീകരിച്ചപ്പോൾ പ്രിയ വർഗീസിന് ഒന്നാം റാങ്ക് നൽകി. ഇതിന്‍റെ…

പാലക്കാട് മരുതറോഡിൽ സിപിഎം ലോക്കൽ കമ്മിറ്റി അംഗം ഷാജഹാനെ കൊലപ്പെടുത്തിയ സംഭവത്തിൽ മുഖ്യമന്ത്രി പിണറായി വിജയനെപ്പോലെ കോൺഗ്രസും ശക്തമായി അപലപിക്കുന്നുവെന്ന് കെപിസിസി പ്രസിഡന്‍റ് കെ.സുധാകരൻ. “അഴിമതി ആരോപണങ്ങളിൽ നിന്ന് രക്ഷപ്പെടാൻ സിപിഎം ഒരു രക്തസാക്ഷിയെ ഉണ്ടാക്കുമെന്ന് ഞങ്ങൾക്ക് ഉറപ്പായിരുന്നു. നിർഭാഗ്യവശാൽ സിപിഎം പ്രവർത്തകർ തന്നെയാണ് കൊലയ്ക്ക് പിന്നിലെന്ന് പറയാൻ ഇത്തവണ അവിടെയൊരു ദൃക്സാക്ഷി ഉണ്ടായിപ്പോയി. ഈ കൊലപാതകത്തിൽ ആർഎസ്എസിനെതിരെ കോൺഗ്രസ് സംസാരിക്കുന്നില്ലെന്നാണ് സിപിഐ(എം) പരാതി. ആർഎസ്എസ് ആണ് ഈ കൊലപാതകം നടത്തിയതെങ്കിൽ അത് പറയേണ്ടത് സിപിഎമ്മാണ്. കൊലപാതകത്തെ തുടർന്ന് സിപിഎം പ്രസിദ്ധീകരിച്ച ഫേസ്ബുക്ക് പോസ്റ്റിൽ…

തിരുവനന്തപുരം: ലോകായുക്ത ഭേദഗതി ഓർഡിനൻസിനെതിരെ സി.പി.ഐ. ഈ രൂപത്തിൽ ബിൽ അവതരിപ്പിക്കുന്നതിനെ അനുകൂലിക്കുന്നില്ലെന്ന് മന്ത്രിസഭാ യോഗത്തിൽ സി.പി.ഐ മന്ത്രിമാർ നിലപാടെടുത്തു. വിഷയം ചർച്ച ചെയ്യുമെന്നും മുഖ്യമന്ത്രി പറഞ്ഞു. സർക്കാർ തലത്തിൽ പരിഹാരമുണ്ടായില്ലെങ്കിൽ നിയമസഭയിൽ ബിൽ അവതരിപ്പിക്കുമ്പോൾ ഭേദഗതി കൊണ്ടുവരാനാണ് സി.പി.ഐ ആലോചിക്കുന്നത്. ലോകായുക്തയുടെ തീരുമാനത്തെ തള്ളിക്കളയാൻ സർക്കാരിന് അധികാരം നൽകുന്നതിനു പകരം സ്വതന്ത്ര സ്വഭാവമുള്ള ഉന്നതാധികാര സമിതിയുടെ തീരുമാനത്തിന് വിടണമെന്നാണ് സി.പി.ഐയുടെ നിർദേശം. അഴിമതിക്കെതിരെ ഫലപ്രദമായ സംവിധാനമായ ലോകായുക്തയുടെ അധികാരങ്ങളെ ദുർബലപ്പെടുത്തുന്ന നിലപാട് സ്വീകരിക്കാൻ കഴിയില്ലെന്നാണ് സി.പി.ഐ പറയുന്നത്. സ്വതന്ത്ര സ്വഭാവമുള്ള സമിതിയുടെ കാര്യത്തിൽ…

ചെന്നൈ: ചലച്ചിത്ര നിരൂപകനും എന്റർടെയ്ൻമെന്റ് ട്രാക്കറുമായ കൗശിക് എൽ എം (35) അന്തരിച്ചു. ഉറങ്ങുമ്പോഴുള്ള ഹൃദയാഘാതമാണ് മരണകാരണമെന്ന് ദേശീയ മാധ്യമങ്ങൾ റിപ്പോർട്ട് ചെയ്തു. ഗലാട്ട ചാനലിന്‍റെ അവതാരകനായി പ്രവർത്തിച്ച കൗശിക് സോഷ്യൽ മീഡിയയിൽ സജീവമാകുകയും സിനിമാതാരങ്ങൾക്കിടയിൽ ശ്രദ്ധ നേടുകയും ചെയ്തു. സിനിമാ മേഖലയിൽ നിന്നുള്ള നിരവധി പേർ അദ്ദേഹത്തിന് ആദരാഞ്ജലികൾ അർപ്പിച്ചു. ശരിക്കും ഹൃദയഭേദകം എന്നാണ് ദുൽഖർ സൽമാൻ ട്വീറ്റ് ചെയ്തത്. ഇത് സത്യമാകരുതെന്ന് ആഗ്രഹിക്കുന്നു. അദ്ദേഹത്തിന്റെ കുടുംബം ഏതവസ്ഥയിലൂടെയാണ് കടന്നുപോകുന്നതെന്ന് ചിന്തിക്കാനാവുന്നില്ലെന്നും ദുൽഖർ എഴുതി.

കൊച്ചി: ഓണ്‍ലൈന്‍ പുക പരിശോധനാ സംവിധാനത്തിൽ പ്രവേശിച്ച വ്യാജൻമാരെ തുരത്താൻ മോട്ടോർ വാഹന വകുപ്പിന് കഴിയുന്നില്ല. എറണാകുളത്ത് പിടിച്ചെടുത്ത വ്യാജ സോഫ്റ്റ് വെയറിന്‍റെ ഉറവിടം കണ്ടെത്താൻ സൈബർ പൊലീസിന്‍റെ സഹായം തേടും. സംസ്ഥാന വ്യാപകമായി പരിശോധന നടത്തിയെങ്കിലും സാങ്കേതിക പരിമിതികൾ കാരണം ക്രമക്കേടുകൾ കണ്ടെത്താനായില്ല. എറണാകുളത്ത് പരിശോധനയ്ക്കായി കൊണ്ടുവരാത്ത വാഹനത്തിന്‍റെ ചിത്രവും കൃത്രിമ ഫലവും അടങ്ങിയ പുക പരിശോധനാ സർട്ടിഫിക്കറ്റുകൾ നൽകി. വാഹന എമിഷൻ പരിശോധനാ കേന്ദ്രങ്ങളിലെ യന്ത്രങ്ങളുടെ കൃത്യത പരിശോധിക്കാൻ മോട്ടോർ വാഹന വകുപ്പിന് സംവിധാനമില്ല. വ്യത്യസ്ത മെഷീനുകളിൽ നിങ്ങൾ ഒരു വാഹനം…