ബെംഗളൂരു: കർണാടകയിലെ കോലാര്‍ ജില്ലയിൽ വരണ്ടുണങ്ങിയ പിച്ചഗുണ്ട്ലഹള്ളി ഗ്രാമത്തിന് പുതിയ മുഖം നല്‍കിയിരിക്കുകയാണ് 35 പേരടങ്ങുന്ന വനിതാ സംഘം.
ആരോഹണ ഗ്രാമീണ അഭിവൃദ്ധി സമസ്തേ എന്ന എന്‍ജിഒ യുടെ സഹായത്തോടെയായിരുന്നു പ്രവര്‍ത്തനങ്ങള്‍. ഗ്രാമത്തിലെ ഹൊസകെരെ, ഗോട്ടക്കരെ തടാകങ്ങളിലെ ചെളി നീക്കിയാണ് ഇവര്‍ മാതൃകയായത്.
കര്‍ഷകര്‍ക്ക് ഈ വര്‍ഷം നെല്‍ക്കൃഷിക്ക് ആവശ്യമായ വെള്ളം ഉറപ്പാക്കുകയും ഭൂഗര്‍ഭജലവിതാനം മെച്ചപ്പെടുത്തുകയും ചെയ്യുകയാണ് പ്രവർത്തിയുടെ ലക്ഷ്യം. എന്‍ജിഒ സെക്രട്ടറി എസ് ആശയാണ് ഗ്രാമീണര്‍ക്കു മുന്നില്‍ ഈ ആശയം നിര്‍ദേശിച്ചത്. ഗ്രാമവാസികള്‍ നിര്‍ദേശത്തെ ഏറെ ഗൗരവത്തോടെ തന്നെ ഇരുകയ്യും നീട്ടി സ്വീകരിച്ചു. വൃത്തിയാക്കല്‍ യജ്ഞത്തില്‍ പങ്കെടുത്തവര്‍ക്കെല്ലാം വേതനവും നല്‍കിയതോടെ ഇരട്ടി സന്തോഷമായി. റോട്ടറി ലേക്‌സൈഡ്, കോലാര്‍, ബെംഗളൂരു ബ്രാഞ്ചുകള്‍, ഐഐഐടി ബെംഗളൂരു എന്നിവരുടെ പിന്തുണയും ഉണ്ടായിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
