ബെംഗളൂരു : കോവിഡ് -19 നിയന്ത്രണങ്ങളുടെ ഭാഗമായി ഡിസംബർ 28 നും ജനുവരി 4 നും ഇടയിൽ രാത്രി 10 മുതൽ പുലർച്ചെ 5 വരെ ഏർപ്പെടുത്തിയ രാത്രി കർഫ്യൂവിൽ ബെംഗളൂരു ട്രാഫിക് പോലീസ് 349 വാഹനങ്ങൾ പിടിച്ചെടുത്തു.
305 ഇരുചക്ര വാഹനങ്ങളും 11 മുച്ചക്ര വാഹനങ്ങളും 18 ഫോർ വീലറുകളും പോലീസ് പിടിച്ചെടുത്തു. ബെംഗളൂരു സെൻട്രൽ ഡിവിഷൻ പോലീസ് 143 വാഹനങ്ങളും വെസ്റ്റ് ഡിവിഷൻ 113 വാഹനങ്ങളും നോർത്ത്-ഈസ്റ്റ് ഡിവിഷൻ 79 വാഹനങ്ങളും നോർത്ത് ഡിവിഷൻ 13 വാഹനങ്ങളും സൗത്ത് ഈസ്റ്റ് ഡിവിഷൻ ഒരു വാഹനവും പിടിച്ചെടുത്തു. അതേസമയം, ഈസ്റ്റ്, സൗത്ത്, വൈറ്റ്ഫീൽഡ് ഡിവിഷനുകൾ രാത്രികാല കർഫ്യൂ കാലയളവിൽ ഇതുവരെ വാഹനങ്ങളൊന്നും പിടിച്ചെടുത്തിട്ടില്ല.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
