ബെംഗളൂരു: എല്ലാ സർക്കാർ സേവനങ്ങളിലും ട്രാൻസ്ജൻഡേർസ് വിഭാഗത്തിൽ പെട്ടവർക്ക് 1% സംവരണം നൽകുന്ന രാജ്യത്തെ ആദ്യത്തെ സംസ്ഥാനമായി കർണാടക മാറി. 1977 ൽ കർണാടക സിവിൽ സർവീസ് (ജനറൽ റിക്രൂട്ട്മെന്റ്) ചട്ടം ഭേദഗതി ചെയ്തതിനുശേഷം ഈ വിഷയത്തിൽ ഒരു വിജ്ഞാപനം പുറപ്പെടുവിച്ചിട്ടുണ്ടെന്ന് വ്യക്തമാക്കി സർക്കാർ ഹൈക്കോടതിയിൽ റിപ്പോർട്ട് സമർപ്പിച്ചു. ജൂലൈ 6 ന് പുറപ്പെടുവിച്ച അന്തിമ വിജ്ഞാപനത്തിൽ എല്ലാ സർക്കാർ വകുപ്പുകളിലും 1% റിസർവേഷൻ ട്രാൻസ്ജൻഡേർസ് വിഭാഗത്തിൽ പെട്ടവർക്കായി മാറ്റിവെച്ചു. അതുപോലെ ട്രാൻസ്ജൻഡേർസ് വിഭാഗത്തിൽ പെട്ട പട്ടികജാതി, പട്ടികവർഗ്ഗ മറ്റ് പിന്നോക്ക വിഭാഗങ്ങൾ കമ്മ്യൂണിറ്റികൾക്കുള്ള തൊഴിൽ ക്വാട്ടയ്ക്കുള്ളിൽ, പൊതു വിഭാഗത്തിൽ, 1% ജോലികൾ ട്രാൻസ്ജൻഡേർസ് വിഭാഗത്തിൽ പെട്ട ആളുകൾക്കായി നീക്കിവയ്ക്കും.
സർക്കാർ ജോലികൾക്കായി അപേക്ഷ ക്ഷണിച്ച് ഒരു വിജ്ഞാപനം പ്രസിദ്ധീകരിക്കുമ്പോഴെല്ലാം, പുരുഷ-സ്ത്രീ നിരകൾക്കൊപ്പം ‘മറ്റുള്ളവ’ നിരയും ചേർക്കേണ്ടതാണ്, ഭേദഗതിയിൽ പറയുന്നു. തിരഞ്ഞെടുക്കൽ പ്രക്രിയയിൽ ട്രാൻ‌സ്‌പെർ‌സണുകളോട് വിവേചനം ഉണ്ടാകരുതെന്നും വിജ്ഞാപനം അടിവരയിടുന്നു.
‘സംഗമ’ എന്ന എൻ‌ജി‌ഒ കർണാടക ഹൈക്കോടതിയിൽ പൊതുതാൽപര്യ ഹരജി നൽകിയതിന്റെ അടിസ്ഥാനത്തിൽ ചീഫ് ജസ്റ്റിസ് എ എസ് ഓക്കയുടെ നേതൃത്വത്തിലുള്ള ഹൈക്കോടതി ഡിവിഷണൽ ബെഞ്ച് ചൊവ്വാഴ്ച കേസ് പരിഗണിച്ചു. നിലവിലുള്ള നിയമത്തിൽ ഭേദഗതി വരുത്തി സർക്കാർ നിയമനങ്ങളിൽ 1% തിരശ്ചീന സംവരണം ട്രാൻസ്ജൻഡേർസ് വിഭാഗത്തിൽ പെട്ട ആളുകൾക്ക് സർക്കാർ നൽകിയിട്ടുണ്ടെന്ന് സർക്കാരിനു വേണ്ടി ഹാജരായ പബ്ലിക് പ്രോസിക്യൂട്ടർ വിജയ് കുമാർ പാട്ടീൽ ബെഞ്ചിനെ അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
