Day: 12 February 2021

ബെംഗളൂരു: നിലവിലുള്ള ബാധ്യതകൾ നികത്തുന്നതിനായി ബൃഹത് ബെംഗളൂരു മെട്രോ ട്രാൻസ്പോർട്ട് കോർപ്പറേഷൻ, 2010 ൽ നിർമ്മിച്ച ശാന്തിനഗർ ട്രാഫിക് മാനേജ്മെന്റ് സെന്റർ പണയപ്പെടുത്തി 160 കോടി വായ്പ എടുത്തു. വിവരാവകാശ നിയമപ്രകാരം നൽകിയ അപേക്ഷയിൽ മറുപടിയായാണ് ഇക്കാര്യം വെളിപ്പെടുത്തിയത്. കാനറ ബാങ്ക് ആണ് വായ്പ നൽകിയിരിക്കുന്നത്. പ്രതിമാസ പലിശയായി ഒരു കോടി 40 ലക്ഷം രൂപയാണ് ബിഎംടിസി കനറാബാങ്കിന് നൽകിക്കൊണ്ടിരിക്കുന്നത്. മഹാമാരി വ്യാപനത്തെ തുടർന്ന് ഗണ്യമായി വരുമാനക്കുറവ് വന്നതിനാൽ തൊഴിലാളികൾക്ക് ശമ്പളം നൽകുന്നതിൽ പോലും ബിഎംടിസി ബുദ്ധിമുട്ടിയിരുന്നു.

ബെംഗളൂരു: മദ്രസ വിദ്യാർത്ഥികൾക്ക് പ്രത്യേക പാഠ്യവിഷയങ്ങൾ ഉൾപ്പെടുത്തി എസ്എസ്എൽസിക്ക് തത്തുല്യമായ യോഗ്യതാ സർട്ടിഫിക്കറ്റ് വിതരണം ചെയ്യുന്ന പദ്ധതി കർണാടക സർക്കാർ പരിഗണിക്കുന്നു. സാമാന്യമായ മറ്റു പാഠ്യവിഷയങ്ങൾ ഇല്ലാത്തതുകൊണ്ട് നിലവിൽ മദ്രസ വിദ്യാർഥികൾക്ക് മത പഠനങ്ങൾ മാത്രമാണ് സാധിക്കുന്നത്. അതുകൊണ്ടുതന്നെ ഇവരുടെ പഠനം മതകാര്യങ്ങളിൽ മാത്രം ഒതുങ്ങുന്നു. തുടർവിദ്യാഭ്യാസം സാധ്യമാകുന്നില്ല. മദ്രസ വിദ്യാർഥികൾക്ക് തുല്യതാ സർട്ടിഫിക്കറ്റ് നൽകുന്നതോടെ മുറപ്രകാരം ഉള്ള തുടർ വിദ്യാഭ്യാസത്തിന് വഴിതെളിയും. മദ്രസയിൽ നിന്നും സർട്ടിഫിക്കറ്റുകൾ നേടുന്ന വിദ്യാർത്ഥികൾക്ക് പി യുവിന് പ്രവേശനാനുമതി നൽകുന്ന തരത്തിൽ പുതിയ നിയമ ഭേദഗതിയും ഇതോടൊപ്പം ഉണ്ടാകും.…

ബെംഗളൂരു: മൈസൂരുവിൽ യുവാവിനെ വീട്ടിൽ കയറി കൊലപ്പെടുത്തിയ കേസിലെ പ്രതിയെ കൊല്ലത്തു നിന്ന് അറസ്റ്റ് ചെയ്ത് പോലീസ്. എൻ ആർ പോലീസ് ഇൻസ്പെക്ടർ അസറുദ്ദീൻ്റെ നേതൃത്വത്തിലുള്ള സംഘമാണ് കുരിമണ്ഡിയിലെ ജനറം എബ്ലോക്ക് ഹൗസിങ് കോളനി നിവാസിയായ രവിയെ കൊലപ്പെടുത്തിയ കേസിലെ പ്രതിയായ കുരിമണ്ഡി നിവാസി വിനയ് (28) നെ അറസ്റ്റ് ചെയ്തത്. സാമ്പത്തിക പ്രശ്നത്തെ ചൊല്ലി വിനയും സുഹൃത്തായ രവിയും മുൻപ് ഇടഞ്ഞിരുന്നു. സുഹൃത്തുക്കളായ അപ്പു, നിഖിൽ എന്നിവരുടെ സഹായത്തോടെ ഡിസംബർ 13ന് രവിയെ ശ്വാസം മുട്ടിച്ച് കൊലപ്പെടുത്തുകയായിരുന്ന.അപ്പുവും നിഖിലും മുൻപ് തന്നെ പിടിയിലായിരുന്നു.