Month: July 2020

ബെംഗളൂരു : കലക്ടറും മലയാളിയുമായ അഭിറാം.ജി.ശങ്കർ താൻ കോവിഡ് പോ സിറ്റീവാണെന്ന സ്രവപരിശോധനാ റിപ്പോർട്ട് കണ്ട് അത്ഭുതപ്പെട്ടു. പരിശോധനക്ക് സാംപിൾ നൽകിയിട്ടില്ലാത്ത കലക്ടർക്ക് ആദ്യം സംഭവമെന്തെന്നു വ്യക്തമായില്ല. തുടർന്നുളള അന്വേഷണത്തിലാണ് കോവിഡ് ഫലത്തിന്റെ സത്യം അറിയുന്നത്. ഹെബ്ബാളിൽ നിന്നുള യുവാവ് സ്രവപരിശോധനയ്ക്കു സാംപിൾ നൽകിയപ്പോൾ കൈമാറിയത് കലക്ടറുടെ ഫോൺ നമ്പർ ആണ്. മനഃപൂർവമാണോ തന്റെ നമ്പർ നൽകിയതെന്നു വ്യക്തമല്ലെന്നും ഇക്കാര്യം അന്വേഷിച്ചുവരികയാണെന്നും അഭിറാം പറഞ്ഞു.

ബെംഗളൂരു: ഇന്ത്യയുടെ തദ്ദേശീയ വെന്റിലേറ്റർ ‘സ്വസ്ത്‌വായു’ ബെംഗളൂരു മണിപ്പാൽ ആശുപത്രിയിൽ ഉടൻ പരീക്ഷണം നടത്തും. ശ്വാസകോശത്തിൽ കുഴൽ കടത്താതെ രോഗിക്ക് മുഖാവരണംവഴി ഓക്‌സിജൻ ലഭ്യമാക്കുന്ന ദൗത്യം ഏറ്റെടുത്തിട്ടുള്ളത് നഗരത്തിലെ നാഷണൽ എയറോസ്പേസ് ലാബോറട്ടറീസ്(എൻ.എ.എൽ.) ആണ്. രാജ്യത്തു നിർമിക്കുന്ന ആദ്യത്തെ നോൺ-ഇൻവേസീവ്(ശരീരത്തിനകത്തേക്ക് ഘടകങ്ങൾ കടത്താത്ത), പോർട്ടബിൾ  വെന്റിലേറ്ററാണ് ‘സ്വസ്ത്‌വായു’. മണിപ്പാൽ ആശുപത്രിയിലെ ശ്വാസകോശചികിത്സാവിദഗ്ധരായ ഡോ. അനുരാഗ് അഗർവാളിന്റെയും ഡോ. സത്യനാരായണയുടെയും നിർദേശങ്ങൾ സ്വീകരിച്ചാണിതു വികസിപ്പിച്ചത്. ‘സ്വസ്ത്‌വായു’ വെന്റിലേറ്റർ വൈറസ് വ്യാപനം കുറയ്ക്കുന്നതിൽ നിർണായകപങ്കുവഹിക്കുമെന്നും ഓക്‌സിജൻ കോൺസെൻട്രേറ്ററിലേക്ക് പുറമേക്കൂടി ബന്ധിപ്പിക്കാൻ ഇതിൽ പ്രത്യേകസംവിധാനമുണ്ടെന്നും ഡോ. സത്യനാരായണ പറഞ്ഞു. കോവിഡ്…

ബെംഗളൂരു : സ്രവ സാമ്പിളുകൾ പരിശോധിച്ചതിന് ശേഷം 7 മണിക്കൂറിനുള്ളിൽ പരിശോധനാ ഫലം ലഭ്യമാക്കണമെന്ന് ജില്ലാ ഭരണകൂടങ്ങൾക്ക് നിർദ്ദേശം, ചീഫ് സെക്രട്ടറിയുടെ ഉത്തരവ് പുറത്തിറങ്ങി. സ്രവം ശേഖരിച്ചശേഷം പരമാവധി 24 മണിക്കൂറിനുള്ളിൽ ലാബിലെത്തിക്കണമെന്നാണ് പുതിയ നിർദേശം. സ്രവം ശേഖരിച്ചയാൾക്ക് ഒരോഘട്ടത്തിലും ഇതുസംബന്ധിച്ച മൊബൈൽ സന്ദേശം അയയ്ക്കണം. 72 മണിക്കൂറിനുള്ളിൽ ഫലവും ലഭ്യമാക്കണം. സ്രവപരിശോധനാഫലം വരുന്നതുവരെയുള്ള വിവിധ ഘട്ടങ്ങൾ ആരോഗ്യവകുപ്പിന്റെ പോർട്ടലിൽ ചേർക്കുകയും വേണം. വിവരങ്ങൾ കംപ്യൂട്ടറിൽ ചേർക്കുന്നതിനും രോഗികൾക്കും അത്യാവശ്യ വിവരങ്ങൾ ശേഖരിക്കുന്നതിലും അതാത് ജില്ലാ ഭരണകൂടങ്ങൾക്ക് ആവശ്യമെങ്കിൽ പ്രത്യേകം ജീവനക്കാരെ നിയമിക്കാനും അനുമതിയുണ്ട്.

ബെംഗളൂരു: സംസ്ഥാനത്തെ വനംമന്ത്രി ആനന്ദ് സിങ്ങിന് കോവിഡ് 19 സ്ഥിരീകരിച്ചു. ബെല്ലാരി ജില്ലയിലുള്ള സ്വന്തം വീട്ടിലാണ് കോവിഡ് സ്ഥിരീകരിച്ച മന്ത്രി ആനന്ദ് സിങ് ഇപ്പോഴുള്ളതെന്ന് വാർത്താ ഏജൻസി റിപ്പോർട്ടു ചെയ്തു. ചെറിയ ചുമ മാത്രമാണ് നിലവിൽ അദ്ദേഹത്തിനുള്ളതെന്നാണ് വിവരം. വീട്ടിൽതന്നെ കഴിയണോ ചികിത്സയ്ക്കായി ബെംഗളൂരുവിലേക്ക് പോകണോ എന്നകാര്യം മന്ത്രി തീരുമാനിച്ചിട്ടില്ല. മന്ത്രിയുടെ ഡ്രൈവർക്ക് നേരത്തെ കോവിഡ് സ്ഥിരീകരിച്ചിരുന്നു. കർണാടകയിൽ കോവിഡ് സ്ഥിരീകരിക്കുന്ന രണ്ടാമത്തെ മന്ത്രിയാണ് ആനന്ദ് സിങ്. ടൂറിസം മന്ത്രി സി. ടി രവിക്ക് നേരത്തെ വൈറസ് ബാധ കണ്ടെത്തിയിരുന്നു.