Year: 2019

ബെംഗളൂരു: നഗരത്തിൽ ഉള്ളിവില 200-ൽ എത്തി. മികച്ച ഗുണമേന്മയുള്ള ഉള്ളിക്ക് 200 രൂപയാണ് ഞായറാഴ്ച നഗരത്തിലെ ഹൈപ്പർ മാർക്കറ്റുകളിൽ ഈടാക്കിയത്. ചെറുകിട കച്ചവടകേന്ദ്രങ്ങളിൽ 140 മുതലാണ് വിൽപ്പന. എന്നാൽ ഇവയ്ക്ക് മതിയായ ഗുണനിലവാരമില്ലെന്നാണ് പരാതി. പൂഴ്ത്തിവെപ്പിനെത്തുടർന്നാണ് വില കുത്തനെ കൂടിയതെന്ന സംശയത്തെത്തുടർന്ന് കഴിഞ്ഞദിവസം സ്വകാര്യ സംഭരണകേന്ദ്രങ്ങളിലും കച്ചവടകേന്ദ്രങ്ങളിലും അഴിമതി വിരുദ്ധ ബ്യൂറോ പരിശോധന നടത്തിയിരുന്നു. എന്നാൽ നിയമവിരുദ്ധ പ്രവർത്തനങ്ങളൊന്നും കണ്ടെത്താൻ കഴിഞ്ഞില്ല. ദിവസം 1.39 ലക്ഷം ടൺ ഉള്ളി നഗരത്തിലെത്തിയിരുന്ന സ്ഥാനത്ത് നിലവിൽ 36,000 ടണ്ണാണ് എത്തുന്നത്. വടക്കൻ കർണാടകയിൽനിന്നും മഹാരാഷ്ട്രയിൽ നിന്നുമുള്ള ഉള്ളിവരവ്…

ബെംഗളൂരു : നമ്മ മെട്രോ ട്രെയിനുകളിൽ രാത്രി 10ന് ശേഷം വനിതാ സുരക്ഷാ ഗാർഡുകളുടെ സേവനം ലഭ്യമാക്കിയതായി ബാംഗ്ലൂർ മെട്രോ റെയിൽ കോർപ്പറേഷൻ ലിമിറ്റഡ്. സ്ത്രീ സുരക്ഷയ്ക്ക് പ്രാധാന്യം നൽകിയാണ് 10 മുതൽ അവസാന ട്രിപ്പ് പുറപ്പെടുന്ന 11വരെ ലേഡീസ് കോച്ചുകളിൽ വനിതാ സുരക്ഷാ ഗാർഡുകൾ നിയോഗിച്ചിരിക്കുന്നത്. 6 കോച്ച് ട്രെയിനുകളിൽ ആദ്യത്തെ കോച്ചാണ് സ്ത്രീകൾക്കായി മാറ്റിവെച്ചിരിക്കുന്നത്. പലപ്പോഴും രാത്രി വനിതാ കോച്ചുകളിൽ സ്ത്രീ യാത്രക്കാർ കുറവായതിനാൽ പുരുഷന്മാർ കയറുന്നതായുള്ള പരാതികൾ ലഭിച്ചതിനെ തുടർന്നാണ് പ്രത്യേക സുരക്ഷ.

ബെംഗളൂരു: സമാന്തരമായി രണ്ടു റൺവേകളുള്ള ആദ്യ വിമാനത്താവളമായി ബെംഗളൂരു വിമാനത്താവളം. കെംപെഗൗഡ  അന്താരാഷ്ട്ര വിമാനത്താവളത്തിലെ രണ്ടാം റൺവേ പ്രവർത്തനം തുടങ്ങി. ബെംഗളൂരുവിൽനിന്ന് ഹൈദരാബാദിലേക്കുള്ള ഇൻഡിഗോ വിമാനമാണ് വെള്ളിയാഴ്ച വൈകീട്ട് 4.37-ന് പുതിയ റൺവേയിൽനിന്ന് ആദ്യമായി പറന്നുയർന്നത്. രണ്ടാമത്തെ റൺവേ പ്രവർത്തനസജ്ജമായതോടെ വിമാനത്താവളത്തിൽ ഒരേസമയം രണ്ടുവിമാനങ്ങൾക്ക് പറന്നുയരാനും ഇറങ്ങാനും കഴിയുമെന്നും ഇത് ചരിത്ര ദിനമാണെന്നും സി.ഇ.ഒ. ഹരിമാരാർ പറഞ്ഞു. ആദ്യഘട്ടത്തിൽ തെളിഞ്ഞ കാഴ്ചയുള്ളപ്പോൾ മാത്രം വിമാനമിറക്കാനുള്ള അനുമതിയാണ് ലഭിച്ചിട്ടുള്ളത്. മറ്റ് അനുമതികൾ ലഭിക്കുന്നതുവരെ ഭാഗികമായായിരിക്കും രണ്ടാം റൺവേയുടെ പ്രവർത്തനം. 4000 മീറ്റർ നീളവും 45 മീറ്റർ…

ബെംഗളൂരു: ഹൈദരാബാദിൽ വെറ്ററിനറി ഡോക്ടറെ പീഡിപ്പിച്ചു കൊലപ്പെടുത്തി മൃതദേഹം കത്തിച്ച കേസിലെ നാലുപ്രതികളെ വെടിവെച്ചുകൊന്ന സംഭവത്തിൽ പ്രതികരിച്ച് ബെംഗളൂരു സിറ്റി പോലീസ് കമ്മിഷണർ. ശരിയായതും സമയബന്ധിതവുമായ നടപടിയാണ് ഹൈദരാബാദ് പോലീസ് സ്വീകരിച്ചതെന്ന് ബെംഗളൂരു സിറ്റി പോലീസ് കമ്മിഷണർ ഭാസ്‌കർ റാവു പറഞ്ഞു. പോലീസിന്റെ മുന്നിലുണ്ടായ സാഹചര്യം പരിശോധിക്കുമ്പോൾ മറ്റു വഴിയില്ലെന്നും അദ്ദേഹം പറഞ്ഞു. പ്രതികൾ കസ്റ്റഡിയിൽനിന്ന് രക്ഷപ്പെട്ടിരുന്നെങ്കിൽ പോലീസ് കടുത്ത സമ്മർദത്തിലാകുമായിരുന്നു. പ്രതികൾ രക്ഷപ്പെടാൻ ശ്രമിച്ചപ്പോഴാണ് ശക്തമായ നടപടിയെടുക്കേണ്ടിവന്നത്. പ്രതികൾക്കുള്ള ശിക്ഷയല്ല, സ്വയം രക്ഷയ്ക്കായുള്ള നടപടിയാണെന്ന് പോലീസ് വ്യക്തമാക്കിയിട്ടുണ്ടെന്ന് അഡീഷണൽ പോലീസ് കമ്മിഷണർ ഹേമന്ത് നിബാൽക്കർ പറഞ്ഞു.…