ബെംഗളൂരു: ബെംഗളൂരുവിൽനിന്ന് കോയമ്പത്തൂരിലേക്കുള്ള യാത്രാമധ്യേ ദേശീയപാതയിൽ ഹൊസൂരിനടുത്ത് സൂളഗിരിയിലുണ്ടായ കാറപകടത്തിൽ രണ്ടുപേർ മരിച്ചു. സുഹൃത്തുക്കളായ അഞ്ചംഗ സംഘം സഞ്ചരിച്ച കാർ ലോറിയെ മറികടക്കുന്നതിനിടെ എതിർഭാഗത്തുനിന്ന് വന്ന ലോറിയിൽ ഇടിക്കുകയായിരുന്നു. മാർത്താണ്ഡം തക്കലെ സ്വദേശി എം.ബി. ഹരീഷ് (23), കമ്മനഹള്ളി കുള്ളപ്പ സർക്കിളിൽ താമസിക്കുന്ന പ്രഭു എന്നിവരാണ് മരിച്ചത്. ശനിയാഴ്ച രാത്രി 12ഓടെയാണ് സംഭവം. മൂന്നു പേർക്ക് പരിക്കേറ്റു. ഇവരെ ഹൊസൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ഒരാളുടെ നില ഗുരുതരമാണ്. മരിച്ച രണ്ടു പേരുടെയും മൃതദേഹം ഹൊസൂർ ഗവ. ആശുപത്രിയിലെ പോസ്റ്റുമോർട്ടത്തിന് ശേഷം ബംഗളൂരുവിലെത്തിച്ചു.
Read Moreബെംഗളൂരുവിൽനിന്ന് കോയമ്പത്തൂരിലേക്കുള്ള യാത്രാമധ്യേ കാർ ലോറിയിലിടിച്ച് രണ്ടുപേർ മരിച്ചു
