Day: 28 May 2019

ബെംഗളൂരു: നഗരത്തിലെ ജുഡീഷ്യല്‍ കോടതി വളപ്പിൽ പരിഭ്രാന്തി പരത്തി അത്യപൂര്‍വ്വ വെള്ളമൂര്‍ഖൻ!! അപൂര്‍വയിനം പാമ്പിനെ കണ്ടതും കോടതിവളപ്പില്‍ ആകെ ബഹളമായി. ഒടുവില്‍ പാമ്പു പിടുത്തക്കാരനെത്തിയാണ് പിടികൂടിയത്. പിടികൂടിയ പാമ്പിനെ പിന്നീട് നഗരത്തിന് പുറത്തുള്ള വനത്തില്‍ തുറന്നുവിട്ടു. സാധാരണ മൂര്‍ഖനില്‍ നിന്ന് വെള്ള മൂര്‍ഖന് നിറ വ്യത്യാസം ഉണ്ടെന്നല്ലാതെ മറ്റ് വ്യത്യാസങ്ങള്‍ ഒന്നുമില്ല. വിഷത്തിന്‍റെ കാര്യത്തിലും വെള്ള മൂര്‍ഖന്‍ മുന്നില്‍ത്തന്നെയാണ്.

ബെംഗളൂരു: കുമാരസ്വാമിയുടെ മകന്‍ നിഖിലിനെ ജെ ഡി എസ്സിന്റെ കോട്ടയില്‍ എതിര്‍ത്തു തോല്‍പ്പിച്ച ആത്മവിശ്വാസത്തില്‍ ആണ് റിബല്‍ സ്റ്റാറിന്റെ പത്നി സുമലത മുന്‍ മുഖ്യമന്ത്രിയും മുതിര്‍ന്ന നേതാവുമായ എസ് എസ് കൃഷ്ണയെ കാണാന്‍ വന്നത്. സ്വതന്ത്രയായി മത്സരിച്ച തന്നെ പിന്തുണച്ചതിന് ബിജെപിക്ക് നന്ദി പറയാനായി എസ്.എം കൃഷ്ണയുടെ വസതിയിൽ എത്തിയ സുമലത, പാർട്ടി സംസ്ഥാന അധ്യക്ഷൻ യെഡിയൂരപ്പയുമായും കൂടിക്കാഴ്ച നടത്തി. പാർലമെന്റിലേക്കു സ്വതന്ത്രയായി ജയിച്ചു കഴിഞ്ഞാൽ ഒരു രാഷ്ട്രീയ കക്ഷിയിൽ ചേരാൻ ഭരണഘടന അനുവദിക്കുന്നില്ലെന്നും പിന്തുണയ്ക്കുക മാത്രമേ പാടുള്ളൂ എന്നാണു താൻ മനസിലാക്കുന്നതെന്നും സുമലത…

ബെംഗളൂരു: നഗരജീവിതത്തെ ദുരിതത്തിലാക്കി തുടർച്ചയായി രണ്ടാംദിവസവും കനത്ത മഴ; മരക്കൊമ്പ് പൊട്ടിവീണ് ഒരു കുട്ടി മരിച്ചു. കനത്ത കാറ്റിൽ എം.ജി. റോഡിൽ മരക്കൊമ്പ് പൊട്ടിവീണ് ആന്ധ്രാസ്വദേശിയായ പന്ത്രണ്ടുകാരനാണ് മരിച്ചത്. നഗരത്തിലെ കൂലിവേലക്കാരായ രാജേഷിന്റെയും മഹാലക്ഷ്മിയുടെയും മകൻ മനോജാണ് മരിച്ചത്. എം.ജി. റോഡിലെ കെട്ടിടത്തിനുമുന്നിൽ ഇരിക്കുമ്പോഴാണ് ഉണങ്ങിയ മരക്കൊമ്പ് കുട്ടിയുടെ തലയിലേക്ക് പൊട്ടിവീണത്. മരക്കൊമ്പിനടിയിൽ അകപ്പെട്ട കുട്ടി വേദനകൊണ്ട് നിലവിളിക്കുകയായിരുന്നു. നിലവിളി കേട്ട് കുട്ടിയുടെ മാതാപിതാക്കളും സമീപത്തുണ്ടായിരുന്നവരും ഓടിയെത്തി ചോരവർന്നു കിടന്ന കുട്ടിയെ പുറത്തെടുത്തു. ഉടനെ തന്നെ സമീപത്തെ ഹോസ്‌മറ്റ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. സംഭവത്തിൽ കെട്ടിടത്തിന്റെ…