Month: May 2018

ബെംഗളൂരു ∙ വോട്ട് ചെയ്യാൻ പോയവരെ പണവും മദ്യവും സമ്മാനങ്ങളും നൽകി സ്വാധീനിക്കാൻ ശ്രമിച്ചതായും വ്യാപക പരാതി. മൂക്കുത്തികൾ നൽകി സ്ത്രീവോട്ടർമാരെ സ്വാധീനിക്കാൻ ശ്രമിച്ചതിനു കോലാർ റൂറൽ പൊലീസ് നാലുപേരെ അറസ്റ്റ് ചെയ്തു. പണം നൽകി വോട്ടർമാരെ സ്വാധീനിക്കാൻ ശ്രമിച്ചതിനു മാലൂരിലെ മസ്തിയിൽ ഒരാളെയും ബെംഗളൂരുവിലെ ശാന്തിനഗറിൽ‌ രണ്ടുപേരെയും അറസ്റ്റ് ചെയ്തു. ഗ്രാമീണമേഖലകളിൽ വ്യാപകമായി പണവും മദ്യവും വിതരണം ചെയ്തതായി ആക്ഷേപം ഉയർന്നിട്ടുണ്ട്. ബെംഗളൂരുവിൽ വോട്ട് ഒന്നിന് 500 രൂപ മുതൽ വിതരണം ചെയ്തതായി വിവിധ പാർട്ടികൾ ആരോപിക്കുന്നു. മുഖ്യമന്ത്രി സിദ്ധരാമയ്യയും ബിജെപി സ്ഥാനാർഥി…

ബെംഗളൂരു:നഗരപരിധിയില്‍ പോളിങ് കുറഞ്ഞു ബെംഗളൂരു നഗരപരിധിയിലെ മണ്ഡലങ്ങളിൽ (ബിബിഎംപി) പോളിങ്ങില്‍ വൻ ഇടിവ്. 2013ലെ തിരഞ്ഞെടുപ്പിൽ 57.33% വോട്ട് രേഖപ്പെടുത്തിയിരുന്നു. ഇക്കുറിയിത് 50 ശതമാനമായാണ് താഴ്ന്നത്. പോളിങ് ബുത്തുകളിലെ ആദ്യനിരകളിൽ സ്ഥാനം പിടിച്ചവരിൽ ഏറെയും മുതിർന്ന പൗരന്മാരായിരുന്നു. ഒൻപതു മണിക്ക് 11 ശതമാനമായിരുന്നു സംസ്ഥാനത്തെ പോളിങ് നില. രാവിലെ 11ന് 24% വോട്ടുകളും ഉച്ചയ്ക്ക് ഒന്നിന് 33.42%, മൂന്നിന് 52.40% വൈകിട്ട് അഞ്ചിന് 64.35% എന്നിങ്ങനെ പോളിങ് ഉയർന്നു.

ബെംഗളൂരു: വോട്ടെടുപ്പ് ദിനത്തിൽ ഇന്ദിരാ കന്റീനുകൾ തുറന്നില്ല. കന്റീനുകൾ പതിവ് പോലെ പ്രവർത്തിക്കുമെന്നാണ് ബിബിഎംപി അറിയിച്ചിരുന്നതെങ്കിലും തിരഞ്ഞെടുപ്പ് കമ്മിഷന്റെ നിർദേശത്തെ തുടർന്നാണ് കന്റീനുകൾ രാവിലെ അടച്ചിട്ടത്. ജീവനക്കാർക്ക് വോട്ട് ചെയ്യാനുള്ള സൗകര്യാർഥമാണ് കന്റീൻ തുറക്കാതിരുന്നതെന്നാണ് വിശദീകരണം. നഗരത്തിൽ 40 കന്റീനുകൾ ഉച്ചയ്ക്ക് തുറന്നത് ആശ്വാസകരമായി. പാവപ്പെട്ടവർക്ക് കുറഞ്ഞ നിരക്കിൽ ഭക്ഷണം നൽകാൻ സിദ്ധരാമയ്യ സർക്കാർ ആരംഭിച്ച ഇന്ദിരാകന്റീനുകൾ കോൺഗ്രസിന്റെ തിരഞ്ഞെടുപ്പ് പ്രചാരണങ്ങളിലും നിറഞ്ഞു നിന്നിരുന്നു. ബിബിഎംപി പരിധിയിലെ 198 വാർഡുകൾക്ക് പുറമെ ജില്ലാ ആസ്ഥാനങ്ങളിലും ഇന്ദിരാ കന്റീനുകൾ പ്രവർത്തിക്കുന്നുണ്ട്.