Day: 21 April 2018

ബെംഗളൂരു : നോട്ട് നിരോധനത്തിന്റെ ഓർമകളുമായി എടിഎമ്മുകളിൽ വീണ്ടും നീണ്ട ക്യൂ പ്രത്യക്ഷപ്പെടുന്നതിനിടെ, ബെളഗാവിയിൽ നിന്നു പിടിച്ചത് ഏഴു കോടി രൂപയുടെ വ്യാജനോട്ടുകൾ. സംഭവവുമായി ബന്ധപ്പെട്ട് അറസ്റ്റിലായ വിജയാപുര സ്വദേശി അജിത് കുമാർ നിഡോണിയെ വിശദമായി ചോദ്യം ചെയ്തു വരുന്നു. വിശ്വേശ്വരനഗർ പൊതുമരാമത്ത് വകുപ്പ് ക്വാർട്ടഴ്സിനു സമീപത്തെ വീട്ടിൽ ഇന്നലെ പുലർച്ചെ നടത്തിയ റെയ്ഡിൽ 500 രൂപയുടെ 23,500 നോട്ടുകളും രണ്ടായിരം രൂപയുടെ 29,300 നോട്ടുകളാണു പിടികൂടിയത്. വോട്ടർമാർക്കു വിതരണം ചെയ്യാൻ എത്തിച്ചതാണിതെന്നു പൊലീസ് സംശയിക്കുന്നു. കർണാടകയിൽ കഴിഞ്ഞ നാലു ദിവസങ്ങളായി പൊതുമേഖലാ ബാങ്കുകളുടേത്…

ബെംഗളൂരു : മേയ് 12ലെ പോളിങ്, കടുത്ത വേനൽച്ചൂട് കണക്കിലെടുത്ത് ഒരുമണിക്കൂർ കൂടി തിരഞ്ഞെടുപ്പു കമ്മിഷൻ നീട്ടി. രാവിലെ ഏഴുമുതൽ വൈകിട്ട് ആറുവരെയാണ് പോളിങ്.ഒരു ദിവസം ഒരു ലക്ഷത്തിലധികം രൂപ പിൻവലിക്കുന്ന സ്ഥാനാർഥിയെ കുറിച്ച് അന്വേഷണം നടത്തുന്നതിനൊപ്പം പത്തു ലക്ഷത്തിലധികം രൂപയുടെ ഏത് ഇടപാടും ആദായനികുതി വകുപ്പിന്റെ ശ്രദ്ധയിൽപ്പെടുത്തും. സംശയകരമായ ഇടപാടുകൾ ആദായനികുതി വകുപ്പിനെ അറിയിക്കാൻ കർണാടകയിലെ എല്ലാ ബാങ്കുകൾക്കും നിർദേശം നൽകിയിട്ടുണ്ട്. പ്രചാരണച്ചെലവ് ചട്ടങ്ങൾ ലംഘിക്കുന്ന സ്ഥാനാർഥികളിൽനിന്നു പിടിച്ചെടുക്കുന്ന അനധികൃത പണം ആദായനികുതി വകുപ്പിനു കൈമാറേണ്ടതുണ്ട്. പണമിടപാട് സ്ഥാപനങ്ങൾ, ഹവാലാ ഏജന്റുമാർ, തുടങ്ങിയവരുടെ…

ബെംഗളൂരു : സ്ഥാനാർഥിപ്പട്ടികയിൽ ഉൾപ്പെടുത്തിയിട്ടും നടൻ അംബരീഷ് മൗനം തുടരുന്നതിൽ കോൺഗ്രസിൽ ആശയക്കുഴപ്പം. തന്റെ വിശ്വസ്തർക്കു സീറ്റ് നൽകാത്തതിനെ തുടർന്നാണ് ഇടഞ്ഞുനിൽക്കുന്നതെന്ന അഭ്യൂഹത്തെ തുടർന്ന്, അനുനയിപ്പിക്കാൻ എഐസിസി ജനറൽ സെക്രട്ടറി കെ.സി. വേണുഗോപാൽ ഉൾപ്പെടെയുള്ളവർ രംഗത്തുണ്ട്. എംഎൽഎയും മുൻമന്ത്രിയുമായ അംബരീഷിന് ഇത്തവണയും മണ്ഡ്യ സീറ്റാണ് നൽകിയത്. സീറ്റ് പ്രഖ്യാപിക്കും മുൻപ് അറിയിച്ചില്ലെന്നും തനിക്കു പുറമെ മൂന്നു വിശ്വസ്തർക്കും കൂടി സീറ്റ് വേണമെന്ന ആവശ്യം നിരസിച്ചെന്നതുമാണു പരിഭവത്തിനു കാരണമെന്നാണു റിപ്പോർട്ട്. സ്ഥാനാർഥിത്വം പ്രഖ്യാപിച്ചു ദിവസങ്ങളായിട്ടും മൗനം തുടരുന്നതു മണ്ഡ്യയിലെ കോൺഗ്രസ് പ്രവർത്തകരെയും ആശയക്കുഴപ്പത്തിലാക്കിയിട്ടുണ്ട്. അതേസമയം കന്നഡ…