Month: February 2018

ബെംഗളൂരു :∙ ബിഡദി ഇന്നവേറ്റീവ് ഫിലിം സിറ്റിയിൽ വൻ തീപിടിത്തം. കോടിക്കണക്കിനു രൂപയുടെ നാശനഷ്ടം കണക്കാക്കുന്നു. ആളപായമില്ല. ബെംഗളൂരുവിൽ നിന്ന് 40 കിലോമീറ്റർ അകലെയാണിത്. എന്റർടെയിൻമെന്റ് പാർക്കും ഫിലിം സ്റ്റുഡിയോയും ഉൾപ്പെട്ട ഫിലിം സിറ്റിയിൽ ഇന്നലെ പുലർച്ചെ മൂന്നരയോടെയാണ് തീ പടർന്നത്. മെഴുകു മ്യൂസിയവും ടിവി റിയാലിറ്റി ഷോയ്ക്കു വേണ്ടി നിർമിച്ച സെറ്റും കത്തിയമർന്നു. ഷോർട് സർക്യൂട്ടാണു കാരണമെന്നാണു പ്രാഥമിക നിഗമനം. മെഴുകു മ്യൂസിയത്തിലേക്കാണ് ആദ്യം തീപടർന്നത്. തുടർന്ന് എഡിറ്റിങ് റൂമിലേക്കും ഫിലിം സിറ്റിയുടെ മറ്റു ഭാഗങ്ങളിലേക്കും ആളിപ്പടർന്നു. പ്ലൈവുഡിലാണു സെറ്റിന്റെ ഭൂരിഭാഗവും പണിതിരുന്നത്.…

ബെംഗളൂരു : കർണാടക ആർടിസിയുടെ 1540 ബസുകളിൽ പരീക്ഷണാടിസ്ഥാനത്തിൽ ഏർപ്പെടുത്തിയ സൗജന്യ വൈ–ഫൈ സേവനം തുടർന്നും ലഭ്യമാകും. പുണെയിലെ കമ്പനിയുമായി ഇതു സംബന്ധിച്ചു കെഎസ്ആർടിസി മൂന്നു വർഷത്തെ കരാർ ഒപ്പുവച്ചു. ഇതിനു പുറമെ കർണാടക ആർടിസിയുടെ 156 ബസ് സ്റ്റേഷനുകളിലും സൗജന്യ വൈഫൈ ഏർപ്പെടുത്തും. അടുത്ത മാസത്തോടെ പദ്ധതി പൂർത്തിയാക്കുമെന്ന് അധികൃതർ അറിയിച്ചു.