ബെംഗളൂരു ∙ ബസപകടമുണ്ടായാൽ രക്ഷാപ്രവർത്തനത്തിനു കർണാടക ആർടിസിയുടെ മിത്ര വാഹനങ്ങൾ ഇനി കുതിച്ചെത്തും. 45 ജീപ്പുകളാണു ബസ് മിത്ര എന്ന പേരിൽ കെഎസ്ആർടിസിയുടെ വിവിധ ഡിവിഷനുകളിൽ ഇനി രക്ഷാപ്രവർത്തനത്തിനു നേതൃത്വം നൽകുക. അപകടത്തിൽപെടുന്നവർക്കു പ്രഥമശുശ്രൂഷ നൽകാനുള്ള സജ്ജീകരണങ്ങളും വാഹനത്തിൽ ഒരുക്കിയിട്ടുണ്ട്. 3.52 കോടി രൂപ വിനിയോഗിച്ചാണു ബസ് മിത്ര വാഹനങ്ങൾ നിരത്തിലിറക്കിയത്. ബെംഗളൂരു സെൻട്രൽ ഡിവിഷന് മൂന്നു വാഹനങ്ങളുടെ സേവനമാണ് ആദ്യഘട്ടത്തിൽ ലഭിക്കുക. വാഹനങ്ങളുടെ ഉദ്ഘാടനം ഗതാഗതമന്ത്രി എച്ച്.എം.രേവണ്ണ നിർവഹിച്ചു. കെഎസ്ആർടിസി ചെയർമാൻ കെ.ഗോപാലപൂജാരി, മാനേജിങ് ഡയറക്ടർ എസ്.ആർ.ഉമാശങ്കർ എന്നിവർ പങ്കെടുത്തു.
Read Moreബസപകടമുണ്ടായാൽ രക്ഷാപ്രവർത്തനത്തിനു കർണാടക ആർടിസിയുടെ മിത്ര വാഹനങ്ങൾ ഇനി കുതിച്ചെത്തും;45 ജീപ്പുകള്‍ തയ്യാര്‍.
