Day: 4 October 2017

ബെംഗളൂരു ∙ കമ്പനിയെ അപകീർത്തിപ്പെടുത്തുന്ന ഇ–മെയിൽ ലഭിച്ചതായി ഇൻഫോസിസിലെ മുതിർന്ന ഉദ്യോഗസ്ഥൻ സൈബർ പൊലീസിൽ പരാതി നൽകി. അൽപേഷ് പട്ടേൽ എന്ന പേരിൽ നിന്നാണു സന്ദേശമെന്നു സീനിയർ എക്സിക്യൂട്ടീവ് സന്തോഷ് നായർ നൽകിയ പരാതിയിൽ പറയുന്നു. കമ്പനി ഭീകരവാദം പ്രചരിപ്പിക്കുകയാണെന്നും അതിനാൽ പ്രോജക്ടുകൾ നൽകരുതെന്നും ആവശ്യപ്പെട്ട് രാഷ്ട്രപതിക്കും അമേരിക്കൻ പ്രസിഡന്റിനും കത്തെഴുതിയതായും സന്ദേശത്തിൽ അവകാശപ്പെടുന്നു. സൈബർ ക്രൈം പൊലീസ് കേസെടുത്തു.

ബെംഗളൂരു ∙ റെയിൽപ്പാളത്തിൽ നിന്നു സെൽഫി എടുക്കുന്നതിനിടെ മൂന്നു വിദ്യാർഥികൾ ട്രെയിൻ ഇടിച്ചു മരിച്ചു. ജയനഗർ നാഷനൽ കോളജിൽ പഠിക്കുന്ന പ്രഭു ആനന്ദ് (18), രോഹിത് (16), പ്രതീക് റായ്ക്കർ (20) എന്നിവരാണു മരിച്ചത്. ബെംഗളൂരുവിൽ നിന്നു 30 കിലോമീറ്റർ അകലെ ബിഡദി വണ്ടർല അമ്യൂസ്മെന്റ് പാർക്കിനു സമീപം ഇന്നലെ രാവിലെ 8.30ന് ആയിരുന്നു സംഭവം. ട്രെയിൻ ഇടിച്ചശേഷം അര കിലോമീറ്ററോളം മൃതദേഹങ്ങൾ വലിച്ചുകൊണ്ടുപോയി. പാഞ്ഞടുക്കുന്ന ടെയിനിനു മുന്നിൽ നിന്നു സെൽഫിയെടുക്കാനുള്ള സാഹസിക ശ്രമമാകാം ദുരന്തത്തിനു വഴിവച്ചതെന്നു പൊലീസ് പറഞ്ഞു. കോളജിൽ നിന്നു ബൈക്കുകളിൽ…

ബെംഗളൂരു ∙ ഒറ്റ ദിവസം നാലു ലക്ഷത്തിലേറെ യാത്രക്കാരുമായി നമ്മ മെട്രോ ചരിത്രം കുറിച്ചു. 28നു 4,10,050 പേരാണ് നമ്മ മെട്രോയിൽ യാത്ര ചെയ്തത്. ഇതാദ്യമായാണ് നമ്മ മെട്രോ യാത്രക്കാരുടെ എണ്ണം ഒരുദിവസം നാലു ലക്ഷം കടക്കുന്നത്. പൂജ, ഗാന്ധിജയന്തി അവധി പ്രമാണിച്ചുള്ള വൻ യാത്രാത്തിരക്കും ചിന്നസ്വാമി സ്റ്റേഡിയത്തിൽ നടന്ന ഇന്ത്യ–ഓസ്ട്രേലിയ ഏകദിന ക്രിക്കറ്റ് മൽസരവുമാണ് യാത്രക്കാരുടെ എണ്ണം കൂടാൻ കാരണമായത്. ചിന്നസ്വാമി സ്റ്റേഡിയത്തിനു സമീപത്തെ കബൺ പാർക്ക് മെട്രോ സ്റ്റേഷൻ ഉൾപ്പെടുന്ന ബയ്യപ്പനഹള്ളി–മൈസൂരു റോഡ് (പർപ്പിൾ ലൈൻ) റൂട്ടിലൂടെ 2,37,580 പേരും യെലച്ചനഹള്ളി–നാഗസന്ദ്ര…