Category: SPORTS

ബര്‍മിങ്ങാം: 2022 ലെ കോമൺവെൽത്ത് ഗെയിംസിൽ പുരുഷ ഹോക്കിയിൽ ഇന്ത്യ വെള്ളി മെഡൽ നേടി. ഫൈനലിൽ ഇന്ത്യയെ തോൽപ്പിച്ച് ഓസ്ട്രേലിയ സ്വർണം നേടി. നിലവിലെ ചാംപ്യൻമാരായ ഓസ്ട്രേലിയ ഫൈനലിൽ ഇന്ത്യയെ എതിരില്ലാത്ത ഏഴ് ഗോളുകൾക്കാണ് തോൽപ്പിച്ചത്. ഓസ്‌ട്രേലിയയ്ക്ക് വേണ്ടി ജേക്കബ് ആന്‍ഡേഴ്‌സണും നഥാന്‍ എഫ്‌റൗംസും രണ്ട് ഗോള്‍ വീതം നേടി. ടോം വിക്കാം, ബ്ലേക്ക് ഗ്ലോവേഴ്‌സ്, ഫ്‌ളിന്‍ ഒഗില്‍വി എന്നിവരും ലക്ഷ്യം കണ്ടു. കോമണ്‍വെല്‍ത്ത് ഗെയിംസിൽ സ്വർണമെഡൽ നേടുകയെന്ന ഇന്ത്യൻ ഹോക്കി ടീമിന്‍റെ സ്വപ്നങ്ങൾ ഇത്തവണയും തകർന്നടിഞ്ഞു. കോമണ്‍വെല്‍ത്ത് ഗെയിംസ് ആരംഭിച്ചതിന് ശേഷം ഓസ്ട്രേലിയ…

ബര്‍മിങ്ങാം: പുരുഷ ടേബിൾ ടെന്നീസ് സിം​ഗിൾസ് ഫൈനലിൽ കമല്‍ ശരത് അജന്ത സ്വർണം നേടി. ഇംഗ്ലണ്ടിന്റെ ലിയാം പിച്ച്‌ഫോർഡിനെ 4-1ന് തോൽപ്പിച്ചാണ് ശരത് കമാൽ സ്വർണം നേടിയത്. ഈ വർഷത്തെ കോമൺവെൽത്ത് ​ഗെയിംസിൽ ശരത് കമാലിന്റെ നാലാം മെഡലാണിത്. നേരത്തെ പുരുഷ ടീം, മിക്‌സഡ് ടീം മത്സരങ്ങളിൽ ശരത് സ്വർണം നേടിയിരുന്നു. പുരുഷന്മാരുടെ ഡബിൾസിൽ വെള്ളിയും പുരുഷ വിഭാഗം സിംഗിൾസിൽ ഇന്ത്യക്ക് തന്നെയാണ് വെങ്കലവും. മൂന്നാം സ്ഥാനത്തിനായുള്ള മത്സരത്തിൽ ഇംഗ്ലണ്ടിന്റെ പോൾ ഡ്രിങ്ക്ഹാളിനെ തകർത്ത് ഇന്ത്യയുടെ സത്തിയൻ ജ്ഞാനശേഖരൻ വെങ്കലം നേടി. ഏഴ് ഗെയിം…

കോമൺ വെൽത്ത് ഗെയിംസിന്റെ അവസാന ദിവസം സ്വർണം നേട്ടത്തിൽ തിളങ്ങി ഇന്ത്യൻ ബാഡ്മിന്റൺ താരങ്ങൾ. 2022 കോമൺവെൽത്ത് ഗെയിംസിൽ ബാഡ്മിന്റൺ പുരുഷ ഡബിൾസിൽ ഇന്ത്യക്കായി സ്വർണ്ണ മെഡൽ നേടി സാത്വിക് സായിരാജും ചിരാഗ് ഷെട്ടിയും.

ബര്‍മിങ്ങാം: 2022 കോമൺവെൽത്ത് ഗെയിംസിൽ ടേബിൾ ടെന്നീസിൽ ഇന്ത്യ മറ്റൊരു മെഡൽ നേടി. പുരുഷ സിംഗിൾസിൽ ഇന്ത്യയുടെ സത്തിയന്‍ ജ്ഞാനശേഖരൻ വെങ്കലം നേടി. ആതിഥേയരായ ഇംഗ്ലണ്ടിന്‍റെ പോൾ ഡ്രിങ്ക്ഹാളിനെ മൂന്നാം സ്ഥാനത്തേക്കുള്ള മത്സരത്തില്‍ പരാജയപ്പെടുത്തിയാണ് സത്തിയന്‍ വെങ്കല മെഡൽ നേടിയത്. ഏഴ് കളികൾ നീണ്ട പോരാട്ടത്തിനൊടുവിലാണ് സത്തിയന്‍ വിജയിച്ചത്. സ്കോർ: 11-9, 11-3, 11-5, 8-11, 9-11, 10-12, 11-9. സത്തിയന്‍ ആദ്യ മൂന്ന് ഗെയിമുകളും അനായാസം ജയിച്ചപ്പോൾ ഡ്രിങ്ക്ഹാൾ വലിയ തിരിച്ചുവരവ് നടത്തി. അടുത്ത മൂന്ന് കളികളും ഡ്രിങ്ക്ഹാള്‍ ജയിച്ചു. ഇതോടെ മത്സരം…

ബര്‍മിങ്ങാം: 2022ലെ കോമൺവെൽത്ത് ഗെയിംസിൽ ഇന്ത്യ ഒരു സ്വർണം കൂടി നേടി. പുരുഷ സിംഗിൾസിൽ ഇന്ത്യൻ താരം ലക്ഷ്യ സെൻ ആണ് സ്വർണം നേടിയത്. മലേഷ്യയുടെ സെ യോങ് എൻഗിയെയാണ് ലക്ഷ്യ സെൻ ഫൈനലിൽ തോൽപ്പിച്ചത്. വാശിയേറിയ പോരാട്ടത്തിൽ 2-1നാണ് ഇന്ത്യൻ താരം വിജയിച്ചത്. ആദ്യ ഗെയിം തോറ്റെങ്കിലും, ലക്ഷ്യ സെൻ കൂടുതൽ വീര്യത്തോടെ പോരാടുകയും രണ്ട് ഗെയിമുകളും നേടി സ്വർണ്ണ മെഡൽ നേടുകയും ചെയ്തു. സ്കോർ: 19-21, 21-9, 21-16. ആദ്യ കളിയിൽ ഇരുടീമുകളും ഒരുമിച്ച് നിന്നു. സ്കോര്‍ 19-19 ല്‍ നില്‍ക്കേ…

ബര്‍മിങ്ങാം: കോമണ്‍വെല്‍ത്ത് ഗെയിംസില്‍ കൊവിഡ് പ്രോട്ടോക്കോൾ മറിക്കടന്ന്‌ വൈറസ് ബാധിതയായ താരത്തെ കളിക്കാന്‍ അനുവദിച്ച സംഭവം വിവാദത്തില്‍. ഇന്ത്യക്കെതിരായ ക്രിക്കറ്റ് ഫൈനലില്‍ ഓസ്ട്രേലിയന്‍ താരമായ താലിയ മഗ്രാത്തിനെയാണ് രോഗം സ്ഥിരീകരിച്ച് മണിക്കൂറുകള്‍ക്കം കളത്തിലിറക്കിയത്. ഐസിസിയും ഗെയിംസ് അധികൃതരും ക്രിക്കറ്റ് ഓസ്ട്രേലിയയുടെ ആവശ്യം അംഗീകരിക്കുകയായിരുന്നു. തുടക്കത്തിൽ മാസ്‌ക് ഇട്ട് പവലിയനില്‍ ഇരുന്ന താലിയ മഗ്രാത്ത് ഗ്രൗണ്ടിലെത്തി ബാറ്റുചെയ്യുകയും 4 പന്തില്‍ 2 റൺസെടുത്ത് മടങ്ങുകയും ചെയ്തു. പിന്നാലെ ഫീല്‍ഡിംഗിലും താലിയ പങ്കെടുത്തത് ഏവരെയും അമ്പരപ്പിച്ചു. അക്ഷരാര്‍ത്ഥത്തിൽ ഇരട്ട നീതിയാണ് കോമണ്‍വെല്‍ത്ത് ഗെയിംസില്‍ നടപ്പിലായത്. നിയമം അനുസരിച്ച്…

ഇന്ത്യന്‍ വനിതാ ക്രിക്കറ്റ് ടീം ഇന്നലെ കോമണ്‍വെല്‍ത്ത് ഗെയിംസില്‍ ഓസ്‌ട്രേലിയക്കെതിരായ ഫൈനല്‍ കളിക്കുമ്പോള്‍ ആകാംഷയോടെ കളി കണ്ട് ഫ്ലോറിഡയിലെ ഇന്ത്യൻ പുരുഷ ടീം. വെസ്റ്റ് ഇന്‍ഡീസിന് എതിരായ അഞ്ചാം ടി20 കഴിഞ്ഞ് വിശ്രമിക്കുകയായിരുന്നു രോഹിത്തും ടീമും. എന്നാല്‍ അവസാന ഓവറുകളിലേക്ക് നീങ്ങിയ വനിതാ ഫൈനലിന്‍റെ ആവേശവും ആകാംക്ഷയും ഇവര്‍ക്കുമുണ്ടായിരുന്നു.  മത്സര ശേഷം പുരുഷ ടീം ഡ്രസിംഗ് റൂമില്‍ കൂട്ടംകൂടിയിരുന്ന് വനിതകളുടെ ഫൈനല്‍ കണ്ടു. രോഹിക് ശര്‍മ്മ, ദിനേശ് കാര്‍ത്തിക്, സൂര്യകുമാര്‍ യാദവ്, ഇഷാന്‍ കിഷന്‍ തുടങ്ങിയ താരങ്ങളെല്ലാം ഇക്കൂട്ടത്തിലുണ്ടായിരുന്നു. ഇന്ത്യന്‍ പുരുഷ ക്രിക്കറ്റ് ടീം…

ദോഹ: ഫിഫ ലോകകപ്പിന്‍റെ 100 ദിന കൗണ്ട് ഡൗൺ ആഘോഷങ്ങൾക്കൊരുങ്ങി ഖത്തർ. ആഘോഷങ്ങളിൽ പങ്കെടുക്കുന്ന ഖത്തർ നിവാസികൾക്ക് ലോകകപ്പിന്‍റെ ഉദ്ഘാടന മത്സരത്തിനുള്ള ടിക്കറ്റ് വാങ്ങാനുള്ള അവസരവും ലഭിക്കും. ഈ മാസം 11 മുതൽ 13 വരെയാണ് കൗണ്ട് ഡൗൺ ആഘോഷം. ലോകകപ്പ് പ്രാദേശിക സംഘാടകരായ സുപ്രീം കമ്മിറ്റി ഫോർ ഡെലിവറി ആൻഡ് ലെഗസിയാണ് 100 ദിവസത്തെ കൗണ്ട്ഡൗൺ ആഘോഷവും ഖത്തറും ഇക്വഡോറും തമ്മിലുള്ള ലോകകപ്പ് ഉദ്ഘാടന മത്സരത്തിനുള്ള ടിക്കറ്റുകൾ (കാറ്റഗറി -1) നേടാനും അവസരം നൽകുന്നത്. ഖത്തറിൽ താമസിക്കുന്നവർക്ക് മാത്രമാണ് ടിക്കറ്റ് നേടാൻ അവസരം…