Category: SPORTS

ലണ്ടന്‍: ടി20യിൽ 600 വിക്കറ്റ് തികയ്ക്കുന്ന ആദ്യ ബൗളറായി ഡ്വെയ്ൻ ബ്രാവോ മാറി. ഇംഗ്ലണ്ടിന്‍റെ സാം കറനാണ് ബ്രാവോയുടെ 600-ാമത്തെ ഇര. ദി ഹണ്ട്രഡിൽ നോർത്തേൺ സൂപ്പർ ചാർജേഴ്സിനായി കളിക്കുന്നതിനിടെയാണ് വെസ്റ്റ് ഇൻഡീസ് ഓൾറൗണ്ടർ ഈ ചരിത്ര നേട്ടം കൈവരിച്ചത്. 2006ൽ വെസ്റ്റ് ഇൻഡീസിനായി ടി20യിൽ അരങ്ങേറ്റം കുറിച്ച അദ്ദേഹം 91 മത്സരങ്ങളില്‍ നിന്നും 78 വിക്കറ്റുകൾ വീഴ്ത്തിയിട്ടുണ്ട്. ലോകത്തിന്‍റെ വിവിധ ഭാഗങ്ങളിൽ ലീഗ് ക്രിക്കറ്റ് കളിച്ച് ബ്രാവോ ശേഷിക്കുന്ന 522 വിക്കറ്റുകൾ വീഴ്ത്തി.  ടി20യിൽ 25ലധികം ടീമുകളുടെ ഭാഗമാണ് ബ്രാവോ. ഐപിഎല്ലിൽ 161…

ഡൽഹി: സിംബാബ്‌വെയ്‌ക്കെതിരായ ഏകദിന പരമ്പരയിൽ കെഎൽ രാഹുൽ ഇന്ത്യൻ ടീമിനെ നയിക്കും. പരിക്കിൽ നിന്ന് മുക്തി നേടുകയും ഫിറ്റ്നസ് വീണ്ടെടുക്കുകയും ചെയ്ത ശേഷമാണ് രാഹുലിനെ ക്യാപ്റ്റനായി നിയമിച്ചതെന്ന് ബിസിസിഐ അറിയിച്ചു. നേരത്തെ ഏഷ്യാ കപ്പിനുള്ള ഇന്ത്യൻ ടീമിലും രാഹുൽ ഉണ്ടായിരുന്നു. ബിസിസിഐ മെഡിക്കൽ സംഘം കെഎൽ രാഹുലിനെ പരിശോധിച്ചു. സിംബാബ്‌വെയിൽ നടക്കാനിരിക്കുന്ന മൂന്ന് മത്സരങ്ങളുടെ ഏകദിന പരമ്പരയിൽ കളിക്കാൻ അദ്ദേഹത്തിന് അനുമതി നൽകിയിട്ടുണ്ട്. നേരത്തെ പ്രഖ്യാപിച്ച 15 അംഗ ടീമിന്‍റെ ക്യാപ്റ്റനായിരുന്നു ശിഖർ ധവാൻ. കെഎൽ രാഹുലിന്‍റെ തിരിച്ചുവരവോടെ ധവാൻ വൈസ് ക്യാപ്റ്റനാകും. ആകെ…

മുംബൈ: ക്രിക്കറ്റ് ഇതിഹാസം സച്ചിൻ ടെണ്ടുൽക്കറുടെ മകൻ അർജുൻ ടെണ്ടുൽക്കർ ആഭ്യന്തര ക്രിക്കറ്റിൽ മുംബൈയോട് വിടപറഞ്ഞേക്കും. അയൽ സംസ്ഥാനമായ ഗോവയ്ക്ക് വേണ്ടി ആഭ്യന്തര ടൂർണമെന്‍റിൽ കളിക്കാനാണ് അർജുന്‍റെ നീക്കം. വിവിധ മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. 22 കാരനായ അർജുൻ ഇടംകൈയ്യൻ പേസ് ബൗളറാണ്. ഐപിഎല്ലിൽ മുംബൈ ഇന്ത്യൻസിന്‍റെ ഭാഗമായിട്ടും അർജുന് ഇതുവരെ കളിക്കാൻ അവസരം ലഭിച്ചിട്ടില്ല. ആഭ്യന്തര ക്രിക്കറ്റിൽ മുംബൈയെ പ്രതിനിധീകരിച്ച അർജുൻ, സയ്യിദ് മുഷ്താഖ് അലി ട്രോഫിയിൽ രണ്ട് മത്സരങ്ങൾ കളിച്ചിട്ടുണ്ട്. എന്നിരുന്നാലും, താരസമ്പന്നമായ മുംബൈ ടീമിൽ സ്ഥിരം സ്ഥാനം കണ്ടെത്താൻ…

ഇന്ത്യൻ സൂപ്പർ ലീഗ് ക്ലബ്ബായ നോർത്ത് ഈസ്റ്റ് യുണൈറ്റഡ് പുതിയ കോച്ചിന് കീഴിൽ പുതിയ സീസണിനായി തയ്യാറെടുക്കും. ഇസ്രായേലിൽ നിന്നുള്ള മാർക്കോ ബാൽബുളാണ് ക്ലബ്ബിന്‍റെ പുതിയ കോച്ച്. ഇത് സംബന്ധിച്ച ഔദ്യോഗിക പ്രഖ്യാപനം ക്ലബ് നടത്തിക്കഴിഞ്ഞു. 55 കാരനായ മാർക്കോ നോർത്ത് ഈസ്റ്റിന്‍റെ പരിശീലകനാകുമെന്ന് റിപ്പോർട്ടുകൾ വന്നിട്ട് മാസങ്ങളായി. എന്നാൽ, ഇത് സംബന്ധിച്ച് ഔദ്യോഗിക പ്രഖ്യാപനം നടത്താൻ ക്ലബ് വൈകി. 55 കാരനായ മാർക്കോയ്ക്ക് കോച്ചിംഗ് ഫീൽഡിൽ ധാരാളം അനുഭവസമ്പത്തുണ്ട്. കഴിഞ്ഞ 20 വർഷത്തിലേറെയായി കോച്ചായും സഹപരിശീലകനായും പ്രവർത്തിക്കുന്ന വ്യക്തിയാണ് മാർക്കോ. മക്കാബി ടെൽ…

ന്യൂസീലൻഡ് ഓൾറൗണ്ടർ റോസ് ടെയ്‌ലർ തനിക്ക് വംശീയ അധിക്ഷേപം നേരിടേണ്ടി വന്നതായി വെളിപ്പെടുത്തി. ‘ബ്ലാക്ക് ആൻഡ് വൈറ്റ്’ എന്ന ആത്മകഥയിലാണ് ടെയ്‌ലർ ഈ വെളിപ്പെടുത്തൽ നടത്തിയത്. തനിക്കൊപ്പം മറ്റ് ചില സെലിബ്രിറ്റികളും സമാനമായ വംശീയ അധിക്ഷേപം നേരിട്ടിട്ടുണ്ടെന്നും താരം വെളിപ്പെടുത്തി. “ന്യൂസീലൻഡിനെ ക്രിക്കറ്റ് വെളുത്തവർഗക്കാരുടെ കളിയാണ്. എന്റെ കരിയറിന്റെ ഭൂരിഭാഗവും ഞാൻ അവർക്ക് ഒരു അപാകതയായിരുന്നു. വാനില ലൈനപ്പിൽ ഒരു ബ്രൗൺ മുഖം. അതിന് അതിൻ്റേതായ വെല്ലുവിളികളുണ്ട്. അതിൽ പലതും ടീമംഗങ്ങൾക്കോ ​​ക്രിക്കറ്റ് കളിക്കാർക്കോ പെട്ടെന്ന് മനസ്സിലാവില്ല. പോളിനേഷ്യൻ വിഭാഗക്കാർക്ക് ക്രിക്കറ്റിൽ കാര്യമായ പ്രതിനിധാനം…

ന്യൂഡല്‍ഹി: ഈ മാസം ആരംഭിക്കുന്ന ഏഷ്യാ കപ്പിന് മുന്നോടിയായി ഇന്ത്യൻ ക്രിക്കറ്റ് ടീം അംഗങ്ങൾ ഫിറ്റ്നസ് തെളിയിക്കണമെന്ന് റിപ്പോര്‍ട്ട്. യുഎഇയാണ് ഏഷ്യാ കപ്പിന് ആതിഥേയത്വം വഹിക്കുന്നത്. ഓഗസ്റ്റ് 27നാണ് ഏഷ്യാ കപ്പ് ആരംഭിക്കുന്നത്. താരങ്ങൾക്ക് ബെംഗളൂരുവിലെ ദേശീയ ക്രിക്കറ്റ് അക്കാദമിയിൽ ഫിറ്റ്നസ് തെളിയിക്കേണ്ടി വരും. ഓഗസ്റ്റ് 18ന് താരങ്ങൾ ദേശീയ ക്രിക്കറ്റ് അക്കാദമിയിലെത്തുമെന്നാണ് റിപ്പോർട്ടുകൾ സൂചിപ്പിക്കുന്നത്. ദീപക് ഹൂഡയും ആവേശ് ഖാനും ബെംഗളൂരുവിലേക്ക് വരേണ്ട ആവശ്യമില്ല. സിംബാബ്‌വെയ്‌ക്കെതിരായ പരമ്പരയിൽ പങ്കെടുക്കുന്ന ഇരുവരും പരമ്പരയ്ക്ക് ശേഷം നേരിട്ട് ദുബായിലേക്ക് പറക്കും.

ബിര്‍മിങ്ഹാം: ബർമിങ്ഹാം വിമാനത്താവളത്തിൽ നിന്ന് രണ്ട് പാക് ബോക്സർമാരെ കാണാതായി. നാട്ടിലേക്ക് മടങ്ങാൻ പാക് സംഘം ബർമിങ്ഹാം വിമാനത്താവളത്തിലെത്തിയപ്പോഴായിരുന്നു സംഭവം. സുലൈമാന്‍ ബലോച്, നസീറുള്ള എന്നിവരെയാണ് കാണാതായത്. കളിക്കാരുടെ തിരോധാനം പാകിസ്ഥാൻ ബോക്സിംഗ് ഫെഡറേഷൻ സ്ഥിരീകരിച്ചു. ഇവരെ കണ്ടെത്താൻ ടീം മാനേജ്മെന്‍റ് യുകെയിലെ പാകിസ്ഥാൻ ഹൈക്കമ്മീഷനെ സമീപിച്ചിട്ടുണ്ട്. കാണാതായ രണ്ട് കളിക്കാരുടെയും പാസ്പോർട്ട് ഉൾപ്പെടെയുള്ള രേഖകൾ ഫെഡറേഷൻ അധികൃതരുടെ പക്കലുണ്ട്.  സംഭവം അന്വേഷിക്കാൻ പാകിസ്ഥാൻ ഒളിംപിക്‌സ് അസോസിയേഷൻ നാലംഗ സമിതിയെ നിയോഗിച്ചിട്ടുണ്ട്. ഹംഗറിയിൽ നടന്ന നീന്തൽ ലോക ചാമ്പ്യൻഷിപ്പിന് പിന്നാലെ പാകിസ്ഥാൻ നീന്തൽ താരം…