Category: BENGALURU LOCAL

ബെംഗളൂരു: സംസ്ഥാനത്തെ സർക്കാർ ഓഫീസുകളിൽ കൃത്യസമയത്ത് ജീവനക്കാർ ഹാജരാകുന്നുണ്ടെന്ന് ഉറപ്പുവരുത്താൻ കർശന നടപടികളുമായി കർണാടക സർക്കാർ. ഉദ്യോഗസ്ഥരുടെയും ജീവനക്കാരുടെയും വൈകിയെത്തലും ഹാജരില്ലായ്മയും പൂർണ്ണമായി തടയുന്നതിനായി ആർട്ടിഫിഷ്യൽ ഇന്റലിജൻസ് (എ.ഐ) സാങ്കേതികവിദ്യയുടെ സഹായമാണ് സർക്കാർ തേടിയിരിക്കുന്നത്. എല്ലാ സർക്കാർ ജീവനക്കാരും ഉദ്യോഗസ്ഥരും ദിവസവും രാവിലെ 10 മണിക്ക് മുൻപായി ഓഫീസുകളിൽ നിർബന്ധമായും ഹാജരാകണമെന്ന് മുഖ്യമന്ത്രി സിദ്ധരാമയ്യ കഴിഞ്ഞദിവസം നടന്ന യോഗത്തിൽ കർശന നിർദ്ദേശം നൽകിയിരുന്നു. ഇതിന് പിന്നാലെയാണ് ചീഫ് സെക്രട്ടറി ശാലിനി രജനീഷ് ഇതുസംബന്ധിച്ച ഔദ്യോഗിക ഉത്തരവ് പുറപ്പെടുവിച്ചത്. സർക്കാർ ജീവനക്കാരുടെ ഹാജർ ഡിജിറ്റൈസ് ചെയ്യുന്നതിനായി…

ബെംഗളൂരു: വടക്കൻ ബെംഗളൂരുവിലെ ജി.കെ.വി.കെ (GKVK) ക്യാമ്പസിൽ ചക്ക പറിക്കുന്നതിനായി മരത്തിൽ കയറിയ കൃഷി ശാസ്ത്ര ബിരുദാനന്തര ബിരുദ വിദ്യാർത്ഥി കാൽ വഴുതിവീണു മരിച്ചു. വിജയനഗര ജില്ലയിലെ കുഡ്‌ലിഗി സ്വദേശിയും അവസാന വർഷ എം.എസ്സി (അഗ്രികൾച്ചർ) വിദ്യാർത്ഥിയുമായ ആകാശ് കെ (24) ആണ് മരിച്ചത്. വെള്ളിയാഴ്ച പുലർച്ചെയോടെയായിരുന്നു ക്യാമ്പസിനെ കണ്ണീരിലാഴ്ത്തിയ ദാരുണ സംഭവം. പോലീസ് നൽകുന്ന വിവരമനുസരിച്ച്, വ്യാഴാഴ്ച അർദ്ധരാത്രി 12.30-ഓടെ ആകാശും സുഹൃത്തുക്കളായ ഹസൻ ബാഷ, പ്രശാന്ത് എന്നിവരും ചേർന്ന് ക്യാമ്പസിനുള്ളിലെ മരത്തിൽ നിന്ന് ഞാവൽക്കായ്കൾ പറിച്ചിരുന്നു. ഇതിനുശേഷം പുലർച്ചെ 1.30-ഓടെ സമീപത്തുള്ള…

ബെംഗളൂരു: കർണാടകയിൽ പുതിയ കോൺഗ്രസ് മന്ത്രിസഭ അധികാരമേറ്റ് ദിവസങ്ങൾക്കകം വകുപ്പ് വിഭജനത്തെച്ചൊല്ലിയുള്ള ഭിന്നത രൂക്ഷമാകുന്നു. മുതിർന്ന നേതാവ് രാമലിംഗ റെഡ്ഡി അതൃപ്തി പരസ്യമാക്കി രാജി പ്രഖ്യാപിച്ചതിന് പിന്നാലെ, ഭക്ഷ്യ-സിവിൽ സപ്ലൈസ് മന്ത്രി കെ.എച്ച്. മുനിയപ്പയും തനിക്ക് അനുവദിച്ച വകുപ്പിൽ ശക്തമായ പ്രതിഷേധവുമായി രംഗത്തെത്തി. തനിക്ക് കൂടുതൽ ജനപ്രാധാന്യമുള്ള പുതിയ വകുപ്പുകൾ വേണമെന്ന നിലപാടിൽ മന്ത്രി ഉറച്ചുനിന്നതോടെ പാർട്ടി നേതൃത്വം കടുത്ത പ്രതിസന്ധിയിലായിരിക്കുകയാണ്. പുതിയ മന്ത്രിസഭ രൂപീകരിച്ച് രണ്ട് ദിവസത്തിന് ശേഷമാണ് പാർട്ടിയിലെ അതൃപ്തി പരസ്യമായത്. തനിക്ക് അനുവദിച്ച വകുപ്പിൽ മാറ്റം വരുത്തണമെന്ന് കെ.എച്ച്. മുനിയപ്പ…

ബെംഗളൂരു: നഗരത്തിലെ മെട്രോ യാത്രക്കാർക്ക് ഏറെ പ്രതീക്ഷയേകുന്ന വലിയൊരു വാർത്ത പുറത്തുവിട്ടിരിക്കുകയാണ് ബെംഗളൂരു മെട്രോ അധികൃതർ. ഏറെ നാളായി കാത്തിരിക്കുന്ന ബ്ലൂ ലൈൻ മെട്രോ ഇടനാഴിയിലേക്കുള്ള ആദ്യ ട്രെയിൻ സെറ്റ് നഗരത്തിലെത്തിച്ചു. വ്യാഴാഴ്ച രാവിലെ ബയ്യപ്പനഹള്ളി ഡിപ്പോയിലാണ് ട്രെയിൻ എത്തിയത്. നഗരത്തിലെ ഏറ്റവും വലിയ ഗതാഗത അടിസ്ഥാന സൗകര്യ വികസന പദ്ധതികളിലൊന്നിന്റെ പുരോഗതിയിലെ നിർണായക ചുവടുവെപ്പായാണ് ഈ നേട്ടം വിലയിരുത്തപ്പെടുന്നത്. സിൽക്ക് ബോർഡ് ജംഗ്ഷനെ കെംപെഗൗഡ അന്താരാഷ്ട്ര വിമാനത്താവളവുമായി ബന്ധിപ്പിക്കുന്നതിനാണ് ബ്ലൂ ലൈൻ വികസിപ്പിക്കുന്നത്. ഈ പാത യാഥാർത്ഥ്യമാകുന്നതോടെ ബെംഗളൂരുവിലെ ലക്ഷക്കണക്കിന് യാത്രക്കാർക്ക് നേരിട്ടുള്ളതും…

ബെംഗളൂരു: നഗരത്തിൽ വീണ്ടും ചൈനീസ് മഞ്ചാ നൂൽ വില്ലനായി. ബൈക്കിൽ സഞ്ചരിക്കുകയായിരുന്ന ഇരുപത്തൊൻപതുകാരനായ യുവാവ് പട്ടം പറത്താൻ ഉപയോഗിക്കുന്ന മഞ്ചാ നൂൽ കഴുത്തിൽ കുരുങ്ങി ചോരവാർന്ന് മരിച്ചു. തെക്കൻ ബെംഗളൂരുവിലെ തലഘട്ടപുര പോലീസ് സ്റ്റേഷൻ പരിധിയിൽ മെയ് 30-നാണ് സംഭവം നടന്നത്. കുടുംബം പോലീസിൽ പരാതി നൽകിയതോടെയാണ് സംഭവം പുറംലോകമറിഞ്ഞത്. കനകപുര സ്വദേശിയും നിലവിൽ താതഗുനിയിലെ അരസപ്പ ലേഔട്ടിൽ താമസക്കാരനുമായ കിരൺ ജി (29) ആണ് മരിച്ചത്. ഗുബ്ബാലാല കനകപുര റോഡിലെ ഇസ്കോൺ ക്ഷേത്രത്തിൽ കഴിഞ്ഞ നാല് വർഷമായി ഹൗസ് കീപ്പിങ് സൂപ്പർവൈസറായി ജോലി…

ബെംഗളൂരു: മിഡിൽ ഈസ്റ്റ് സംഘർഷവും യുദ്ധഭീഷണിയും സാധാരണക്കാരുടെ അടുക്കളകളെയും ഹോട്ടൽ വ്യവസായങ്ങളെയും നേരിട്ട് ബാധിച്ചിരിക്കുന്നു. വാണിജ്യ എൽപിജി സിലിണ്ടറുകളുടെ വില തുടർച്ചയായി വർദ്ധിച്ചുകൊണ്ടിരിക്കുന്നതിനാൽ, ബെംഗളൂരുവിലെ മിക്ക ഹോട്ടലുകളുടെയും ഉടമകൾ ഭക്ഷണം, ലഘുഭക്ഷണം, കാപ്പി, ചായ എന്നിവയുടെ വില വർദ്ധിപ്പിക്കാൻ ഒരുങ്ങുകയാണ്. ചില ഹോട്ടലുകൾ ഇതിനകം വില വർദ്ധിപ്പിച്ചിട്ടുണ്ടെങ്കിലും, ബാക്കിയുള്ളവ ഈ ആഴ്ച മുതൽ തന്നെ പുതിയ വില പട്ടിക നടപ്പിലാക്കാൻ പദ്ധതിയിടുന്നു. കഴിഞ്ഞ മൂന്ന് മാസത്തിനിടെ വാണിജ്യ സിലിണ്ടറുകളുടെ വിലയിൽ 1,240 രൂപയുടെ വർദ്ധനവാണ് രേഖപ്പെടുത്തിയത്. കഴിഞ്ഞ മാസം 991 രൂപ വർദ്ധിച്ചതിന് പിന്നാലെ,…

ബെം​ഗളൂരു: നഗരത്തിൽ വൈദ്യുതി വാഹന ഉപഭോക്താക്കൾക്കായി ബെസ്കോം (BESCOM) കോടികൾ മുടക്കി സ്ഥാപിച്ച ഇലക്ട്രിക് വെഹിക്കിൾ (ഇവി) ചാർജിങ് സ്റ്റേഷനുകൾ വെറും അലങ്കാരവസ്തുക്കളായി മാറുന്നു. നഗരത്തിലെ രണ്ട് കേന്ദ്രങ്ങളും മാസങ്ങളായി പൂർണ്ണമായും പ്രവർത്തനരഹിതമാണ്. നിലവിൽ ചാർജിങ് മെഷീനുകൾക്ക് മുകളിൽ ‘തൊടരുത്’ എന്ന ബോർഡ് ഒട്ടിച്ചുവെച്ച നിലയിലാണ്. കഴിഞ്ഞ വർഷമാണ് നഗരത്തിലെ ഹൊരപേട്ടെ, ക്യാത്സന്ദ്ര എന്നിവിടങ്ങളിൽ ചാർജിങ് സ്റ്റേഷനുകൾ സ്ഥാപിച്ചത്. ഓരോ കേന്ദ്രത്തിലും രണ്ട് മെഷീനുകൾ വീതം ആകെ നാല് ചാർജിങ് യൂണിറ്റുകളാണ് ഇവിടെയുള്ളത്. 50 കിലോവാട്ട് ശേഷിയുള്ളതാണ് ഓരോ മെഷീനും. എന്നാൽ മാസങ്ങളായി ഇവയൊന്നും…

ബെംഗളൂരു: കനത്ത മഴയെത്തുടർന്ന് നഗരം കടുത്ത ഗതാഗതക്കുരുക്കിലും വെള്ളക്കെട്ടിലും ശ്വാസംമുട്ടുമ്പോൾ, രക്ഷകരായി രംഗത്തിറങ്ങി കൈയടി നേടുകയാണ് ബെംഗളൂരു ട്രാഫിക് പോലീസ് (ബി.ടി.പി). കനത്ത മഴയത്ത് നനഞ്ഞുകൊണ്ട് റോഡരികിലെ ഓടകൾ പോലീസുകാർ തന്നെ നേരിട്ട് വൃത്തിയാക്കുന്ന വീഡിയോ സോഷ്യൽ മീഡിയയിൽ വൈറലായിരിക്കുകയാണ്. ഔദ്യോഗിക കർത്തവ്യങ്ങൾക്കുമപ്പുറം നഗരത്തെ സാധാരണ നിലയിലേക്ക് മിച്ചപ്പെടുത്താൻ ട്രാഫിക് പോലീസ് നടത്തിയ നിസ്വാർത്ഥ സേവനത്തിന് പൊതുജനങ്ങളിൽ നിന്നും നെറ്റിസൺമാരിൽ നിന്നും വലിയ പ്രശംസയാണ് ലഭിക്കുന്നത്. ‘ബെംഗളൂരു പോസ്റ്റിന്റെ’ എക്സ് (X) അക്കൗണ്ടിലാണ് ഈ ദൃശ്യങ്ങൾ പങ്കുവെക്കപ്പെട്ടത്. കഴിഞ്ഞ ദിവസങ്ങളിലുണ്ടായ ശക്തമായ മഴയിൽ നഗരത്തിലെ…

ബെംഗളൂരു: കർണാടകയുടെ പുതിയ മുഖ്യമന്ത്രിയായി സത്യപ്രതിജ്ഞ ചെയ്യുന്നതിന് മുന്നോടിയായി രാഷ്ട്രീയ അതിർവരമ്പുകൾ ഭേദിച്ച് ഡി.കെ. ശിവകുമാർ മുതിർന്ന നേതാക്കളുടെ അനുഗ്രഹം തേടി. ബുധനാഴ്ച രാവിലെ ജെ.ഡി.എസ് അധ്യക്ഷനും മുൻ പ്രധാനമന്ത്രിയുമായ എച്ച്.ഡി. ദേവഗൗഡ, മുതിർന്ന ബി.ജെ.പി നേതാവും മുൻ മുഖ്യമന്ത്രിയുമായ ബി.എസ്. യെഡിയൂരപ്പ എന്നിവരുടെ വസതികൾ നേരിട്ട് സന്ദർശിച്ചാണ് അദ്ദേഹം ആശീർവാദം വാങ്ങിയത്. രാഷ്ട്രീയ ഭേദമന്യേ സംസ്ഥാനത്തെ പ്രമുഖ നേതാക്കളെ ചടങ്ങിലേക്ക് ക്ഷണിക്കുകയും ചെയ്തു. ഇന്ന് വൈകുന്നേരം 4:05-ന് രാജ്ഭവനിൽ നടക്കുന്ന പ്രൗഢഗംഭീരമായ ചടങ്ങിൽ ഡി.കെ. ശിവകുമാർ കർണാടക മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേൽക്കും.…

ബെംഗളൂരു: ബെംഗളൂരു കന്റോൺമെന്റ്-വൈറ്റ്ഫീൽഡ് പാത ഇരട്ടിപ്പിക്കൽ പദ്ധതിയുടെ ഭാഗമായുള്ള വൈറ്റ്ഫീൽഡ് യാർഡ് നവീകരണ പ്രവർത്തനങ്ങൾ (ഫേസ് 1) ആരംഭിക്കുന്നതിനാൽ ബുധനാഴ്ച മുതൽ നഗരത്തിൽ 85 ട്രെയിൻ സർവീസുകളെ ബാധിക്കും. വരും ആഴ്ചകളിലായി ആകെ 42 ട്രെയിനുകളാണ് പൂർണ്ണമായും റദ്ദാക്കിയിരിക്കുന്നത്. ഇതിൽ ബെംഗളൂരുവിനെ അയൽ നഗരങ്ങളായ കുപ്പം, മാരികുപ്പം, ബംഗാരപേട്ട്, ജോലാർപേട്ടൈ എന്നിവയുമായി ബന്ധിപ്പിക്കുന്ന 27 മെമു (MEMU) സർവീസുകളും ഉൾപ്പെടുന്നു. കൂടാതെ ചില പ്രത്യേക സർവീസുകളും ഹ്രസ്വദൂര സ്ഥിരം സർവീസുകളും റദ്ദാക്കിയവയിലുണ്ട്. യാത്രാ ക്രമീകരണങ്ങൾ ചുരുക്കത്തിൽ പൂർണ്ണമായി റദ്ദാക്കിയവ: 42 ട്രെയിനുകൾ (27 മെമു…