Day: 30 November 2025

ബെംഗളൂരു : മൈസൂരുവിലെ ഹുൻസൂരിൽ കാട്ടുതേനീച്ചയുടെ ആക്രമണത്തിൽ കർഷകന് ദാരുണാന്ത്യം. ഹരവേ കല്ലഹള്ളി സ്വദേശി മാധവ് (56) ആണ് മരിച്ചത്. കൃഷിയിടത്തിൽ ജോലി ചെയ്യുന്നതിനിടെ തേനീച്ചകൾ കൂട്ടമായി ആക്രമിക്കുകയായിരുന്നു. ഗുരുതരമായി പരിക്കേറ്റ മാധവിനെ ഹുൻസൂരിലെ സ്വകാര്യ ആശുപത്രിയിലും തുടർന്ന് വിദഗ്ധചികിത്സയ്ക്കായി മൈസൂരുവിലെ ആശുപത്രിയിലും പ്രവേശിപ്പിച്ചു. പക്ഷേ, ചികിത്സയ്ക്കിടെ മരിച്ചു. മാധവിന് ഭാര്യയും രണ്ട് മക്കളുമുണ്ട്.

ബെംഗളൂരു : വന്യമൃഗാക്രമണം രൂക്ഷമായ ബന്ദിപ്പുർ മേഖലയിൽ ഒരു കടുവയെക്കൂടി വനംവകുപ്പ് പിടികൂടി. ചൊവ്വാഴ്ച രാവിലെ ആറുവയസ്സുള്ള ആൺകടുവയെ വനംവകുപ്പ് ഉദ്യോഗസ്ഥർ കൂടൊരുക്കി പിടികൂടിയത്. മേഖലയിൽ ഒന്നരമാസത്തിനിടെ കടുവയുടെ ആക്രമണത്തിൽ കൊല്ലപ്പെട്ടത് നാലുപേരാണ്. ഇതോടെയാണ് കടുവകൾക്കായുള്ള തിരച്ചിൽ വനംവകുപ്പ് ആരംഭിച്ചത്. കടുവകൾ വ്യാപകമായി കന്നുകാലികളെ കൊന്നൊടുക്കുന്നതായി വനംവകുപ്പ് ഉദ്യോഗസ്ഥർക്ക് പരാതി ലഭിച്ചിരുന്നു. ഇതോടെ ഒരുമാസത്തിനിടെ ബന്ദിപ്പുർ മേഖലയിൽനിന്ന് 11 കടുവകളെയാണ് വനംവകുപ്പ് പിടികൂടിയത്. വരുംദിവസങ്ങളിലും തിരച്ചിൽ തുടരുമെന്ന് മൈസൂരു ഡിവിഷൻ ഡെപ്യൂട്ടി ഫോറസ്റ്റ് കൺസർവേറ്റർ കെ. പരമേശ അറിയിച്ചു.

ബെംഗളൂരു: ആകാശവിസ്മയം തീർത്ത കടുവയുടെ ദൃശ്യം -ദസറയുടെ ഡ്രോൺ ഷോ ലോക ഗിന്നസ് ബുക്ക് ഓഫ് റെക്കോഡിൽ ഇടംനേടി. 2025-ലെ ആഘോഷങ്ങളുടെ ഭാഗമായിനടന്ന ഡ്രോൺഷോയാണ് ഗിന്നസ് റെക്കോഡിട്ടത്. ‘ഇന്ത്യയിലെ കർണാടകയിലെ മൈസൂരുവിൽ രാത്രി ആകാശത്ത് 2983 ഡ്രോണുകൾ ഉപയോഗിച്ചാണ് ഒരു കടുവയുടെ അവിശ്വസനീയമായ ചിത്രം രൂപപ്പെടുത്തിയത്. അതിനാലാണ് അംഗീകാരം’ -റെക്കോഡ്‌ ബുക്കിൽ രേഖപ്പെടുത്തി. 3000 ഡ്രോണുകൾ ഉപയോഗിച്ചാണ് ദൃശ്യവത്കരിച്ചതെന്ന് ചാമുണ്ഡേശ്വരി ഇലക്‌ട്രിസിറ്റി സപ്ലൈ കോർപ്പറേഷൻ (സിഇഎസ്‌സി) മാനേജിങ് ഡയറക്ടർ കെ.എം. മുനിഗോപാൽ രാജു അറിയിച്ചു.

ബെംഗളൂരു : വിധവയായ യുവതിയുമായി പ്രണയത്തിലായിരുന്ന യുവാവിനെ അടിച്ചുകൊന്നു. ബെംഗളൂരുവിൽ മുത്ത്യാലമ്മനഗറിൽ താമസിച്ചിരുന്ന നരസിംഹരാജയെയാണ് കാമുകിയുടെ അച്ഛനും സഹോദരന്മാരും ചേർന്ന് കൊലപ്പെടുത്തിയത്. രണ്ടര വർഷം മുൻപ് ഭർത്താവ് മരിച്ചുപോയ ലക്ഷ്മിയുമായി നരസിംഹരാജ പ്രണയത്തിലായിരുന്നു. ഇയാൾ തനിച്ചു താമസിക്കുന്ന വീട്ടിൽ ലക്ഷ്മി സ്ഥിരമായി വരാറുണ്ടായിരുന്നു. കഴിഞ്ഞദിവസം ലക്ഷ്മി ഇവിടെ എത്തിയതിന് പിന്നാലെ അച്ഛനും സഹോദരങ്ങളും എത്തി. ഇവർ വീടിനുള്ളിൽ കയറി നരസിംഹരാജയെ പുറത്തേക്ക് വലിച്ചിറക്കുകയും ക്രൂരമായി മർദിക്കുകയുമായിരുന്നു. അവശനായ വീണ ഇയാളെ ആശുപത്രിയിൽ എത്തിച്ചുവെങ്കിലും മരണം സംഭവിച്ചിരുന്നു. നരസിംഹരാജയുടെ കുടുംബത്തിന്റെ പരാതിയെത്തുടർന്ന് കേസെടുത്ത പോലീസ് ഒളിവിൽ…

ബെംഗളൂരു: ഒരു വ്യക്തി മദ്യപാനം ഉപേക്ഷിച്ചപ്പോള്‍ ആഘോഷം ഒരു ഗ്രാമം മുഴുവന്‍ ഏറ്റെടുത്തു. കര്‍ണാടകയില്‍ മണ്ഡ്യയ്ക്കടുത്തുള്ള ബസരാലു ഗ്രാമത്തിലാണ് സംഭവം. ഗ്രാമവാസിയായ കിരണ്‍ മദ്യപാനം പൂര്‍ണ്ണമായി നിര്‍ത്തുകയും ആ സന്തോഷം ഗ്രാമത്തിലുള്ളവര്‍ക്ക് ബ്രോയിലര്‍ കോഴികളെ നല്‍കി ആഘോഷിക്കുകയും ചെയ്തു. പുതിയ വസ്ത്രങ്ങള്‍ ധരിച്ച് അദ്ദേഹത്തിന്റെ സുഹൃത്തുക്കള്‍ കിരണിന്റെ വീട്ടിലെത്തി ഇതൊരു ഉത്സവമോ വിവാഹമോ പോലെയോയാണ് ആഘോഷമാക്കി. കിരണിനെ സംബന്ധിച്ച് മദ്യപാനം വര്‍ഷങ്ങളായി ഒരു ജീവിതശൈലിയായിരുന്നു. മദ്യം അദ്ദേഹത്തിന്റെ ജീവിതത്തിലെ ദൈനംദിന സാന്നിധ്യമായിരുന്നു. മദ്യം ഒരു വിനോദത്തില്‍ നിന്നും പതുക്കെ അദ്ദേഹത്തിന്റെ ജീവിതത്തിലെ ഒരു പതിവ്…