Month: July 2025

ബെംഗളൂരു : സ്വർണാഭരണപ്പണിശാലയിൽ ഉടമയെകെട്ടിയിട്ടതിനുശേഷം മൂന്നുകിലോ സ്വർണംകവർന്നത് അന്തസ്സംസ്ഥാന മോഷണ സംഘമെന്ന് പോലീസ്. പ്രതികളെന്ന് സംശയിക്കുന്നവർ സംസ്ഥാനം വിട്ടുവെന്നാണ് സംശയിക്കുന്നത്. ഇവരെ പിടികൂടാൻ മഹാരാഷ്ട്ര, തെലങ്കാന എന്നിവിടങ്ങളിലേക്ക് കർണാടക പോലീസ് സംഘം പുറപ്പെട്ടു. കലബുറഗി സറഫ് ബസാറിൽ കവർച്ചയ്ക്കായി ഇവരെത്തിയത് ഓട്ടോറിക്ഷയിലായിരുന്നുവെന്നും തിരികെപോയതും ഓട്ടോയിലായിരുന്നുവെന്നും കണ്ടെത്തി. സ്വർണപ്പണിശാല ഉടമയായ ബംഗാൾ സ്വദേശി മോട്ടിയെ തോക്ക് ചൂണ്ടിഭയപ്പെടുത്തിയതിനുശേഷം കൈകൾ കെട്ടിയിടുകയും വായയിൽ പ്ലാസ്റ്റർ ഒട്ടിയ്ക്കുകയും ചെയ്തിട്ടായിരുന്നു വെള്ളിയാഴ്ച ഉച്ചയ്ക്ക് സ്വർണം കവർന്നത്. നാലംഗസംഘം ഒന്നാംനിലയിൽ പ്രവർത്തിക്കുന്ന സ്വർണപ്പണിശാലയിലെത്തി കവർച്ചനടത്തുകയായിരുന്നു. ശബ്ദംകേട്ട് താഴത്തെനിലയിലെ സ്ഥാപനത്തിലുണ്ടായിരുന്ന രാജശേഖർ എത്തിനോക്കിയപ്പോൾ…

ബെംഗളൂരു : ബൈക്കിൽ വാനിടിച്ചു മലയാളി കോളേജ് വിദ്യാർഥി മരിച്ചു. ചെന്നിത്തല കാവിലേത്ത് കൃഷ്ണഭവനിൽ ദേവദത്ത് അനിലാണ് (20) മരിച്ചത്. ഒപ്പമുണ്ടായിരുന്ന സുഹൃത്ത് എറണാകുളം സ്വദേശിയായ ജിസൺ ഗുരുതര പരിക്കുകളോടെ ആശുപത്രിയിലാണ്. ഞായറാഴ്ച പുലർച്ചെ 4.30-ഓടെ ബെംഗളൂരുവിലെ കെങ്കേരി-ഉള്ളാൽ റോഡിലായിരുന്നു അപകടം. ഉപറോഡിൽനിന്ന് പ്രധാനറോഡിലേക്ക് പ്രവേശിക്കുമ്പോൾ ദേവദത്തും ജിസണും സഞ്ചരിച്ചിരുന്ന ബൈക്കിൽ വാൻ ഇടിക്കുകയായിരുന്നു. ഗുരുതരമായി പരിക്കേറ്റ രണ്ടുപേരെയും ഉടൻ ആശുപത്രിയിൽ എത്തിച്ചെങ്കിലും ദേവദത്തിനെ രക്ഷിക്കാനായില്ല. ബെംഗളൂരു രാജരാജേശ്വരി കോളേജിൽ ഫിസിയോതെറാപ്പി ബിരുദ വിദ്യാർഥിയായിരുന്നു.

ബെംഗളൂരു: ഇന്ത്യയെയും കാടുകളെയും ധ്യാനത്തെയും ഇഷ്ടപ്പെടുന്നെന്നും റഷ്യയിലേക്കു തിരിച്ചയയ്ക്കുന്നതിൽ തീവ്രദുഃഖമുണ്ടെന്നും കർണാടകയിലെ ഗുഹയിൽ കണ്ടെത്തിയ റഷ്യൻ യുവതി. ധ്യാനത്തിനായി ഗോകർണത്ത് വനത്തിനുള്ളിലെ ഗുഹയിൽ താമസമാക്കിയ റഷ്യൻ യുവതിയെയും ആറും നാലും വയസ്സുള്ള പെൺകുട്ടികളെയും പുനരധിവാസകേന്ദ്രത്തിലേക്ക് മാറ്റി. ഉത്തര കന്നഡ ജില്ലയിലെ ഗോകർണത്തെ വനമേഖലയിലെ ഒരു ഒറ്റപ്പെട്ട ഗുഹയിൽനിന്നാണ് നിന കുട്ടിനയെയും(40) ആറും നാലും വയസ്സുള്ള രണ്ടു പെൺമക്കളെയും പൊലീസ് കണ്ടെത്തിയത്. നിന ഇന്ത്യയിൽ എത്തിയശേഷമാണ് പെൺകുട്ടികൾ രണ്ടുപേരും ജനിച്ചത്. ആരാണ് കുട്ടികളുടെ പിതാവ് എന്ന് വെളിപ്പെടുത്താൻ അവർ തയാറായിട്ടില്ല. കുട്ടികളുടെ ജനന സമയത്ത് ഏതെങ്കിലും…

ബെംഗളൂരു: സ്ത്രീകളുടെയും പെൺകുട്ടികളുടെയും അശ്ലീല ഫോട്ടോകളും വീഡിയോകളും എടുത്ത് ഇൻസ്റ്റാഗ്രാമിൽ പോസ്റ്റ് ചെയ്തയാളുടെ കേസിലെ അന്വേഷണത്തിൽ പുതിയ വസ്തുതകൾ പുറത്തുവന്നു. ബെംഗളൂരുവിലെ ബനശങ്കരി പോലീസിന്റെ അന്വേഷണത്തിൽ നിരവധി കാര്യങ്ങളാണ് പുറത്തുവന്നിട്ടുള്ളത് , 45-ലധികം യുവതികളുടെയും പെൺകുട്ടികളുടെയും അശ്ലീല വീഡിയോകൾ എടുത്ത പ്രതി അന്വേഷണത്തിൽ കുറ്റം സമ്മതിച്ചു. പൊതുസ്ഥലങ്ങളിൽ സ്ത്രീകളുടെ ഫോട്ടോകളും വീഡിയോകളും എടുത്ത് സോഷ്യൽ മീഡിയയിൽ പോസ്റ്റ് ചെയ്തിരുന്ന ഗുർദീപ് സിംഗ് എന്ന 26 വയസ്സുള്ള യുവാവിനെ 2 ദിവസം മുമ്പ് അറസ്റ്റ് ചെയ്തു. ചോദ്യം ചെയ്യലിൽ ഇയാളുടെ മൊബൈലിൽ നിന്ന് സമാനമായ 45…